Pune Mumbai Nagpur News Live Updates: मुंबई, मुंबई महानगर, नागपूर, पुणे जिल्ह्यातील ताज्या घडामोडी एका क्लिकवर जाणून घ्या..

Mumbai Live Updates, 24 July 2025: मुंबई शहरातील शाळांना धमकीचे ई-मेल येण्याचे सत्र सुरूच असून अलिकडेच कुर्ला येथील आंतरराष्ट्रीय शाळेला बॉम्बस्फोटाची धमकी देणारा ई-मेल प्राप्त झाला आहे. ई-मेल पाठवणाऱ्या व्यक्तीने शाळेच्या परिसरात अनेक बॉम्ब पेरल्याचा दावा केला होता. शाळा प्रशासनाने धमकीच्या या ई-मेलबाबत तातडीने पोलिसांना माहिती दिली. त्यानंतर स्थानिक पोलीस ठाण्यातील पथक, बॉम्ब शोधक व नाशक पथकाने (बीडीडीएस) घटनास्थळी धाव घेऊन शाळेची तपासणी केली.

गेल्या आठवड्यात विधान परिषदेच्या कामकाजाच्या वेळी कृषिमंत्री माणिकराव कोकाटे यांचे मोबाईलवर रमी खेळत असल्याचे वादग्रस्त ठरलेले चित्रीकरण कोणी केले असावे याची चौकशी विधिमंडळ सचिवालयाने सुरू केली आहे.कोकाटे हे सभागृहाचे कामकाज सुरू असताा दुपारी १.३१ ते १.५१ या काळात भ्रमणध्वनीवर रमी खेळत असल्याची चित्रफीत राष्ट्रवादीचे (शरद पवार) आमदार रोहित पवार आणि जितेंद्र आव्हाड यांनी समोर आणली आहे. यावरून कोकाटे हे वादग्रस्त ठरले आहेत. 

या घडामोडींसह मुंबई,  मुंबई महानगर, नागपूर आणि पुणे शहर परिसरातील ताज्या बातम्या एका क्लिकवर जाणून घ्या…