Pune News Updates : राजेंद्र हगवणे यांच्या मित्राची कसून पोलीस चौकशी

Mumbai Breaking News Updates: पुण्यातील वैष्णवी आत्महत्या प्रकरणी अद्यापही राजेंद्र हगवणे आणि त्यांचा मुलगा सुशील हगवणे याला अटक झालेले नाही. पोलिसांची सहा पथक दोघांचा शोध घेत आहेत. दरम्यान, राजेंद्र हगवणे आणि सुशील हगवणे यांना पळवून जाण्यास मदत केल्याच्या संशयावरून गेल्या अडीच तासांपासून सुनील चांदिरे नावाच्या व्यक्तीची कसून पोलीस चौकशी सुरू आहे. 

तसेच राज्यात सध्या पावसाला पोषक वातावरण निर्माण झाले आहे. याचबरोबर पूर्व-मध्य अरबी समुद्रात उत्तर कर्नाटक आणि गोव्याच्या किनारी भागात चक्राकार वाऱ्याची स्थिती निर्माण झाली आहे. यावेळी काही भागांत १०० ते १५० मिमी पाऊस पडण्याची शक्यता आहे. तर दुसरीकडे राज्यात मान्सूनपूर्व खबरदारी घेण्यासाठी मुख्यमंत्र्यांनी महापालिकांना आराखडा तयार करण्याचे आदेश दिले आहेत, तेव्हा मुंबई, पुणे आणि नागपूर सह राज्यातील महत्त्वाच्या घडामोडींची माहिती या live blog च्या माध्यमातून मिळेल…