Loksabha Election 2024 : घुसखोरी आणि भ्रष्टाचारावरुन पंतप्रधान नरेंद्र मोदींचे विरोधकांवर टीकास्र, म्हणाले…

1/12

बिहारमधील पुर्णिया येथे पंतप्रधान नरेंद्र मोदी यांची काल (१६ एप्रिल) सभा पार पडली. (सर्व फोटो साभार- BJP Bihar/Facebook Page)

2/12

पुर्णियातील सभेला मुख्यमंत्री नितीशकुमार उपस्थित नव्हते. विशेष म्हणजे संतोष कुशवा या त्यांच्याच पक्षाच्या उमेदवारासाठी ही सभा झाली.

3/12

नेपाळ तसेच बांगलादेश सीमेनजीक हा मतदारसंघ आहे. या सभेत घुसखोरांचा आणि भ्रष्टाचाराचा मुद्दा पंतप्रधानांनी उपस्थित केला.

4/12

“मोदींना कोणी रोखू शकणार नाही, हे सुधारित नागरिकत्व कायद्याला विरोध करणाऱ्यांनी ध्यानात घ्यावे.” असा इशारा त्यांनी दिला.

5/12

याआधी गया येथील सभेत मोदींनी संविधानाचा संदर्भ देत, वंचितांच्या वेदना मला समजतात. संविधानामुळेच माझ्यासारखी व्यक्ती पंतप्रधान होऊ शकली असे पंतप्रधान मोदींनी नमूद केले.

6/12

पुन्हा सत्तेत आल्यास आमचे सरकार घुसखोर थांबवेल तसेच भ्रष्टाचाऱ्यांवर कारवाई सुरूच ठेवेल अशी ग्वाही पंतप्रधान नरेंद्र मोदी यांनी दिली.

7/12

मतपेढीच्या राजकारणामुळे घुसखोरी वाढल्याचा आरोप पंतप्रधान नरेंद्र मोदी यांनी केला.

8/12

राष्ट्रीय जनता दलावर त्यांनी टीका केली. राष्ट्रीय जनता दलाचे सर्वेसर्वा लालूप्रसाद यादव यांनी भाजपाला घटना बदलायची आहे असा आरोप केला होता. त्याला अप्रत्यक्षपणे पंतप्रधानांनी या सभेत उत्तर दिले.

9/12

सुधारित नागरिकत्व कायद्याला विरोध करत, तृणमूल काँग्रेस घुसखोरांना संरक्षण देऊ पाहात आहे असा आरोप पंतप्रधान नरेंद्र मोदी यांनी केला.राज्यात तृणमूल काँग्रेसने गुंडांना मोकळे रान दिल्याची टीका पंतप्रधानांनी येथील सभेत केली.

10/12

राज्यात रामनवमी उत्सवाला तृणमूल सरकार विरोध करते. कोलकाता उच्च न्यायालयाने हावडा येथे विश्व हिंदू परिषदेच्या मिरवणुकीला परवानगी देण्याचा निर्णय सत्याचा विजय असल्याचे पंतप्रधानांनी नमूद केले.

11/12

संदेशखालीचा मुद्दा उपस्थित करत, गुन्हेगारांना तृणमूल काँग्रेसने कसे संरक्षण दिले? हे देशाने पाहिले आहे. भ्रष्टाचार, गुन्हेगारी राज्यात फोफावल्याची टीका पंतप्रधानांनी केली.

12/12

हेही पहा- Loksabha Election 2024 : पंतप्रधान नरेंद मोदींबद्दल केलेल्या ‘त्या’ वक्तव्यावर नवनीत राणांची सारवासारव, म्हणाल्या…