महेश मांजरेकरांना बिग बॉसच्या घरात हवेत ‘हे’ राजकारणी नेते…

'बिग बॉस' मराठीच्या नव्या पर्वाची सध्या जोरदार चर्चा सुरु झाली आहे. या कार्यक्रमाच्या आधीच्या तिन्ही पर्वांना प्रेक्षकांनी तूफान प्रतिसाद दिला. त्यानंतर या कार्यक्रमाचे चौथे पर्व प्रेक्षकांच्या भेटीस येण्यास सज्ज झाले आहे. दिग्दर्शक-अभिनेते महेश मांजरेकरच या शोचे सुत्रसंचालक असतील. ‘बिग बॉस’च्या घरात कोणकोणते स्पर्धक सहभागी होणार याबाबत अनेक चर्चा रंगत आहेत. दरम्यान राजकारणातील कोणती व्यक्ती बिग बॉसच्या घरात त्यांना पाहायला आवडेल याबद्दल महेश मांजरेकरांनी एक मोठा खुलासा केला आहे. बिग बॉसच्या घरात त्यांना संजय राऊत यांना स्पर्धक म्हणून पहायला आवडेल असं महेश मांजरेकर म्हणाले. बिग बॉसच्या घरात येण्यासाठी तुमच्या व्यक्तिमत्वात एक वेगळेपण असावं लागतं आणि ते संजय राऊत यांच्यात आहे, असे ते म्हणाले. त्याचबरोबर महेश मांजरेकर यांना निटेश राणे यांनाही बिग बॉसच्या घरात पहायला आवडेल असे ते म्हणाले. त्याशिवाय अमोल मिटकरी यांचेही नाव महेश मांजरेकर यांनी घेतलं. अमोल मिटकरी यांचे बोलणे अत्यंत स्पष्ट आणि तडफदार असतं त्यामुळे महेश मांजरेकरांना अमोल मिटकरी यांना बिग बॉसच्या घरात पहायला आवडेल असा खुलासा त्यांनी केला. 'ऑल इज वेल' ही या नव्या पर्वाची थीम आहे. त्यामुळे बिग बॉसच्या चाहत्यांमध्ये आनंदाचे वातावरण पाहायला मिळत आहे.