विराट कोहली फक्त ४८ तासांत कमावतो अनुष्काच्या एका चित्रपटाच्या फी इतके पैसे, जाणून घ्या त्यांच्या मानधनाबद्दल

विराट कोहली आणि अनुष्का शर्मा हे इंडस्ट्रीतील सर्वात गोड जोडप्यांपैकी एक आहेत. ही जोडी चाहत्यांमध्ये विरुष्का नावाने प्रसिद्ध आहे. अनुष्का शर्मा एक उत्कृष्ट अभिनेत्री आहे तर विराट कोहली एक अष्टपैलू क्रिकेटर आहे. दोघांना वामिका नावाची एक मुलगी आहे. दोघेही त्यांच्या चाहत्यांच्या मनावर राज्य करतात. विराट कोहलीच्या इंस्टाग्रामवर २४४ मिलियन फॉलोअर्स आहेत. तर अनुष्का शर्माचे ६३ मिलियन फॉलोअर्स आहेत. दोघेही आपापल्या क्षेत्रातील कामगिरीच्या बाबतीतच नव्हे तर कमाईच्या बाबतीतही खूप पुढे आहेत. विराट कोहली आयपीएलमध्ये केवळ ४८ तास खेळून १५ कोटी कमावतो तर अनुष्का शर्माला एवढे पैसे कमवण्यासाठी अनेक महिने मेहनत करावी लागते. मीडिया रिपोर्ट्सनुसार, अनुष्का शर्मा एका चित्रपटासाठी १५ ते १८ कोटी रुपये घेते. एक चित्रपट बनवण्यासाठी एक ते दोन महिन्यांचा कालावधी लागतो. तर विराट कोहली आयपीएलमध्ये खेळण्यासाठी १५ कोटी रुपये घेतो. तो एका मोसमात जास्तीत जास्त १६ सामने खेळू शकतो. . एक सामना सरासरी ३ तास चालतो. अशा प्रकारे कोहली ४८ तासांत १५ कोटींची कमाई करतो.