चित्रपटांसाठी १०० कोटी रुपये फी घेणाऱ्या शाहरुख खानची पहिली कमाई किती होती माहिती आहे का?

बॉलीवूडचा बादशाह शाहरुख खान आज आपला ५८ वा वाढदिवस साजरा करत आहे. दरवर्षी शाहरुखच्या वाढदिवानिमित्त त्याच्या मन्नत बंगल्याबाहेर चाहत्यांची मोठी गर्दी झालेली असते. आपल्या अभिनयाच्या जोरावर शाहरुखने बॉलीवूडमध्ये वेगळं स्थान निर्माण केलं आहे. बॉलीवूडमधल्या श्रीमंत अभिनेत्यांच्या यादीमध्ये शाहरुखच नाव घेतलं जातं. एका चित्रपटासाठी शाहरुख १०० कोटी रुपये मानधन घेतो. पण तुम्हाला माहिती आहे का शाहरुखची पहिली कमाई किती रुपये होती? शाहरुखने छोट्या पडद्यापासून आपल्या अभिनय कारकिर्दीला सुरुवात केली. फौजी आणि सर्कस मालिकेतील त्याची भूमिका चांगलीच गाजली. १९९२ मध्ये प्रदर्शित झालेल्या दिवाना चित्रपटातून शाहरुखने बॉलीवूडमध्ये पाऊल ठेवलं. पण चित्रपटात येणापूर्वी शाहरुखने पंकज उदास यांच्या कार्यक्रमात मदतनीस म्हणून काम केलं होतं. या कामासाठी शाहरुखला ५० रुपये फी मिळाली होती. २०२३ वर्ष शाहरुखसाठी खूपच खासं ठरलं शाहरुखच्या 'पठाण' आणि 'जवान' चित्रपटाने बॉक्स ऑफिसवर २००० पेक्षा अधिक कमाई केली. आता चाहते शाहरुखच्या अगामी 'डंकी' चित्रपटाची वाट बघत आहेत. फोटो शाहरुख खान इन्स्टाग्राम