दिवाळी पार्टीत सलमान खानला मिठी मारणारी ‘ती’ ऐश्वर्या राय नव्हे तर….

अभिनेत्री ऐश्वर्या राय बच्चन व सलमान खान या दोघांचे लव्ह हेट रिलेशनशिप जगजाहीर आहे. एकेकाळी जीवापाड प्रेम करणारे हे दोघं आता एकमेकांसमोरही येत नाहीत. नुकत्याच पार पडलेल्या लोकप्रिय फॅशन डिझायनर मनिष मल्होत्राच्या दिवाळी पार्टीत दोघं एका छताखाली पाहायला मिळाले. पण ऐश्वर्या या पार्टीतून लवकर निघून गेली. सलमान या पार्टीत असल्यामुळे ऐश्वर्या जास्त वेळ थांबली नाही, असं म्हटलं जात होतं. पण बॉलीवूड लाइफच्या वृत्तानुसार, अभिनेत्रीने पार्टीतून लवकर निघायचे हे आधीच ठरवलं होतं. कारण ती एकटीच बच्चन कुटुंबीयांकडून पार्टीत सहभागी झाली होती. तसेच तिचे मनिष मल्होत्राबरोबर चांगलं नात आहे. त्यामुळे ती काही वेळासाठी पार्टीत पोहोचली होती. या पार्टीतला एक फोटो सोशल मीडियावर खूप झाला. ज्यामध्ये ऐश्वर्या व सलमान असल्याचं म्हटलं गेलं. या फोटोमुळे अनेक चर्चांना उधाण आलं. हा फोटो पाहून काही नेटकऱ्यांनी संजय लीला भन्साळी यांना 'हम दिल दे चुके सनम २' या चित्रपटाची मागणी देखील केली. पण या व्हायरल फोटोमागचं सत्य मात्र वेगळंच होतं. या फोटोमध्ये सलमान खानला मिठी मारणारी ही व्यक्ती ऐश्वर्या राय-बच्चन नसून भलतीच होती. अभिनेता सूरज पांचोलीची बहीण सना पांचोली या फोटोमध्ये होती; जी सलमान खानला मिठी मारताना दिसली होती.