Photos : पाकिस्तानातील ही बिझनेस वूमन दिसते हुबेहूब ऐश्वर्या राय, पाहा फोटो…

ऐश्वर्या रायला भारतातील सर्वात सुंदर महिला म्हटले जाते. बॉलिवूड इंडस्ट्रीमध्ये सर्वाधिक फी घेणाऱ्या अभिनेत्रींच्या यादीत तिचाही समावेश आहे आणि रिपोर्ट्सनुसार ती ७७६ कोटी रुपयांच्या मालमत्तेची मालक आहे. मात्र, आज आपण ऐश्वर्या रायच्या पाकिस्तानी डुप्लिकेटबद्दल माहिती घेणार आहोत. खरं तर, आपण ज्या पाकिस्तानी व्यक्तीबद्दल बोलत आहोत तिचे नाव कंवल चीमा आहे, जी एक बिझनेस वुमन आहे. कंवल चीमाचे फोटो आणि व्हिडिओ अनेकदा व्हायरल होतात आणि लोक म्हणतात की ती हुबेहुब ऐश्वर्यासारखी दिसते. त्याचवेळी तिचा एक व्हिडिओही सोशल मीडियावर व्हायरल होत आहे, ज्यामध्ये ती पिवळ्या रंगाचा कुर्ता परिधान केलेली दिसत आहे. या व्हिडिओमध्ये ती ऐश्वर्यासारखी दिसत आहे. कंवलचे डोळे ऐश्वर्यासारखे आहेत आणि तिच्या चेहऱ्याची रचनाही अभिनेत्रीशी जुळते. कंवल चीमा ही पाकिस्तानी वंशाची ऑस्ट्रेलियन व्यावसायिक महिला आहे, जी माय इम्पॅक्ट मीटर नावाच्या कंपनीची संस्थापक आहे. माय इम्पॅक्ट मीटर ही संस्था एक तंत्रज्ञान प्लॅटफॉर्म आहे जे जगभरातील लोकांना जोडते जे गरजू लोकांना मदत करतात. कंवल चीमा यांच्या या संस्थेद्वारे जीवनावश्यक वस्तू लोकांपर्यंत पोहोचवल्या जातात. दरम्यान, कंवल चीमा याआधी २०० बिलियन डॉलर्सच्या कंपनीत मोठ्या पगारावर काम करायची, पण तिने नोकरी सोडून स्वतःचे हे काम सुरू केले. हेही पाहा- Photos : पारदर्शक ड्रेस ते स्टायलिश बोल्ड लूक्स; ऑस्कर पार्टीतील अभिनेत्रींचे फोटो पाहिलेत का?