PHOTOS : “जर हिंमत असेल तर जाहीर करा की या देशातली लोकशाही संपली आहे” – उद्धव ठाकरेंचं मोदी सरकारवर टीकास्र!

“निवडून देण्याचा जसा अधिकार आहे, तसं परत बोलावण्याचा अधिकारही मतदाराला असला पाहिजे.” असं म्हणत उद्धव ठाकरे यांनी म्हटलं आहे. आज एका कार्यक्रमातील भाषणातून त्यांनी मोदी सरकार व राज्यातील शिंदे फडणवीस सरकारवर टीका केली. (सर्व फोटो -संग्रहित) “आज आपल्या देशात न्याययंत्रणा सुद्धा हे सरकार आपल्या बुडाखाली घ्यायला पाहत आहे.” “पंतप्रधान जर का न्यायमूर्ती नेमणार असतील, तर मग न्यायमूर्ती नेमण्याचं नाटक तरी कशाला करत आहात?” “तुम्ही आम्हाला मतं देऊन निवडून देत असाल, तर तुमच्या मताची किंमत ही खोक्यांमध्ये नाही, तर भावनेमध्ये झाली पाहिजे.” “आता तुम्ही दिलेलं मत कुठे जाणार आणि कुठून कुठून जाणार, हे तुम्हाला तरी कळतं का?” असं म्हणत शिंदे गटाला सुरत, गुवाहाटी दौऱ्यावर टोला लगावला आहे. “लोकशाहीचा अर्थ हा जर का अशा पद्धतीने लागणार असेल, तर मग त्याच्यापेक्षा एकदाच जाहीर करा की देशातली लोकशाही संपली आहे.” “तरूण-तरुणींनी राजकारणात आलंच पाहिजे. कारण तुम्हीच तर उद्याचं भवितव्य आहात. “राजकारणी आणि साहित्यिक या दोघांनी हातात हात घालून काम केलं पाहिजे.” “मतदरांपासून मतदान हे गुप्त व्हायला लागलेलं आहे. असं कसं काय चालणार? ” “छत्रपती शिवाजी महाराजांनी माता-भगिनींचा मान राखायला शिकवलं, पण त्यांच्याच महाराष्ट्रात एका महिलेचा अपमान करणारा मंत्री अजूनही मंत्रीमंडळात आहे.” “फक्त भाषणं द्यायची, छत्रपती शिवाजी महाराज की जय म्हणायचं आणि इथे महिलेचा अपमान केला, तर त्याकडे दुर्लक्ष करायचं. अजिबात नाही चालणार. ” “पंतप्रधानांनी उद्याच्या कार्यक्रमात जरूर बोलावं. पण त्यांनी कर्नाटकव्याप्त महाराष्ट्र, कर्नाटकच्या मुख्यमंत्र्यांची अरेरावी यावर बोललंच पाहिजे. ”