Arvind Kejriwal Bail Conditions: न्यायालयाच्या ‘या’ महत्वपूर्ण चार अटींवर अरविंद केजरीवालांना जामीन मंजूर, वाचा काय आहेत अटी?

दिल्लीचे मुख्यमंत्री अरविंद केजरीवाल यांना दिल्ली मद्य धोरण गैरव्यवहार प्रकरणात सर्वोच्च न्यायालयाने काल (१३ सप्टेंबर) जामीन मंजूर केला आहे. जामीनानंतर ते काल रात्रीच तुरुंगामधून बाहेर आले आहेत. अरविंद केजरीवाल यांना काही दिवसांपूर्वी सीबीआयने अटक केली होती. त्यानंतर त्यांनी या अटकेच्या विरोधात आणि जामीन मिळण्यासाठी याचिका दाखल केली होती. या याचिकेवर ५ सप्टेंबरला सुनावणी झाली होती. मात्र, यावेळी न्यायालयाने निकाल राखून ठेवला होता. त्यानंतर काल न्यायालयाने निकाल देत १० लाखांच्या जातमुचलक्यावर आणि दोन जामिनावर जामीन मंजूर करण्यात आला. मात्र, जामीन मंजूर करताना काही महत्वाच्या अटी घातल्या आहेत. या अटींवर जामीन मंजूर१.मुख्यमंत्री अरविंद केजरीवाल यांच्यावर आरोप असलेल्या मद्य धोरण गैरव्यवहार प्रकरणाशी संबंधित गुणवत्तेवर भाष्य करणार नाही. या प्रकरणी सार्वजनिक टिप्पणी करता येणार नाही. २.अरविंद केजरीवाल यांना ट्रायल कोर्टासमोर प्रत्येक सुनावणीच्या वेळी हजर राहावे लागेल. मग जोपर्यंत न्यायालय सांगत नाही तोपर्यंत हजर राहावे लागेल. ३.अरविंद केजरीवाल यांना त्यांच्या मुख्यमंत्री कार्यालयात जाता येणार नाही. सरकारी फाईल्सवर स्वाक्षरीही करता येणार नाही. अगदी आवश्यक असल्यास ते फाईल्सवर स्वाक्षरी करण्यास सक्षम असतील. ४.जामिनावर बाहेर असताना ते या प्रकरणाशी संबंधित साक्षीदारांशी संपर्क साधता येणार नाही या महत्वाच्या अटी सर्वोच्च न्यायालयाने घातल्या आहेत. (सर्व फोटो - लोकसत्ता संग्रहित.)