Kasba Chinchwad Vote Counting Updates, 02 March 2023: गेल्या महिन्याभरापासून चर्चेत असलेल्या कसबा आणि पिंपरी चिंचवड पोटनिवडणुकीचा आज मतमोजणीचा दिवस आहे. कसब्यातली सर्व २० फेऱ्यांची मतमोजणी पूर्ण झाली असून त्यामध्ये महाविकास आघाडीकडून काँग्रेसचे उमेदवार रवींद्र धंगेकर विजयी झाले आहेत. भाजपाच्या हेमंत रासनेंनी आपला पराभव मान्य केला आहे. पिंपरी-चिंचवडमध्ये भाजपाच्या उमेदवार अश्विनी जगताप यांचा मोठा विजय झाला. यानंतर देवेंद्र फडणवीस यांनी प्रतिक्रिया दिली आहे. कसबा पोटनिवडणुकीत आमचा विजय होईल याची आम्हाला खात्री वाटत होती. मात्र तिकडे पराभव झाला आहे. त्याचं आम्ही आत्मचिंतन नक्की करू. २०२४ ला कसबा पुन्हा जिंकू असं म्हणत देवेंद्र फडणवीस यांनी प्रतिक्रिया दिली आहे.
Already have an account? Sign in
Kasba Peth Chinchwad Bypoll Election Result 2023 Live Updates in Marathi: पुण्यात आज मतमोजणीचा दिवस, मतदारांचा कौल कुणाला?
पिंपरी चिंचवडमध्ये भाजपाच्या उमेदवार अश्विनी जगताप यांनी ३६,०९१ मताधिक्याने विजय मिळवला. त्यांना ३७ व्या फेरीअखेर एकूण १ लाख ३५ हजार ४३४ मतं मिळाली. दुसरीकडे महाविकासआघाडीचे उमेदवार नाना काटे यांना ९९ हजार ३४३ मतं मिळाली. विशेष म्हणजे राष्ट्रवादी काँग्रेसचे बंडखोर नेते राहुल कलाटे यांना ४४ हजार ८२ मतं मिळाली. त्यामुळे कलाटेंच्या बंडखोरीचा भाजपाला फायदा झाल्याची चर्चा आहे. याबाबत पत्रकारांनी विचारलं असता अश्विनी जगताप यांनी एका वाक्यात उत्तर दिलं.
चिंचवड विधानसभा पोटनिवडणूक जिंकल्यानंतर दिवंगत आमदार लक्ष्मण जगताप यांची पत्नी अश्विनी जगताप आणि त्यांच्या मुलीने लक्ष्मण जगतापांच्या स्मृतिस्थळी जाऊन अभिवादन केले. यावेळी माय-लेकींना अश्रू अनावर झाल्याचे पाहायला मिळाले. यावेळी उपस्थितांनी 'अमर रहे, अमर रहे, लक्ष्मण जगताप अमर रहे' अशा घोषणा दिल्या.
पुण्यातील कसबा विधानसभा पोटनिवडणुकीत भाजपाने आपली प्रतिष्ठा पणाला लावूनही पराभव पत्करावा लागला. यानंतर महाविकासआघाडीतील विविध नेत्यांकडून भाजपावर टोलेबाजी सुरू आहे. शिवसेनेच्या ठाकरे गटाच्या उपनेत्या सुषमा अंधारे यांनीही कसब्यातील भाजपाच्या पराभवावर भाष्य केलं आहे. तसेच भाजपाचा पराभव का झाला याचं कारण सांगितलं. त्यांनी अकोला
महाविकास आघाडीकडून मीच सक्षम उमेदवार होतो. मला उमेदवारी दिली असती तर धंगेकरांसारखा विजयी झालो असतो. माझ्या सारख्या कार्यकर्त्याला डावलायला नको होतं. अशी खदखद बंडखोर राहुल कलाटेंनी व्यक्त केली आहे. ते प्रसारमाध्यमांशी पिंपरीतील वाकड येथे बोलत होते. चिंचवड विधानसभा पोटनिवडणूकीत भाजपा आणि महाविकास आघाडीच्या उमेदवारासह अपक्ष उमेदवार, बंडखोर राहुल कलाटेंची जोरदार चर्चा झाली. आज झालेल्या मतमोजणीत भाजपा च्या अश्विनी लक्ष्मण जगताप या ३६ हजारांच्या मताधिक्याने निवडून आल्या.
सगळे कार्यकर्ते प्रत्येक मतदारापर्यंत पोहोचले. पण बंडखोरीचा फटका नक्कीच बसला आहे. कारण कलाटेंना झालेलं मतदानही मविआचंच आहे. त्यातली काही मतं वंचित बहुजन आघाडीची असू शकतील. मतदान होण्याच्या दोन दिवस आधी सत्ताधाऱ्यांनी आमचे बरेच कार्यकर्ते पोलीस बळ वापरून उचलले होते. त्यानंतर पैशांचा मोठ्या प्रमाणावर इथे वापर झाला. सर्व कार्यकर्ते संपूर्ण चिंचवड मतदारसंघात पुन्हा काम करतील आणि आम्ही जोमानं काम करू. सहानुभूती असती तर पैसे वाटलेच नसते. त्यांना पराभवाची भीती होती म्हणून त्यांनी पैसे वाटले – नाना काटे, मविआचे पराभूत उमेदवार
मतमोजणीच्या अवघ्या काही फेऱ्या शिल्लक असताना अश्विनी जगताप यांचा पिंपरी-चिंचवडमधून विजय निश्चित मानला जात आहे. त्याच्याकडे असणारी मतांची आघाडी आता भरून काढणं नाना काटेंसाठी अशक्य असल्यामुळे आता जगताप यांच्या विजयाची औपचारिक घोषणाच शिल्लक आहे.
अश्विनी जगताप – 1,28,216
नाना काटे – 93,890
राहुल कलाटे – 42,139
– अश्विनी जगताप – ३३४६ भाजप १,०६९ लीड – एकूण लीड – २९,४६५
– नाना काटे – २२७७ एनसी
– राहूल कलाटे – ६२५ अपक्ष
राज्यात होऊ घातलेल्या महानगरपालिकांच्या निवडणुकांमध्येही तीन विरुद्ध एक अशीच लढत झाल्यास निकाल काय असेल? याची चुणूकच कसबा आणि पिंपरी- चिंचवड पोटनिवडणुकीत पाहायला मिळाली.
व्हिडीओ पाहाण्यासाठी क्लिक करा!
पिंपरी चिंचवड – ३१ फेरी
– अश्विनी जगताप – ४६६५ भाजप १,९६० लीड – एकूण लीड – २५,४४० (एकूण मतं – १,२१,५८४)
– नाना काटे – २७०५ (८९,०३९)
– राहूल कलाटे – ८७१ (४०,५००)
बिचुकले चुकले नाही, जनता चुकली. हेमंत रासनेंचा किती पैसा गेला. त्यांचाही पराभव झाला. मी काही राजकारणात त्यांच्यापेक्षा मोठा नाहीये. फक्त माझी मतं ठाम असतात. – अभिजित बिचुकले
राहुल कलाटेंच्या बंडखोरीमुळे मला नक्कीच फायदा झाला आहे – अश्विनी जगताप
माझे वरीष्ठ नेते जेव्हा सांगतील तेव्हा मी अधिवेशनाला येईन – अश्विनी जगताप
कसब्याच्या जागेवर आम्ही कापराभूत झालो याबाबत आम्ही आत्मचिंतन करु,अशी प्रतिक्रिया भारतीय जनता पक्षाचे प्रदेशाध्यक्ष चंद्रशेखर बावनकुळे यांनी नागपूर येथे दिली. चिचवडची निवडणूक आम्ही जिंकलो. मात्र कसबात पराभवझाला. राज्यात भाजपची सत्ता असल्यामुळे तेथील विकास आम्ही करणार आहे करु, असे बावनकुळे म्हणाले.
निवडणुकीत पैसे वाटल्याच्या आरोपाचे बावनकुळे यांनी खंडण केले. अजित पवार
राहुल कलाटेंनी फक्त काटेंचीच नाही, तर भाजपाचीही मतं घेतली. ते सांगतात ते चुकीचं आहे. आयटी पार्कमधली मतं कलाटेंनी घेतली आहेत. त्यामुळे असं म्हणता येत नाही की राहुल कलाटेंना पडलेली मतं फक्त त्यांचीच आहेत. त्यानं फरक पडत नाही. पण तिथे त्यांचा पराभव झालाय हे त्यांनी मान्य केलं पाहिजे – चंद्रशेखर बावनकुळे
– अश्विनी जगताप – ३५६९ भाजप ३९ लीड – एकूण लीड – २३,४८०
– नाना काटे – १३७९ एनसी
– राहूल कलाटे – ३५३० अपक्ष
– अश्विनी जगताप – ४३१५ भाजप – ०० ची लीड – एकूण लीड – ९९३७
– नाना काटे – ३३३६ एनसी
– राहूल कलाटे – ३५१ अपक्ष
अश्विनी जगताप – ८०१७४
नाना काटे – ७१२१६
राहुल कलाटे – २८४१५
पिंपरी चिंचवड – २३ फेरी
– अश्विनी जगताप – २७७० भाजप – ०० ची लीड – एकूण लीड – ८९५८
– नाना काटे – ३४७२ एनसी
– राहूल कलाटे – २७० अपक्ष
पिंपरी चिंचवड – २१ फेरी
– अश्विनी जगताप – २८६१ भाजप – १५९ ची लीड – एकूण लीड – १०,२५१
– नाना काटे – २७०२ एनसी
– राहूल कलाटे – ३३९ अपक्ष
टिळकांच्या घराण्याचा वापर करून त्यांनी त्यांना बाजूला करून टाकलं. तो राग मतदारांच्या मनात होता. गिरीश बापटांचा उमेदीचा काळ मी पाहिला आहे. त्यांचा फोटो मी पाहिला की ऑक्सिजनच्या नळ्या लावून त्यांना प्रचाराला आणलं. मनोहर पर्रीकरांकडूनही तसाच प्रचार करून घेतला, पण त्यानंतर त्यांच्या मुलाला उमेदवारी नाकारली – उद्धव ठाकरे
कसब्यामध्ये पोटनिवडणूक जिंकल्यानंतर मला आनंद नक्कीच झाला आहे. एवढ्या वर्षांच्या एका भ्रमातून कसबा मतदारसंघ जर बाहेर पडत असेल, तर देश बाहेर पडायला काहीच अडचण नाही – उद्धव ठाकरे
Kasba Bypoll Election 2023: कसबा आमदार रवींद्र धंगेकर फक्त आठवी पास! जाणून घ्या त्यांची एकूण संपत्ती
पुण्यातील कसबा भागाचे नवनिर्वाचित आमदार रवींद्र धंगेकर यांनी फक्त आठवीपर्यंत शिक्षण घेतलं आहे. त्यांच्या एकूण संपत्तीबद्दल जाणून घ्या,
Kasba Election Result: मनसे, शिवसेना आणि आता काँग्रेसकडून लढविली निवडणूक; २८ वर्षांनी कसब्यात भाजपाच्या गडाला सुरूंग लावणारे रवींद्र धंगेकर कोण आहेत?
सविस्तर वाचण्यासाठी इथे क्लिक करा
पिंपरी चिंचवड – विसावी फेरी
– अश्विनी जगताप – ४२३५ भाजप – ०० ची लीड – एकूण लीड – १०९२
– नाना काटे – ५७०२ एनसी
– राहूल कलाटे – ९३८ अपक्ष
ज्या प्रकारे लक्ष्मण जगताप, मुक्ता टिळक यांना मतदान करायला घेऊन आले. ज्याप्रकारे गिरीश बापट संसदेचं अधिवेशन चालू असताना जाऊ शकले नाही. ते विश्रांती घेत होते. तरीही त्यांना कशाप्रकारे बाहेर यायला सांगितलं आणि मेळावा घ्यायला सागितलं हे बरोबर नाही. तुमचे उमेदवार जिंकण्यासाठी दुसऱ्याच्या आरोग्याचाही विचार करणार नाही का? हे लोकांना पटत नाही. मग लोक न बोलता जिथं बटण दाबायचं तिथे दाबतात – अजित पवार
मुख्यमंत्र्यांनी कसब्यामध्ये रोडशो केला. राज्याचा मुख्यमंत्री कधी रोड शो करतो का? मी असं म्हटलं तर ते म्हणाले मी सर्वसामान्यांचा मुख्यमंत्री आहे. सर्वसामान्यांना भेटणार. आता सर्वसामान्यांना भेटूनही सर्वसामान्यांनी पराभव केला हे लक्षात घ्या – अजित पवार
राहुल कलाटे आणि नाना काटेंची मतं एकत्र केली, तर ती भाजपाच्या उमेदवारापेक्षा जास्त आहेत. याचा अर्थ, पुढच्या निवडणुकीत आमच्यामध्ये बंडखोरी होता कामा नयेत, ही काळजी घेणं गरजेचं आहे – अजित पवार
पिंपरी चिंचवड – एकोणीसावी फेरी
– अश्विनी जगताप – २६४७ भाजप – ३७६ ची लीड – एकूण लीड – ११४५९
– नाना काटे – २२७१ एनसी
– राहूल कलाटे – ८४४ अपक्ष
मनसेच्या कार्यकर्त्यांनी त्यांच्या वरिष्ठांना सांगितलं की रवींद्र धंगेकर उमेदवार आहेत. आम्ही त्यांचा प्रचार करणार. तुम्हाला पक्षातून काढायचं तर काढा. पण आम्ही मागे हटणार नाही. त्यांचे कार्यकर्ते मला पुण्यात भेटले. त्यांनी सांगितलं की आम्हाला रवीला विजयी करायचं आहे – अजित पवार
जर जागावाटप योग्य प्रकारे झालं, तर महाविकास आघाडीला चांगलं यश मिळाल्याशिवाय राहणार नाही, हेच या दोन पोटनिवडणुकांच्या निमित्ताने आणि मिळालेल्या मतांच्या निमित्ताने समोर आलं आहे. जनता जेव्हा ठरवते, तेव्हा सहानुभूतीचाही विचार करत नाही, हे मागे पंढरपूर निवडणुकीतही दिसलं, आता कसब्यातही दिसलं. चिंचवडमध्येही त्याची पुनरावृत्ती झाली असती – अजित पवार
जरी भावनिक मुद्दा होता, तरी सहानुभूतीचा मुद्दा पुढे येणार नाही, महागाई-बेरोजगारी, शिवसेनेचं चिन्ह काढून घेतलं त्या भावना मतदारांमध्ये होत्या. शिवसेनेला मानणाऱ्या मतदारांमध्ये तशा भावना होत्या – अजित पवार
चिंचवडमध्ये अशीच पुनरावृत्ती झाली असती. पण आम्हाला ज्यांनी तिकिटं मागितली, ते दोघंही तिथे उभे राहिले. मी राहुल कलाटेंना समजवण्याचा प्रयत्न केला. पण त्यानी माझ्या आवाहनाला प्रतिसाद दिला नाही, उभा राहिला. मग त्याचा फॉर्म निघू नये, यासाठीही फार मोठ्या प्रमाणात प्रयत्न करण्यात आला. त्याला सहकार्य कसं करता येईल, हेही सत्ताधाऱ्यांकडून करण्यात आलं – अजित पवार
निवडणूक जिंकण्यासाठी ज्या ज्या बाबी वापरल्या जातात, त्या सगळ्या भाजपानं कसब्यात केल्या. रवींद्र आणि त्यांच्या पत्नीने मतदानाच्या आदल्या दिवशी आंदोलनही केलं होतं. सर्व गोष्टींचा वापर करूनही तिथे अनेक वर्षांची जागा मविआनं खेचून आणली आहे. महाराष्ट्राला वेगळा संदेश देण्याचं काम झालं आहे – अजित पवार
पिंपरी चिंचवड – आठरावी फेरी –
– अश्विनी जगताप – ३४४६ भाजप – ५०१ ची आघाडी
– एकूण आघाडी – ११०८३
– नाना काटे – २९४५ एनसी
– राहूल कलाटे – २०६८ अपक्ष –
भाजपाला वाटत होतं की तो त्याचा बालेकिल्ला आहे. एका विशिष्ट वर्गाची मतं ही त्यांची मोनोपॉली आहे असं त्यांना वाटत होतं. पण त्या पेठांमधली मतं मोठ्या संख्येनं महाविकास आघाडीला मिळाली आहे. आता त्यांचा प्रत्येक बालेकिल्ला याच पद्धतीने उद्ध्वस्त करू – संजय राऊत
२०२४च्या परिवर्तनाची ही नांदी आहे. महाविकास आघाडीमध्ये शिवसेना आहे. आतापर्यंत कसब्यात शिवसेनेच्या पाठिंब्यावर भाजपा जिंकत आली. आज महाराष्ट्राला, दिल्लीला फडणवीसांना कळलं असेल की खरी शिवसेना कुठे आहे. चिंचवडची जागाही आम्ही पहिल्या फेरीपासून जिंकू शकलो असतो. एकास एक लढत झाली असती तर. पण तिसरा उमेदवार उभा करून भाजपा आणि मिंधे गटानं मतांची फाटाफूट केली. पण पुढच्यावेळी आम्ही चिंचवडही जिंकू आणि महाराष्ट्राचीही जिंकू. ही सुरुवात आहे. – संजय राऊत
नानाभाऊ, थोडं आत्मचिंतन तुम्ही करा, थोडं आम्ही करतो. कसब्याबाबत आम्ही आत्मचिंतन करतो, चिंचवडबद्दल तुम्ही आत्मचिंतन करा. पण तीन राज्यांच्या निवडणुकांमध्ये काँग्रेस कुठेच दिसत नाही. त्यामुळे तुमच्यावर अशी वेळ आली आहे की एखादा जरी विजय मिळाला तरी सभागृहात उभं राहून सांगावं लागतंय – देवेंद्र फडणवीस
कसबा पोटनिवडणुकीत मविआचे उमेदवार रवींद्र धंगेकर यांनी विजय मिळवल्यानंतर कार्यकर्त्यांनी कसबा पेठेत जल्लोष केला.https://t.co/2jrmCKw8Ui #Maharashtra #Pune #ElectionResults #KasbaElection #ravindradangekar #MahaVikasAghadi #BJP pic.twitter.com/OGz7oGPxLv
— LoksattaLive (@LoksattaLive) March 2, 2023
कसबा निवडणूक निकालानंतर काँग्रेसचे उमेदवार रवींद्र धंगेकर यांच्या विजयावर बोलताना प्रदेशाध्यक्ष नाना पटोले यांनी “भाजपाची उलटी गिनती सुरू झाली आहे”, अशी प्रतिक्रिया दिली आहे.
पैशांचा वापर होऊनही जनतेनं मतदानाच्या रुपाने मला आशीर्वाद दिला आहे. अजित पवार, नाना पटोले, आदित्य ठाकरे
Kasba Bypoll Election Result 2023: २८ वर्षांनंतर कसब्यात सत्ताबदल!; रवींद्र धंगेकरांचा विजय! https://t.co/XnPVvyK5xC < येथे वाचा सविस्तर वृत्त #Maharashtra #Pune #ElectionResults #KasbaElection #ravindradangekar #MahaVikasAghadi #BJP pic.twitter.com/PR1IzadpLj
— LoksattaLive (@LoksattaLive) March 2, 2023
पिंपरी चिंचवड – सोळावी फेरी –
– अश्विनी जगताप – ४६३४ भाजप – १५६० ची लीड – एकूण लीड – १०,५५९
– नाना काटे – ३०७४ एनसी
– राहूल कलाटे – १४०५ अपक्ष –
जनतेचा आणि देवाचा आशीर्वाद मिळाला आहे. गेल्या पराभवावेळी रवींद्र धंगेकरांनी म्हटलं होतं की ते नक्कीच निवडून येतील. माझ्या मनात अजिबात धाकधूक नव्हती. आम्ही घरोघरी जाऊन केलेल्या प्रचाराचं हे फळ आहे. मविआनं टाकलेला विश्वास सार्थ झाला आहे – रवींद्र धंगेकरांच्या पत्नी
पन्नास साठ वर्ष ज्यांनी भाजपासाठी प्रचंड काम केलं, त्यांनी भाजपाच्या नेतृत्वाचा अहंकार उतरवलाय – भास्कर जाधव
विजयी झाल्यानंतर सेलिब्रेशन करणार नसून विजयाचं श्रेय लक्ष्मण जगताप यांना त्याचं श्रेय देईन, अशी प्रतिक्रिया चिंचवडमधील भाजपाच्या उमेदवार अश्विनी जगताप यांनी दिली आहे.
१८व्या फेरीअखेर काँग्रेसच्या रवींद्र धंगेकरांना ९ हजार २०० मतांची आघाडी मिळाली असून आता त्यांच्या विजयाची फक्त औपचारिक घोषणा बाकी राहिली आहे.
२००९ पासून हा मतदारसंघ संमिश्र झाला. त्यानंतर भाजपाने तो तीनदा जिंकला असला, तरी त्या प्रत्येक वेळी किमान तिरंगी लढत होती. मतदारसंघाची पुनर्रचना झाल्यानंतर पहिल्यांदा इथे थेट लढत झाली. त्यामध्ये आमचं हक्काचं मतदान कमी झालं आणि विरोधी पक्षाचं हक्काचं मतदान जास्त प्रमाणात झालं असं वाटतं – हेमंत रासने, भाजपाचे उमेदवार
कार्यकर्त्यांशी, त्या भागातल्या लोकप्रतिनिधींशी चर्चा करता येईल. मी घरोघरी जाऊ शकत नव्हतो, पण आमची यंत्रमा घरोघरी गेली होती. आमच्या अपेक्षेप्रमाणे हे घडलेलं नाही. नाराजीचा फार फरक पडला असं मला वाटत नाही. मी कुठेतरी कमी पडलो असं मला वाटतं. मला यावर थोडं चिंतन करावं लागेल. माझ्या दृष्टीने हा निकाल धक्कादायक आहे. मला विजयाची खात्री होती. – हेमंत रासने
कसब्यात १६व्या फेरीअखेर काँग्रेसच्या रवींद्र धंगेकरांनी ६९५७ मतांची आघाडी घेतली आहे.
पिंपरी चिंचवड – तेरावी फेरी –
– अश्विनी जगताप – ३६४९ भाजप – १४ ची आघाडी
– एकूण आघाडी – ८१९६
– नाना काटे – ३६३५ एनसी
– राहूल कलाटे – १०२७ अपक्ष
पिंपरी चिंचवड – बारावी फेरी –
– अश्विनी जगताप – २७५३ भाजप – ०० ची आघाडी
– एकूण आघाडी – ८१८२
– नाना काटे – ३१३५ एनसीपी (३८२ लीड)
– राहूल कलाटे – ८९९ अपक्ष –
(संग्रहित छायाचित्र) ; फोटो- लोकसत्ता
Kasba Peth Chinchwad Bypoll Election Result 2023 Live Updates in Marathi: पुण्यात आज मतमोजणीचा दिवस, मतदारांचा कौल कुणाला?
