मुख्यमंत्री एकनाथ शिंदे आणि उपमुख्यमंत्री देवेंद्र फडणवीस बुधवारी (७ सप्टेंबर) पुणे दौऱ्यावर येणार आहेत. मुख्यमंत्री एकनाथ शिंदे हे शहरातील प्रमुख गणेश मंडळांना भेट देणार असून फडणवीस पुरंदर तालुक्यातील भिवडी येथील आद्यक्रांतीवीर राजे उमाजी नाईक यांच्या जयंती सोहळ्याला उपस्थित राहणार आहेत.
हेही वाचा >>> पुणे : आयटीआय प्रवेशांसाठी पुरवणी वेळापत्रक ; ११ सप्टेंबरपर्यंत मुदत
कसबा पेठ, त्वष्टा कासार, तरूण अशोक मंडळ, दगडूशेठ हलवाई गणपती मंडळ, अखिल मंडई गणेशोत्सव मंडळ, तुळशीबाग सार्वजनिक गणेशोत्सव मंडळ, केसरीवाडा, यशवंतनगर गणेशोत्सव मंडळ, साई सार्वजनिक गणेशोत्सव मंडळ आदी गणेशमंडळांना एकनाथ शिंदे भेट देणार आहेत. अभिनेता नाना पाटेकर यांच्या निवासस्थानी जाऊन एकनाथ शिंदे गणेश दर्शन घेणार आहेत.उपमुख्यमंत्री देवेंद्र फडणवीस हे पुरंदर तालुक्यातील भिवडी येथील आद्यक्रांतीवीर राजे उमाजी नाईक स्मारकाला भेट देणार आहेत. त्यानंतर नाईक यांच्या जयंती सोहळ्यासही ते उपस्थित राहणार आहेत. एकनाथ शिंदे यांच्या पुणे दौऱ्यामुळे शिंदे गटाकडून जोरदार शक्तीप्रदर्शन होण्याची शक्यता आहे.