Pune News Updates : हगवणे पिता-पुत्राला २८ मेपर्यंत पोलीस कोठडी

Pune Breaking News Updates: वैष्णवी आत्महत्या प्रकरणी अखेर पिंपरी -चिंचवड पोलिसांनी सासरे राजेंद्र हगवणे आणि त्यांचा मुलगा सुशील हगवनेला स्वारगेट मधून अटक केली आहे. न्यायालयाने त्यांना २६ मेपर्यंत पोलीस कोठडी सुनावली आहे. मात्र, वैष्णवीचे सासरे राजेंद्र तुकाराम हगवणे आणि दीर सुशील राजेंद्र हगवणे हे दोघे पसार होते. सात दिवसांपासून त्यांचा शोध सुरू होता. या घटनेची चर्चा सुरू असताना अशीच आणखी एक घटना समोर आली आहे. लग्नात हुंडा दिला नाही, मानपान केला नाही, यामुळे होत असलेल्या सासरच्या सततच्या त्रासाला कंटाळून नवविवाहितेने गळफास घेऊन आत्महत्या केल्याची घटना हडपसर भागात घडली आहे. तर दुसरीकडे मुंबईत पश्चिम रेल्वेने प्रवाशांच्या सोयीसाठी रविवारचा मेगाब्लॉक रद्द करत रात्रकालीन ब्लॉकचा निर्णय घेतला आहे. त्यामुळे रविवारी प्रवाशांना विनाव्यत्यय प्रवास करता येणार आहे. तेव्हा मुंबई, मुंबई महानगर, पुणे आणि नागपूर या भागातील महत्त्वाच्या घडामोडींची माहिती या live blog च्या माध्यमातून मिळेल…