Maharashtra News Highlights: ‘सरकारने कर्जमाफीची तारीख सांगितली असली तरी…’, बच्चू कडू यांचा सरकारला पुन्हा इशारा

रोहीत आर्याचा पवई येथील पोलीस चकमकीत मृत्यू झाल्याने खळबळ उडाली आहे. …सविस्तर बातमी

खंडागळे यांची नियुक्ती आता पुण्यातील सहकारी पतसंस्थेत अपर निबंधक म्हणून करण्यात आली आहे. शरद जरे यांनी गुरुवारी मुंबई एपीएमसीच्या सचिव पदाची सूत्रे हाती घेतली असून, बाजार समितीच्या वतीने त्यांचे स्वागत करण्यात आले आहे. …अधिक वाचा

ठाणे-बेलापूर मार्गावर एका उड्डाणपुलाचे काम सुरू असून या व्यतिरिक्त क्रिस्टल हाऊस ते पावणे, बीएसएफ कंपनी ते हुंदाई शो रूम, आणि रबाळे जंक्शन असे तीन उड्डाणपूल निर्माण करण्यात येणार आहेत. …सविस्तर वाचा

मनसेने मतदार यांद्यांमधील हा घोळ बाहेर काढल्याने निवडणूक आयोग आणि एकंदरीत निवडणूक प्रक्रिया यावर मोठे प्रश्न चिन्ह उपस्थित झाले आहे. …सविस्तर बातमी

“भाताच्याही शेतीचं नुकसान झालेलं असेल तर त्यालाही नुकसान भरपाईत सरकार देत आहे. या पत्रकार परिषदेच्या माध्यमातून मला शेतकऱ्यांना हेच सांगायचं आहे की देवेंद्र फडणवीस, अजित पवार आणि एकनाथ शिंदे यांनी सरकार चालवत असताना शेतकऱ्याचं हित कशामध्ये आहे हे पाहिलं जातं. याचि प्रिचिती गुरुवारी आलेली आहे. तसेच कर्ज माफी नेमकं कशा पद्धतीने होणार? याचाही पॅटर्न तयार झालेला आहे. जून पर्यंत आम्ही कशा पद्धतीने कर्जमाफी करणार आहोत. त्याचा शेतकऱ्यांना कशा पद्धतीने दिलासा मिळेल, याची देखील यादी तयार होईल”, असं उदय सांमत यांनी म्हटलं आहे.

मिळालेल्या माहितीनुसार, दिल्ली, बंगळुरू, चेन्नई, हैद्राबाद आणि कोलकाता या पाच शहरांसाठी नवी मुंबईहून थेट विमान उपलब्ध होणार आहेत. याबरोबर पहिल्या टप्प्यात १५ हून अधिक शहरांसाठी दररोज २० उड्डाणे सुरु केले जातील. …सविस्तर वाचा

धुळे मनपा निवडणुकीसाठी राष्ट्रवादी (अजित पवार गट)ने ‘महापौर राष्ट्रवादीचाच’ घोषणा देत सुकाणू समिती जाहीर केली. …वाचा सविस्तर

मुंबईमधील पवईमधील एका फिल्म स्टुडिओमध्ये गुरुवारी दुपारी रोहित आर्य नावाच्या एका व्यक्तीने १७ मुलांसह दोघांना ओलीस ठेवल्याची धक्कादायक घटना घडली. मात्र, पोलिसांनी अवघ्या ३५ मिनिटांत १७ पीडितांची सुटका केली. या कारवाईत आरोपी रोहित आर्यचा मृत्यू झाला. या घटनेवर आता राज्याचे गृहराज्यमंत्री योगेश कदम यांनी प्रतिक्रिया दिली. योगेश कदम यांनी म्हटलं की, “१० ते १२ वर्षांची मुलं हे त्या ठिकाणी ओलीस ठेवली होती. त्यानंतर पोलिसांनी अतिशय हुशारीने ओलीस असलेल्या मुलांना त्या ठिकाणाहून बाहेर काढलं. हे संपूर्ण प्रकरण खूप गंभीर असून त्याची चौकशी पोलीस करत आहेत”, असं योगेश कदम यांनी म्हटलं आहे.

मुंबईमधील पवई या ठिकाणी एका फिल्म स्टुडिओमध्ये गुरुवारी दुपारी रोहित आर्य नावाच्या एका व्यक्तीने १७ मुलांसह दोघांना ओलीस ठेवल्याचा धक्कादायक प्रकार घडला. याबाबत पोलिसांना माहिती मिळताच पोलिसांनी अवघ्या ३५ मिनिटांत पीडितांची सुटका केली. मात्र, यावेळी झालेल्या चकमकीत आरोपी रोहित आर्यचा मृत्यू झाला. दरम्यान, ही घटना नेमकं कशी घडली? या घटनेवेळी नेमकं काय घडलं? आरोपीने या १७ मुलांसह दोघांना ओलीस ठेवताना नेमकं काय सांगितलं होतं? याबाबतची आपबीती या घटनेतील एका मुलीने सांगितली आहे.

सविस्तर वाचा