Manoj Jarange Patil Maratha Reservation : सरकारकडून मागण्या मान्य, मनोज जरांगे यांनी उपोषण सोडलं

मराठवाडी जलसिंचन प्रकल्पाचे बांधकाम सुरू करताना २८ वर्षांपूर्वी लाभक्षेत्रात चार एकरचा स्लॅब लावून धरणग्रस्तांच्या पुनर्वसनासाठी जमिनी ताब्यात घेण्यात आल्या होत्या. आणि पुढे एकत्र कुटुंब असलेल्या आणि खातेफोड न झालेल्या अनेक कुटुंबांना त्याचा मोठा फटका बसला. …अधिक वाचा

दुपारी उच्च न्यायालयात झालेल्या सुनावणीवेळी मनोज जरांगे यांचे वकील सतीश मानेशिंदे म्हणाले, “९० टक्के आंदोलकांनी मुंबई सोडली आहे. त्यांची वाहनं देखील मुंबईच्या दिशेने रवाना झाली आहे.” यावर उच्च न्यायालयाने प्रश्न उपस्थित केला की “पण तुम्ही अजूनही तिथे का बसला आहात? तुम्ही तिथेच ठाण मांडून बसू शकता का? तुम्हाला केवळ २४ तास तिथे उपोषण करण्याची परवानी दिली होती. पण तुम्ही अजूनही तिथे बसला आहात. तुम्ही दुसऱ्या ठिकाणी का जाऊ शकत नाही?ठ यावर मानेशिंदे म्हणाले, “आम्ही आता आंदोलनाची जागा बदलू शकत नाही. आता त्या पाच हजार लोकांनी एकत्र घेऊन दुसरीकडे जाणं शक्य होणार नाही.”

मराठ्यांना आरक्षण मिळावे या मागणी साठी मराठ्यांचे नेतृत्व करणारे मनोज जरांगे पाटील ही २९ ऑगस्टपासून मुंबईतील आझाद मैदान येथे आंदोलन करीत आहेत. …सविस्तर बातमी

दुपारी ३ वाजेपर्यंत आझाद मैदान व आसपासचा परिसर रिक्त करा असे आदेश उच्च न्यायालयाने दिला आहे. मात्र, मागण्या मान्य होईपर्यंत आम्ही आझाद मैदान सोडणार नाही अशी भूमिका मराठा आंदोलकांनी घेतली आहे. तसेच आम्ही वाहतुकीत अडथळा आणणार नाही. तर, पोलीस संयमाने वागत आहेत. त्यांनी अद्याप बळाचा वापर केलेला नाही. ते केवळ न्यायालयाच्या आदेशाची अंमलबजावणी करण्याचा प्रयत्न करत आहेत. मुंबईतील रस्ते व आझाद मैदान परिसर मोकळा करण्यास सांगितलं आहे. परंतु, मराठा कार्यकर्ते ऐकायला तयार नाहीत. आम्ही सामान्य जनता म्हणून कुठेही फिरू शकतोच, असं त्यांचं म्हणणं आहे.

आंदोलकांचं म्हणणं आहे की आम्ही मिळेल्या त्या वाहनांनी वाशी व खारघऱला जातो. परंतु, आम्हला जेवणाच्या गाड्या लावण्याची परवानगी द्या. इथे नीट व्यवस्था करून द्या.

उल्हासनगर शहर सिंधी बांधवांची मोठी वसाहत आहे. व्यापारी शहर असलेल्या या शहराची धार्मिक शहर अशीही एक ओळख आहे. शहरात विविध दरबार, सतसंग केंद्र आहेत. …वाचा सविस्तर

सोमवारी प्रा. जयंत पाटील यांनी काळम्मावाडी नळपाणी योजना कुचकामी ठरल्याने सतेज पाटील यांना प्रश्न उपस्थित केले असताना ते नगरसेवकांना पुढे करून उत्तर देत आहेत. …अधिक वाचा

बदलापूर, अंबरनाथ यासारख्या शहरांतून मदत केल्यानंतर उल्हासनगर शहरातील मराठा बांधवांनीही मुंबईतील आंदोलकांसाठी जेवण, खाद्यपदार्थ आणि पाणी पुरवठा केला आहे. …वाचा सविस्तर

मंगळवारी सकाळपासून मानखुर्द जकात नाका येथे नाकाबंदी करण्यात आली आहे. मराठा आंदोलक मुंबईकडे जाण्याचा प्रयत्न करत आहेत यासाठी ही नाकाबंदी करण्यात आली आहे. …सविस्तर वाचा

गोंदवले बुद्रुक (ता माण) येथील श्री संत गाडगे महाराज प्राथमिक व माध्यमिक आश्रम शाळेत ग्रामविकास व पंचायतराज मंत्री गोरे यांच्या प्रमुख उपस्थितीत भटके विमुक्त दिवस मोठ्या उत्साहात साजरा करण्यात आला. …सविस्तर बातमी

Nilesh Rane vs Manoj Jarange Patil : नितेश राणे म्हणाले होते की “मनोज जरांगेंच्या आंदोलनाच्या माध्यमातून केवळ देवेंद्र फडणवीस यांना लक्ष्य करण्याचा प्रयत्न होत आहे.” …सविस्तर बातमी

रामनगर, लोकरेआळी, बादेवाडी व पुजारी मंडळ, कवरवाडी, चोरगेवाडी, शेंडेवाडी, दऱ्यातील मोरेवाडी, महिंद, बनपुरी, कुसवडे पुनर्वसन झाकडे, नाटोशी या १० गावांतील पाटणकर गटातील शेकडो कार्यकर्ते शिवसेनेत दाखल. …अधिक वाचा

या भेटीमुळे प्रदेशाध्यक्ष चव्हाण आणि जिल्हाप्रमुख दीपेश म्हात्रे यांच्या समर्थनार्थ समाज माध्यमांवर शाब्दिक युध्द खेळणारे कार्यकर्ते सर्वाधिक धारातिर्थी पडल्याचे चित्र आहे. …सविस्तर वाचा

अन्यथा आम्ही कारवाईचे आदेश देऊ, असा इशारा न्यायालयाने जरांगे यांना दिला. आम्हाला संपूर्ण मुंबई पूर्वपदावर आलेली हवी आहे, असेही न्यायालयाने इशारा देताना स्पष्ट केले. …सविस्तर वाचा

पोलिसांना दिलेल्या निवेदनात नमूद केले की, जामखेड तालुक्यातील नानज गावामध्ये गुंडांची टोळी कार्यरत असून, गावात दहशत निर्माण करणे, नागरिकांना मारहाण करणे, दुकानदार व वाहनचालकांकडून खंडणी उकळणे असे गुन्हे करत आहे. …सविस्तर वाचा

एआयएमआयएमचे माजी खासदार इम्तियाज जलील यांनी काही वेळापूर्वी मुंबईतील आझाद मैदानात जाऊन मनोज जरांगे पाटील यांची भेट घेतली. या भेटीनंतर जलील म्हणाले, “मुंबई पोलिसांनी सरकारच्या सांगण्यावरून मनोज जरांगेंवर बळजबरी केली, त्यांचं आंदोलन दडपण्याचा प्रयत्न केला तर मुस्लीम समाज छातीचा कोट करून पुढे उभा राहील.”

कोकणात गणेशोत्सवासाठी येणाऱ्या गणेशभक्तांचा प्रवास निर्विघ्नपणे होण्याकरिता अवजड वाहनांना मुंबई-गोवा राष्ट्रीय महामार्गावर वाहतूक करण्यास बंदी घालण्यात आली आहे. मात्र ही अवजड वाहनांची वाहतुक अद्याप ही सुरूच असल्याने वाहतुक कोंडी वाढत आहे. …सविस्तर वाचा

एआयएमआयएमचे माजी खासदार इम्तियाज जलील यांनी काही वेळापूर्वी मुंबईतील आझाद मैदानात जाऊन मनोज जरांगे पाटील यांची भेट घेतली. या भेटीनंतर जलील म्हणाले, “मुंबई पोलिसांनी सरकारच्या सांगण्यावरून मनोज जरांगेंवर बळजबरी केली, त्यांचं आंदोलन दडपण्याचा प्रयत्न केला तर मुस्लीम समाज छातीचा कोट करून पुढे उभा राहील.”

अकोले तालुक्याचा पश्चिम भाग पावसाचे आगर समजला जातो. मुळा, प्रवरा, आढळा या जिल्ह्यांतील प्रमुख नद्या या भागातच उगम पावतात. …अधिक वाचा

वैद्यकीय व्यावसायिकाने माणुसकीच्या भावनेतून स्वतःकडे पैसे नसतानाही दुसऱ्याकडून उधार घेऊन संबंधित क्यूआर कोडवर साडेचार हजार रुपयांची रक्कम पाठवली. …वाचा सविस्तर

काही गंभीर प्रकरणांमध्ये श्वासोच्छवास कठीण होऊन रुग्णालयात दाखल होणे आणि ऑक्सिजन सपोर्टची आवश्यकता भासू शकते. …वाचा सविस्तर

भाजपाचे प्रवक्ते केशव उपाध्ये म्हणाले, “ज्या समाजाने लाखोंचे यशस्वी मूक मोर्चे शांततेत काढले, तो हाच का मराठा समाज? अशी शंका यावी असे चित्र गेले ४/५ दिवस मुंबईत पाहायला मिळथ आहे. छत्रपतींचा मावळा ही आपली ओळख पण आंदोलनातील हौशे गवश्यांनी जे केले ते प्रतिमेवर प्रश्नचिन्ह निर्माण करणारे आहे. ‘ते आमचे नव्हेत’ असे म्हणून जबाबदारी झटकता येईल पण वस्तुस्थिती बदलणार नाही. प्रत्येक आंदोलन यशस्वी होण्यासाठी थोडे मागेपुढे करावे लागते. काही वेळा थांबावे लागते. महात्मा गांधीनी सुध्दा काही वेळा आंदोलन स्थगित केले. मराठा समाजाच्या वेदना आपण सगळ्यांसमोर आणल्यावर मराठा समाजाला आता १० टक्के आरक्षण सध्या लागू झाले आहे.”

“आता वेळ आहे थांबण्याची!. आपल्या बहुतांशी मागण्या महायुती सरकारने पूर्ण केल्या आहेत. राहिला प्रश्न, ओबीसी कोट्यातून आरक्षण घेण्याचा. भाजपाची भूमिका तर स्पष्ट आहे, ओबीसी आरक्षणाला धक्का न लागता मराठा समाजाला आरक्षण मिळाले पाहिजे. पण यावर आपल्यासोबत असण्याचा दावा करणारे मविआतील घटक पक्ष, शरद पवार, व कॅाग्रेसची यावर काय भूमिका आहे ते स्पष्ट विचारा. उद्धव ठाकरेंना या प्रश्नातले फारसे ज्ञान नसल्याने ते मूग गिळून बसतील, पण मविआतील ही मंडळी केवळ गोल गोल करत आहेत. मराठा आरक्षणाचा प्रश्न सोडविण्यापेक्षा, दोन समाजसमूहांना झुंजत ठेवून मविआतील तीन पक्षांना राजकारण करायचे आहे, हे लक्षात घ्या, आणि आपल्या आंदोलनात आपल्या खांद्यावरून कुणी मतांची बेजमी करण्याच स्वप्न पहातेय ही नामुष्की टाळण्यासाठी आंदोलन संपवून सरकारला सहकार्य करा!”

Manoj Jarange vs Devendra Fadnavis : मनोज जरांगे पाटील यांनी मुख्यमंत्री देवेंद्र फडणवीस यांना इशारा दिला आहे की “पोलिसांना सांगून आम्हाला अटक करायला लावाल, तर ते तुमच्यासाठी घातक ठरेल.” …अधिक वाचा

मनोज जरांगे पाटील म्हणाले, “मुख्यमंत्री देवेंद्र फडणवीसांनी काहीतरी कारण पुढे करून मराठ्यांना आझाद मैदानावरुन हुसकावून लावण्याचा प्रयत्न करू नये. तुम्ही मुंबई पोलिसांना सांगून आम्हाला अटक करायला लावली तर ते तुमच्यासाठी घातक असेल. मराठा आंदोलकांवर लाठीमार केला तर ते अतिघातक ठरेल. तुम्ही गरीब मराठ्यांचा अपमान केला तर त्यांच्या डोक्यात बदला घेण्याची चीड निर्माण होईल.”

Manoj Jarange Patil on Mumbai Police Notice : “आम्हाला तुरुंगात टाकल्यास आम्ही तुरुंगात बसून उपोषण करू”, असा इशारा मनोज जरांगे पाटील यांनी दिला आहे. …अधिक वाचा

मनोज जरांगे पाटील यांनी केलेल्या आवाहनाला आंदोलकांनी उत्स्फूर्त प्रतिसाद दिला आहे. जरांगे पाटील यांच्या आवाहनानंतर छत्रपती शिवाजी महाराज टर्मिनस आणि बृहन्मुंबई महापालिका चौकातील गर्दी वेगाने कमी होत आहे. चौकातील वाहने निघून जाण्यास सुरुवात झाली आहे. जरांगे यांच्या आवाहनाला आंदोलकांनी उत्स्फूर्त प्रतिसाद दिल्याचे दिसून येत आहे.

Manoj Jarange Patil Maratha Reservation Protest Updates : मुंबई उच्च न्यायालयाच्या अंतरिम आदेशांचे उल्लंघन केल्याने १ सप्टेंबर रोजी आंदोलनाबाबत मागितलेली परवानगी नाकारण्यात येत आहे, असे या नोटीसमध्ये म्हटले आहे. …वाचा सविस्तर

मुंबईत पोलिसांनी मनोज जरांगे यांना एक नोटीस बजावली आहे. या नोटिशीत पोलिसांनी जरांगे यांना म्हटलं आहे की आपणास यापूर्वी आंदोलन करण्यासाठी देण्यात आलेल्या परवानगीतील अटी व शर्तीचे तुम्ही उल्लंघन केल्यामुळे तसेच मुंबई उच्च न्यायालयाने २६ ऑगस्ट रोजीच्या अंतरिम आदेशात दिलेल्या निर्देशांचे तुम्ही उल्लंघन केल्यामुळे १ सप्टेंबर २०२५ रोजी तुम्ही सादर केलेल्या विनंती अर्जानुसार तुम्ही मागितलेली आंदोलनाची परवानगी नाकारण्यात येत आहे. त्यानुसार आपण आझाद मैदान परिसर लवकरात लवकर रिक्त करावा.

नितेश राणे एखाद्या विषयावर बोल्यानंतर त्यावर तुम्ही टीका करा पण वैयक्तिक टीका नको. नितेश काही टोकाचं बोलला नाही किंवा वैयक्तिक बोलला नाही. कुठल्याही धमकीला राणे परिवार कधीच घाबरत नाही, तुम्ही जसे मरायला तयार असता तसेच आम्ही राणे पण असतो. आमच्या परिवाराच्या सदस्यावर कोण हात टाकायच्या वार्ता करत असेल तर ते आम्ही कधीही सहन करणार नाही, म्हणून भाषा जपून वापरली पाहिजे. कारण आम्ही तुम्ही काही परके नाही. विषय सोडवताना नातं तुटता कामा नाही याची काळजी घेतली पाहिजे. मनोज जरांगे पाटील तुमचे आणि माझे संबंध नेहमी आपुलकीचे राहिले आहेत, कौटुंबिक राहिले आहेत, ते तसेच राहिले पाहिजेत. मी आज पर्यंत नातं जपलं, पुढे ही जपेन… आपल्या कडून पण तीच अपेक्षा आहे.