‘परफेक्ट’, ‘शेप ऑफ य़ू’ गाण्यांचा सुप्रसिद्ध गायक Ed Sheeran म्हणजेच एडवर्ड क्रिस्टोफर शीरन सध्या भारतात आला आहे. यामागचं कारण म्हणजे लवकरच Ed Sheeranचा मुंबईमध्ये कॉन्सर्ट होणार आहे. याआधी मुंबईतील एका शाळेला भेट देऊन त्याने विद्यार्थ्यांसमोर त्याच्या हिट गाण्यांवर परफॉर्मही केलं. यानंतर त्याने बॉलीवूड अभिनेता आयुष्मान खुरानाचीही भेट घेतली

आर्काइव्हमधील सर्व बातम्या मोफत वाचण्यासाठी कृपया रजिस्टर करा

आयुष्मान खुरानाने त्याच्या अधिकृत इन्स्टाग्राम अकाउंटवर Ed Sheeranबरोबर एक फोटो शेअर केला आहे. यात आयुष्मानने काळ्या रंगाची बॅगी हूडी घातली आहे, तर Ed Sheeran सफेद रंगाच्या टी-शर्टवर दिसतोय. या फोटोला कॅप्शन देत आयुष्मानने लिहिले, “Ed Sheeranबरोबरच्या माझ्या पोलेरॉइड आठवणी, Ed Sheeran तुला भेटून खूप आनंद झाला.”

Ed Sheeran नंतर एका पार्टीत गेला होता. तिथे तो प्रसिद्ध गायक अरमान मलिकलासुद्धा भेटला. या पार्टीत दोघांनी अरमानच्या ‘बुट्टा बोम्मा’ या लोकप्रिय गाण्यावर डान्स केला. यात अरमान Ed Sheeranला ‘बुट्टा बोम्मा’च्या हूक स्टेप शिकवताना दिसत आहे. हा व्हिडीओ सोशल मीडियावर मोठ्या प्रमाणात व्हायरलदेखील झाला. याला अरमानने कॅप्शन देतं लिहिले, “माझा आवडता व्यक्ती माझ्या आवडत्या शहरात आला आहे.”

दरम्यान, Ed Sheeran आशिया आणि युरोप टूर २०२४ चा भाग म्हणून भारतात परफॉर्म करणार आहे. त्याचा परफॉर्मन्स १६ मार्च रोजी मुंबईतील महालक्ष्मी रेसकोर्सवर होणार आहे. भारतातील Ed Sheeranचा हा दुसरा कॉन्सर्ट असेल. २०१७ मध्ये भारतात त्याने पहिल्यांदा परफॉर्म केलं होतं.

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ayushmann khurrana armaan malik met ed sheeran he danced on butta bomma dvr