Entertainment News Updates: अहान पांडेच्या ‘सैयारा’ने १३ व्या दिवशी केली ‘इतक्या’ कोटींची कमाई, शाहिद कपूर-आमिर खानच्या चित्रपटांचा मोडला रेकॉर्ड

Saiyaara Box Office Collection Day 13 : अहान पांडे व अनित पड्डा यांची मुख्य भूमिका असलेला ‘सैयारा’ चित्रपट अजूनही बॉक्स ऑफिसवर टिकून आहे. तर मोहित सुरू यांच्या चित्रपटाची क्रेझ प्रेक्षकांमध्ये कायम असल्याची पाहायाला मिळतं. ‘सॅकनिल्क’च्या वृत्तानुसार या चित्रपटाने आतापर्यंत एकूण २७३.५० कोटी कमावले आहेत. ‘सैयारा’ने बॉक्स ऑफिसवर १३व्या दिवशी किती कमाई केली जाणून घेऊयात. ‘सॅकनिल्क’च्या वृत्तानुसार या चित्रपटाने १३व्या दिवशी (३० जुलै) बॉक्स ऑफिसवर ७ कोटींची कमाई केली. १२ व्या दिवशी (२९ जुलै) चित्रपटाने १० कोटींचा गल्ला जमावला होता. दोन नवीन चेहरे मुख्य भूमिकेत असूनही या चित्रपटाने बॉक्स ऑफिसवर आतापर्यंत तुफान कमाई केली आहे.