'सुभेदार'ची लक्षवेधी कामगिरी! पहिल्या आठवड्यात जमवला 'इतक्या' कोटींचा गल्ला, कामईचा आकडा समोर

गेले अनेक महिने ‘सुभेदार’ या मराठी चित्रपटाची प्रचंड चर्चा आहे. २५ ऑगस्ट रोजी हा चित्रपट प्रेक्षकांच्या भेटीला आला. या चित्रपटातून सुभेदार तानाजी मालुसरे यांचा पराक्रम आपल्याला मोठ्या पडद्यावर पाहायला मिळत आहे. या चित्रपटाला सर्वत्र खूप चांगला प्रतिसाद मिळत आहे. या चित्रपटातील कलाकारांच्या कामाचं, कथेच्या मंडळीचं, सर्वजण कौतुक करत आहेत. त्यामुळे या चित्रपटाने पहिल्या आठवड्यात दमदार कामगिरी केली आहे. या चित्रपटाने पहिल्या वीकेंडला ५ हून अधिक कोटींची कमाई केली होती. आता या चित्रपटाच्या टीमने एक पोस्ट शेअर करत या चित्रपटाने पहिल्या आठवड्यात किती गल्ला जमवला हा आकडा सर्वांशी शेअर केला आहे. त्यानुसार या चित्रपटाने पहिल्या आठवड्यात ८.७५ कोटींची कमाई केली आहे. चित्रपटाचा या यशस्वी कामगिरीबद्दल सर्वच कलाकार खूप खुश आहेत.