Photos दीपिका पादुकोण, कतरिना कैफ अन्…; आलियाशी लग्न करण्याअगोदर रणबीर कपूरचं ‘या’ अभिनेत्रींबरोबर होतं अफेअर

अभिनेता रणबीर कपूर आज आपला आलिया भट्ट आणि रणबीर कपूरने गेल्यावर्षी १४ एप्रिल २०२२ रोजी लग्नगाठ बांधली. दोघांच्या लग्नाचे फोटो सोशल मीडियावर व्हायरल झाले होते. पण लग्नाअगोदर रणबीरचं नाव अनेक अभिनेत्रींबरोबर जोडलं गेलं. सुरुवातीला रणबीर कपूरच नाव अभिनेत्री सोनम कपूरबरोबर जोडलं गेलं होतं. दोघांनी 'सावरीया' चित्रपटातून बॉलीवूडमध्ये पदापर्ण केलं. या चित्रपटाच्या सेटवरच दोघांमधील जवळीक वाढली. रणबीर आणि सोनमनं एकमेकांना डेट काही काळ डेट केलं मात्र लवकरच दोघंही वेगळे झाले. रणबीर कपूर आणि दीपिका पदुकोण यांचं नात सर्वाधिक चर्चेत राहिलं. एकेकाळी बॉलीवूडमध्ये दोघांची जोडी लोकप्रिय होती. काही रिपोर्ट्सनुसार रणबीरच्या आयुष्यात कतरिना कैफची एन्ट्री झाल्यानं दीपिका आणि त्याच्या नात्यात दुरावा आला आणि दोघंही वेगळे झाले. ‘अजब प्रेम की गजब कहानी’ चित्रपटाच्या सेटवर रणबीर आणि कतरिनाची भेट झाली. या चित्रपटाच्या सेटवर दोघंही एकमेकांच्या प्रेमातही पडले. दोघं एकमेकांशी लग्न करणार अशा चर्चा सुरू असतानाच अचानक त्यांनी वेगळं होण्याचा निर्णय घेतला. रणबीर कपूरचं नाव एकेकाळी अभिनेत्री नर्गिस फाखरीसोबतही जोडलं गेलं होतं. या दोघांनी ‘रॉकस्टार’ चित्रपटात एकत्र काम केलं होतं. या चित्रपटाच्या सेटवरूनच रणबीर आणि नर्गिसनं एकमेकांना डेट करायला सुरुवात केली होती. एवढंच नाही तर नर्गिससाठी रणबीरनं कतरिनाशी ब्रेकअप केल्याचंही बोललं जातं. रणबीर कपूरनं प्रसिद्ध अभिनेत्री प्रियांका चोप्राला देखील डेट केलं आहे. या दोघांनी ‘अंजाना अंजानी’ चित्रपटात एकत्र काम केलं होतं. रणबीर आणि प्रियांकाचं नातं फार काळ टिकलं नाही. काही काळानंतर दोघंही एकमेकांपासून वेगळे झाले. दाक्षिणात्य अभिनेत्री श्रुती हसन आणि रणबीर कपूर यांच्या नात्याची एकेकाळी बरीच चर्चा झाली होती. दोघांनी एका जाहिरातीसाठी एकत्र काम केलं होतं. दोघांच्या नात्याची बॉलिवूडमध्ये जोरदार चर्चा झाली होती मात्र रणबीर किंवा श्रुतीनं या नात्यावर कधीच कोणतंही भाष्य केलं नाही. बॉलिवूडमध्ये पदार्पण करण्याआधी रणबीर कपूरचं अवंतिका मालिकसोबत अफेअर होतं. मात्र नंतर काही कारणानं दोघांचंही ब्रेकअप झालं. (फोटो साभार- सोशल मीडिया)