प्रशस्त हॉल, स्वतंत्र बार काउंटर अन्…; ‘असं’ आहे प्रार्थना बेहेरेचं अलिबागमधील अलिशान घर, पाहा खास झलक

मराठी मनोरंजन सृष्टीतील आघाडीच्या अभिनेत्रींच्या यादीत प्रार्थना बेहेरेचं नाव सामील आहे. काही महिन्यांपूर्वीच ती तिच्या नवऱ्याबरोबर मुंबई सोडून कायमचीअलिबागला स्थायिक झाली. आता तिने तेथील त्यांच्या घराची झलक चाहत्यांना दाखवली आहे. प्रार्थनाचं अलिबागमधील घर अगदी ऐसपैस आहे आणि अंगणात भरपूर झाडंही आहेत. छोट्याशा गेटमधून आतमध्ये गेल्यावर प्रार्थनाच्या घराच्या पुढच्या अंगणात विविध प्रकारची छोटी-मोठी झाडं लावली आहेत. तिथून सरळ गेल्यावर दोन पायऱ्या चढलं की डाव्या बाजूला घराचा मुख्य दरवाजा दिसतो. ही जागा ही त्यांनी खूप आकर्षक प्रकारे सजवली आहे. याचबरोबर घराचा दरवाजा सर्वांचं लक्ष वेधून घेतो. घरात प्रवेश केल्यावर डाव्या बाजूला लगेच किचन आहे. तर त्याच्यासमोर प्रशस्त हॉल आहे. विशेष म्हणजे हॉल आणि किचनच्यामध्ये भिंत नाही. प्रार्थनाच्या घरी देवघरासाठीही स्वतंत्र जागा केली आहे. तर याबरोबरच एका कोपऱ्यात छान डायनिंग टेबल ठेवलं आहे. हे डायनिंग टेबल संपूर्ण लाकडाचं असून याचा आकारही खूप हटके आहे. त्यांच्या घरी एक स्वतंत्र बार काउंटरही तयार करण्यात आलं आहे. तर सोफ्याच्या पलीकडच्या बाजूला मोठा दरवाजा करण्यात आला आहे. तिथून भरपूर प्रकाश येतो. त्या दरवाजातून बाहेर गेलं की मागच्या बाजूला एक मोठी बाल्कनी आहे. तर या बाल्कनीतही बसायला व्यवस्थित जागा केली असून त्या व्यतिरिक्त भरपूर मोकळी जागा पाहायला मिळते. (सर्व फोटो सौजन्य: प्रार्थना बेहेरे, यूट्यूब)