Photos : “भारत जोडोमध्ये मुलं माझा हात ओढत होती म्हणून…”, सुप्रिया सुळेंनी सांगितल्या स्वतःसोबत घडलेल्या ‘त्या’ घटना

1/18

राष्ट्रवादी काँग्रेसचे आमदार जितेंद्र आव्हाड यांच्यावर भाजपा महिला पदाधिकाऱ्याने विनयभंगाचा आरोप केला. या प्रकरणी आव्हाडांवर विनयभंगाचा गुन्हा झाला.

2/18

यावर राष्ट्रवादीच्या खासदार सुप्रिया सुळेंनी प्रतिक्रिया व्यक्त करत त्यांच्यासोबत घडलेल्या काही घटनांची माहिती दिली.

3/18

तसेच या घटनांना विनयभंग म्हणता येणार नाही, असं स्पष्ट केलं. त्या सोमवारी (१४ नोव्हेंबर) एबीपी माझाशी बोलत होते.

4/18

सुप्रिया सुळे म्हणाल्या, “मी मुंबईत वाढले आहे. माझे वडील मुख्यमंत्री होते तेव्हा मी ट्रेन आणि बसमधून फिरणारी मुलगी आहे.”

5/18

“तेव्हा असा प्रवास करणं सामान्य होतं, कौतुकाची गोष्ट म्हणून सांगत नाही,” असं सुप्रिया सुळेंनी सांगितलं.

6/18

“मुंबईच्या ट्रेन आणि बसेसमधून लाखोंच्या संख्येने महिला फिरतात, तिथं धक्काबुक्की होत असते,” असं मत सुप्रिया सुळेंनी व्यक्त केलं.

7/18

सुप्रिया सुळे म्हणाल्या, “आम्ही मुंबईच्या कणखर मुली आहोत. कोणी मला धक्का मारला, तर आम्ही धक्का देऊ. कारण शेवटी मलाही स्वतःचा बचाव करायचा आहे.”

8/18

धक्काबुक्कीचे हे प्रकार माझ्यासोबत अनेकदा झालेत – सुप्रिया सुळे

9/18

मी खासदार असले, तरी शेवटी मी एक महिला आहे. मी जेव्हा ट्रेनमध्ये बसली, कार्यक्रमाला गेली तेव्हा असे प्रकार घडले – सुप्रिया सुळे

10/18

परवा भारत जोडोत झालं. उत्साही कार्यकर्ते असतात तेव्हा असं होतंच – सुप्रिया सुळे

11/18

मी भारत जोडोत असं म्हटलं तर ते योग्य नाही. मला माहितीच होतं की तिथं गर्दी आहे – सुप्रिया सुळे

12/18

तिथं ती मुलं हात ओढत होती. म्हणून ते माझा विनयभंग करायला आले नव्हते. ते त्यांचं प्रेम होतं – सुप्रिया सुळे

13/18

कधीतरी गैरसमजातून अशा गोष्टी होतात. अशावेळी वाईट वाटलं म्हणून कोणी कोर्टात जात नाही – सुप्रिया सुळे

14/18

महाराष्ट्रात बंदुकी घेऊन महिलांना शिव्या घालतात. त्यावर आम्ही विनयभंगाची केस करत नाही – सुप्रिया सुळे

15/18

मी म्हटलं जाऊ दे चुकी झाली, आपली संस्कृती नाही म्हणून दुसरा रस्ता घेऊन पुढे चालतो – सुप्रिया सुळे

16/18

माझ्या आईने माझ्यावर जे संस्कार केले त्या चौकटीत मी वागण्याचा प्रयत्न करते – सुप्रिया सुळे

17/18

माझ्या आईने मला एक गोष्ट शिकवली आहे की, गर्दीत गेल्यावर धक्का खायची वेळ आली, तर बाजूला उभी राहा – सुप्रिया सुळे

18/18

दोन मिनिटं उशीर झाला तरी चालेल, असं मला माझ्या आईने शिकवलं – सुप्रिया सुळे