अरविंद केजरीवालांना पराभूत करणारे परवेश वर्मा मुख्यमंत्री रेखा गुप्तांच्या मंत्रिमंडळात, पार पडला शपथविधी सोहळा!

आज दिल्लीमध्ये रेखा गुप्ता यांनी मुख्यमंत्रीपदाची शपथ घेतली. दिल्लीचे उप राज्यपाल विनय कुमार सक्सेना यांनी त्यांना पद व गोपनियतेची शपथ दिली. दिल्लीच्या शालिमार बाग मतदारसंघातून पहिल्यांदाच निवडून आलेल्या भाजपाच्या रेखा गुप्ता यांच्या गळ्यामध्ये मुख्यमंत्रीपदाची माळ पडली आहे. या शपथविधीला सोहळ्याला पंतप्रधान नरेंद्र मोदी, केंद्रीय गृहमंत्री अमित शाह, भाजपाचे राष्ट्रीय अध्यक्ष जे. पी. नड्डा यांच्यासह अनेक केंद्रीय मंत्री व भाजपशासित राज्यातील मंत्री उपस्थित राहिले होते. दरम्यान, रेखा गुप्ता यांच्यासह एकूण सहा आमदारांनीही मंत्रीपदाची शपथ घेतली आहे. परवेश वर्मा, नवी दिल्लीपरवेश वर्मा यांना मंत्रिमंडळात संधी मिळाली आहे. परवेश यांनी आपचे प्रमुख अरविंद केजरीवाल यांचा नवी दिल्ली विधानसभा मतदारसंघात पराभव केला आहे. आशिष सूदआशिष सूद हे जनकपुरी मतदारसंघाचे आमदार आहेत. आता त्यांना मंत्रिपद मिळालं आहे. मनजिंदर सिंग सिरसामनजिंदर राजौरी गार्डनर मतदारसंघाचे नेतृत्व करतात. आता त्यांनी मंत्रिपदाची शपथ घेतली आहे. रविंद्र कुमार इंद्रजबवानाचे आमदार रविंद्र यांनी आजच्या शपथविधीसोहळ्यात मंत्रिपदाची शपथ घेतली आहे. कपिल मिश्राकरवाल नगर मतदारसंघाचे आमदार कपिल मिश्रा आता मंत्रि झाले आहेत. पंकज कुमार सिंगविकासपुरीमधील आमदार पंकज कुमार सिंग यांनी मंत्रिपदाची शपथ घेतली आहे. दरम्यान, हा शपथविधी सोहळा दिल्लीतील रामलीला मैदानावर पार पडला. राज्याचे मुख्यमंत्री देवेंद्र फडणवीस, उपमुख्यमंत्री अजित पवार व एकनाथ शिंदे यांची या सोहळ्याला उपस्थिती होती. (सर्व फोटो साभार- एनआय यूट्यूब चॅनेल) हेही पाहा- दिल्लीच्या नवनिर्वाचित मुख्यमंत्री रेखा गुप्ता यांच्या कुटुंबामध्ये कोण आहे? पती काय करतात?