Maharashtra News Updates, 30 September 2025 : गेल्या काही दिवसांपासून चालू असलेल्या पावसाचा जोर आता राज्यातील काही भागांमध्ये ओसरेल असा अंदाज हवामान विभागाने व्यक्त केला आहे. मात्र, काही जिल्ह्यांमध्ये आणखी दोन दिवस पावसाचा मुक्काम असेल. पालघर, ठाणे, मुंबई, रायगड, रत्नागिरी, नाशिक, पुणे व साताऱ्याला यलो अलर्ट देण्यात आला आहे. या जिल्ह्यांमधील काही भागात मुसळधार पाऊस पडू शकतो, असंही हवामान विभागाने म्हटलं आहे. तर, उर्वरित भागांमध्ये पावसाचा जोर ओसरल्याचं पाहायला मिळेल.
दरम्यान, आज (३० सप्टेंबर) मुख्यमंत्री देवेंद्र फडणवीस यांच्या अध्यक्षतेखाली राज्य मंत्रिमंडळाची बैठक होणार आहे. राज्यातील अतिवृष्टी व पूरग्रस्तांना सरकारकडून काय मदत मिळणार याकडे सर्वांचं लक्ष लागलं आहे. दुसऱ्या बाजूला, सरकार जी काही मदत जाहीर करेल ती दिवाळीपूर्वी मिळावी अशी अपेक्षा शेतकऱ्यांनी व्यक्त केली आहे.
निवडणुका असत्या तर महाराष्ट्रात पैशाचा पूर आला असता : ठाकरे गट
शेतकऱ्यांच्या व नागरिकांच्या नुकसानभरपाईवरून शिवसेनेने (ठाकरे) राज्य सरकारला टोला लगावला आहे. “महाराष्ट्रात आत्ता निवडणुका असत्या तर मदतीसाठी केंद्राकडून व राज्य सरकारकडून पैशांचा पूर आला असता”, अशा शब्दांत आमदार आदित्य ठाकरे यांनी सरकारवर टीका केली आहे. तर, “महाराष्ट्रावर आभाळ फाटलं आहे, राज्य सरकारने खजिन्याची खिडकी उघडावी”, अशी मागणी ठाकरे गटाने दैनिक सामना या त्यांच्या मुखपत्राद्वारे केली आहे.
Live Updates
Marathi News Live Today : राज्याच्या कानाकोपऱ्यातील बातम्या वाचा एकाच क्लिकवर.
औद्योगिक व वाणिज्यिक वीज महागली! सौर ऊर्जेचा ग्राहकांवर भूर्दंड…..
महावितरण, रिलायन्स एनर्जी, टाटा पॉवर व बेस्ट या कंपन्यांच्या शहरी भागातील औद्योगिक, वाणिज्यिक व अन्य वर्गवारीतील ग्राहकांकडून सध्या प्रति युनिट ११.०४ पैसे इतकी विक्रीकर आकारणी केली जाते. …सविस्तर बातमी
दसऱ्यासाठी फूल बाजार बहरला; दर तेजीत, मार्केट यार्डातील बाजार दोन दिवस रात्रीही सुरू
दसऱ्यासाठी फूलबाजार बहरला असून, श्री छत्रपती शिवाजी मार्केट यार्डातील घाऊक बाजारात शेतकऱ्यांनी झेंडू मोठ्या प्रमाणावर विक्रीस पाठविला आहे.
…सविस्तर वाचा
निलंबित नगररचना उपसंचालक वाय. एस. रेड्डी तुरूगांत तरी पालिकेत सक्रिय ? ऑनलाइन तक्रारींना रेड्डीच्या नावाने उत्तरे
नागरिकांच्या ऑनलाइन तक्रारींना निलंबित नगररचना उपसंचालक वाय एस रेड्डी यांच्या नावाने उत्तरे दिली जात असल्याचा धक्कादायक प्रकार समोर आला आहे. …सविस्तर वाचा
नवी मुंबई विमानतळाच्या नामकरणाचा वाद पेटला; आगरी-कोळी समाज आक्रमक
नवी मुंबई विमानतळाला लोकनेते दि. बा. पाटील यांचे नाव दिले न गेल्याने शहरातील आगरी-कोळी समाज आक्रमक झाला आहे.
…वाचा सविस्तर
‘ठाण्यातील घोडबंदर’ जिथे कर्णाच्या रथाचे चाक खड्ड्यात रुतले… समाजमाध्यमांवर खड्ड्यांवरून विनोद
मुंबई, नवी मुंबई, पालघर, भिवंडी आणि गुजरात या भागातील वाहतूकीसाठी घोडबंदर हा महत्वाचा मार्ग मानला जातो. …वाचा सविस्तर
‘ठाण्यातील घोडबंदर’ जिथे कर्णाच्या रथाचे चाक खड्ड्यात रुतले… समाजमाध्यमांवर खड्ड्यांवरून विनोद
मुंबई, नवी मुंबई, पालघर, भिवंडी आणि गुजरात या भागातील वाहतूकीसाठी घोडबंदर हा महत्वाचा मार्ग मानला जातो. …वाचा सविस्तर
फुले दामदुपटीने महागली…
दसरा अवघ्या एका दिवसावर येऊन ठेपलेला असतानाच फुलांच्या घाऊक दरात वाढ झाली असून झेंडूची फुले प्रतिकिलो २०० रुपये,तर गुलाब प्रतिकिलो ५०० रुपये दराने विकला जात आहे. …वाचा सविस्तर
दस्त घोटाळ्यातील अधिका-याच्या मागील सूत्रधार कोण – उपाध्यक्ष बनसोडे
नवी मुंबईतील दस्त घोटाळ्याची दखल राज्याच्या विधिमंडळाचे उपाध्यक्ष अण्णा बनसोडे यांनी घेतल्याने या प्रकरणातील अधिकारी व दलाल संस्कृतीला हादरा बसला आहे.
…सविस्तर वाचा
मारवाड, काठेवाड, भिमथडी… अतिवृष्टीनंतर अश्वांच्या किंमती किती ?
अतिवृष्टीमुळे यंदा बाजारात अश्वांची आवक घटली आणि त्याचा परिणाम त्यांच्या किंमती उंचावण्यात झाल्याचे चित्र आहे. …सविस्तर बातमी
सहा महिन्यावर मुलीचे लग्न…अतिवृष्टीने कापूस पीक गेले…शेतकऱ्याची आडव्या पिकातच आत्महत्या
मुलीचे लग्न सहा महिन्यावर येऊन ठेपले असतांना अतिवृष्टीमुळे संपूर्ण कापूस पीक हातचे गेले. त्यामुळे मनोधैर्य खचलेल्या शेतकऱ्याने आपल्या शेतातील आडव्या झालेल्या पिकातच कीटक नाशक प्राशन करून आत्महत्या केली. …अधिक वाचा
‘वाद का करत आहात?’ म्हटल्याने ट्राफिक वॉर्डनला सिमेंटच्या गट्टूने मारहाण
वाहतूक कोंडी सोडवत असताना ‘वाद का करत आहात’ असे म्हटल्याने एकाने वाहतूक मदतनीस ( ट्राफिक वॉर्डन) शिवीगाळ करून मारहाण केली. …अधिक वाचा
ST Bus: सणासुदीत ‘एसटी’ बसच्या प्रवास भाड्यात वाढ… १५ ऑक्टोबरपासून…
परिपत्रकानुसार दिवाळी गर्दीच्या हंगामात परिवर्तनशील भाडे आकारणेबाबत सगळ्या प्रादेशिक व्यवस्थापकांसह विभाग नियंत्रकांना आदेश दिले गेले आहे. …वाचा सविस्तर
प्रवाशांसाठी आनंद वार्ता… बडनेरा–नाशिक रोड मेमू रेल्वे गाडीला पुन्हा मुदतवाढ !
वाशांना दुपारच्या वेळी नाशिक जाण्यासाठी सोयीच्या ठरणाऱ्या बडनेरा– नाशिक रोड अनारक्षित मेमू रेल्वे गाडीला प्रवाशांचा वाढता प्रतिसाद लक्षात घेता या गाडीला आणखी काही महिन्यांसाठी पुन्हा मुदतवाढ देण्यात आली आहे.
…वाचा सविस्तर
ठाणे पोलिसांना पुन्हा पोलीस मित्रांचे बळ; पोलीस मित्र ॲप कार्यान्वित
कायदा सुव्यवस्था राखण्यास मदत, वाहतुक कोंडीवर नियंत्रण मिळविण्यास मदत करणे, जनजागृती करणे अशी कामे पोलीस मित्र करतील. …अधिक वाचा
वन कर्मचारी, ड्रोनच्या मदतीने बिबट्याचा शोध
बिबट्याचा शहरातील वाढता वावर आणि हल्ले चिंताजनक असतांना वनविभागही सतर्क झाला आहे. बिबट्याला जेरबंद करण्यासाठी वन विभागाच्या वतीने कर्मचारी आणि ड्रोनच्या मदतीने बिबट्याचा शोध घेतला जात आहे.
…वाचा सविस्तर
Video: Hit and Run: घोडबंदर मार्गावर भीषण अपघात, २७ वर्षांच्या मुलीचा कंटेनरच्या धडकेत मृत्यू
या घटनेप्रकरणी कासारवडवली पोलीस ठाण्यात कंटेनर चालकाविरोधात गुन्हा दाखल करण्यात आला असून पोलीस त्याचा शोध घेत आहेत. …अधिक वाचा
ठाकुर्लीत भरधाव विद्यार्थ्याच्या दुचाकीच्या धडकेने महिलेच्या पायाचे हाड मोडले
पोलिसांनी ठाकुर्लीतील चामुंडा गार्डन परिसरातील संकुलात राहत असलेले आशिष विठ्ठलराव बोढाळे यांच्या तक्रारीवरून अपघात करणारा दुचाकी स्वार विद्यार्थी दिव्येश रमेश परब (१९) याच्या विरूध्द रामनगर पोलीस ठाण्यात तक्रार केली आहे. …अधिक वाचा
नालासोपाऱ्यात कपड्याच्या दुकानाला भीषण आग, आगीत दुकान जळून खाक
नालासोपारा पूर्वेच्या चंदननाका परिसरातील एका कपड्याच्या दुकानाला भीषण आग लागल्याची घटना मंगळवारी दुपारी दीडच्या सुमारास घडली. …अधिक वाचा
सिंधुदुर्ग जिल्हा साहित्य संमेलनाध्यक्षपदी कवयित्री नीरजा यांची निवड
कवयित्री नीरजा यांचे ‘निरन्वय’, ‘वेणा’, ‘स्त्रीगणेशा’, ‘निरर्थकाचे पक्षी’, ‘मी माझ्या थारोळ्यात’ इत्यादी सहा कविता संग्रह प्रकाशित झाले आहेत. …सविस्तर बातमी
गडकरींनी केले भूमिपूजन, १८ कोटींचा खर्चही झाला… तरीही एफडीएचा इमारत घेण्यास नकार!
तब्बल १८ कोटी रुपये खर्चून नागपूरच्या सिव्हिल लाईन्स भागात उभारलेली अन्न व औषध प्रशासन विभागाची (एफडीए) अत्याधुनिक व सुसज्ज इमारत वर्षभराहून अधिक काळापासून धूळखात पडून आहे. …वाचा सविस्तर
सोने, चांदीच्या दराचा धमाका… जळगावमध्ये आता काय परिस्थिती ?
शहरातील सुवर्ण बाजारपेठेत दसरा दोन दिवसांवर आला असताना मंगळवारी सोने आणि चांदीने पुन्हा मोठी झेप घेतली. …सविस्तर बातमी
पाकिस्तानातील ड्रग्सचा भारतात प्रवेश… विरार गुन्हे शाखा कक्ष ३ ची मोठी करवाई
राजस्थान सीमेलगत असलेल्या पाकिस्तानच्या एका छोट्या गावातून भारतात तस्करी करून अमली पदार्थ आणले जात असल्याचे गुन्हे शाखा ३ च्या पथकाने उघडकीस आणले आहे.
…वाचा सविस्तर
मुक्त विद्यापीठाच्या व्यवस्थापन मंडळात मुख्यमंत्र्यांचे चुलतबंधू… राज्यपालांच्या निर्णयाने प्रादेशिक वाद ?
यशवंतराव चव्हाण महाराष्ट्र मुक्त विद्यापीठाच्या व्यवस्थापन मंडळात आता मुख्यमंत्री देवेंद्र फडणवीस यांचे चूलतबंधू प्रसेनजीत फडणवीस यांचा समावेश झाला आहे.
…वाचा सविस्तर
सुरक्षेच्या नियमांना बगल देत शाळकरी मुलांची नियमबाह्य वाहतूक
नोकरदार पालकांना वेळ नसल्याने ते आपल्या पाल्याला शालेय बसमधून शाळेत पाठवतात. खासगी वाहतुकदार सुरक्षेचे नियम धाब्यावर बसवून, विद्यार्थ्यांची धोकादायक पद्धतीने वाहतूक करीत आहेत.
…सविस्तर वाचा
Navi Mumbai Airport: नवी मुंबई आंतरराष्ट्रीय विमानतळाची गौतम अदानी यांच्याकडून पाहाणी
नवी मुंबई येथे आंतरराष्ट्रीय विमानतळ साकारले जात आहे. हा प्रकल्प १,१६० हेक्टर क्षेत्र व्यापतो आणि पाच टप्प्यात पूर्ण करण्याचे नियोजन आहे. …अधिक वाचा
डोंबिवलीत विषारी साप चावल्याने बालिका व महिलेचा मृत्यू; दोषी डाॅक्टरांवर सदोष मनुष्यवधाचा गुन्हा दाखल करण्याची मागणी
डोंबिवलीजवळील ठाकुर्ली खंबाळपाडा येथे आपल्या नातेवाईकांकडे आईसह गेलेल्या साडे चार वर्ष वयाच्या प्राणवी विक्की भोईर (४) या बालिकेला आणि तिची मावशी श्रृती अनिल ठाकूर (२४) यांना रविवारी रात्री झोपेत असताना मण्यार जातीचा विषारी साप चावला. …सविस्तर बातमी
नाशिकहून गुजरात, राजस्थान, हरियाणासाठी थेट रेल्वे… वाहतूकदार रेल्वेमंत्री अश्विनी वैष्णव यांना भेटणार
गुजरात, राजस्थान आणि हरियाणा येथे जाण्यासाठी नाशिकहून थेट रेल्वेसेवा उपलब्ध करुन देण्याची मागणी प्रवासी संघटनांच्या वतीने करण्यात आली आहे.
…अधिक वाचा
पुरामुळे केळीची बाग भुईसपाट झाली… डोक्यावरील कर्जाच्या चिंतेने झोप उडाली !
जिल्ह्यात अतिवृष्टीसह पुराच्या पाण्यामुळे लाखो हेक्टरवरील पिकांचे नुकसान झाल्याने शेतकऱ्यांच्या मेहनतीवर पाणी फेरले आहे. नैसर्गिक आपत्तीचा केळी उत्पादकांनाही मोठा फटका बसला आहे. …सविस्तर वाचा