VIDEO : ‘मै समंदर हू लौट कर वापस आऊंगा..,’ विजयानंतर फडणवीसांचा भावनिक व्हिडिओ प्रसारित

देवेंद्र फडणवीस यांच्यावर असलेला लोकांचा विश्वास या शीर्षकाखाली हा व्हिडिओ तयार करण्यात आला आहे. व्हिडिओची सुरुवात २०१९ मधील विधानसभा निवडणुकीच्या निकालाचा दिवस असलेल्या २४ ऑक्टोबरपासून होते. यात त्यांना उद्धव ठाकरे यांनी कशाप्रकारे धोका दिला याची क्लिप दाखविण्यात आली आहे.

हेही वाचा – Gadchiroli Election Result 2024 : धर्मरावबाबांनी अहेरीचा गड राखला, गडचिरोलीत भाजपचे वर्चस्व; आरमोरीत काँग्रेसची मुसंडी

यानंतर ‘मेरा पानी उतरता देख, मेरे किनारे पर घर मत बसा लेना, मै समंदर हू लौट कर वापस आऊंगा..’ या वाक्यासह फडणवीस यांनी कशाप्रकारे राज्याच्या राजकारणात मेहनत केली याचे चित्रण करण्यात आले आहे. २०२२ मधील राज्यसभा निवडणूक २०२२ मध्ये फडणवीस यांनी विरोधकांना इशारा दिला होता.

‘माझ्याशी लढले तर ईश्वर सत्यानाश करतो’ असे फडणवीस बोलताना दिसतात. ३० जून २०२२ रोजी एकनाथ शिंदे यांच्या नेतृत्वाखाली सरकार बनविणे ते पुन्हा लोकसभा निवडणुकीत अपेक्षित विजय प्राप्त न करणे, असे अनेक उतार-चढाव यात दाखविण्यात आले आहे.

हेही वाचा – सिंदखेडराजात माजी मंत्री राजेंद्र शिंगणेंचा धक्कादायक पराभव; बुलढाण्यात संजय गायकवाड विजयी

‘मेरी हिम्मत को परखने की गुस्ताखी मत करना, पहले भी कही तुफानो का रूख मोड चुका हू..’ या वाक्यासह फडणवीस पुन्हा गर्जना करताना व्हिडिओमध्ये दिसतात. ‘सत्य परेशान हो सकता है, पराजित नही’ या वाक्यासह फडणवीस यांनी व्हिडिओच्या माध्यमातून राज्यातील मतदारांचे आभार मानले आहे. समाज माध्यमावर फडणवीस यांचा हा व्हिडिओ व्हायरल होत आहे.