नागपूर : मध्यप्रदेशातील रिवा व महाराष्ट्रातील पुणे दरम्यान नागपूर मार्गे नवीन एक्सप्रेस ३ ऑगस्टपासून धावणार आहे.२०१५१ पुणे ते रिवा एक्सप्रेस दर गुरुवारी १५.१५ वाजता पुणे स्थानकातून प्रस्थान करेल व दुसऱ्या दिवशी १७.३० वाजता रिवा स्थानकावर पोहोचेल. पुणे-रीवा साप्ताहिक एक्सप्रेस नागपूर स्थानकावर सायकाळी ५.२५ वाजता येईल.२०१५२ रिवा-पुणे दर बुधवारी ०६.४५ वाजता रिवा स्थानकातून प्रस्थान करेल व दुसऱ्या दिवशी ०९.४५ वाजता पुणे स्थानकावर पोहोचेल. रिवा ते पुणे साप्ताहिक सुपरफास्ट एक्सप्रेस नागपूरला सायकाळी ६.२० वाजता येईल.ही गाडी दौड कॉर्ड लाईन, अहमदनगर, कोपरगाव, मनमाड, भुसावळ, वर्धा, नागपूर, गोंदिया, बालाघाट, नैनपूर जबलपूर, कटनी व सतना या स्थानकावर थांबणार आहे.
महाराष्ट्रातील अहमदनगर, कोपरगाव, मनमाड, भुसावळ, नागपूर व गोंदिया तसेच मध्यप्रदेशातील बालाघाट, नैनपूर, जबलपूर, कटनी, सतना आदी रेल्वे स्थानकांवर ही गाडी थांबणार आहे. या गाडीला २ वातानुकूलित द्वितीय श्रेणी, ३ वातानुकूलित तृतीय श्रेणी, ३ इकोनॉमी वातानुकूलित तृतीय श्रेणी, ६ शयनयान, ४ सामान्य द्वितीय श्रेणी, १ द्वितीय आसन व्यवस्था असलेला गार्ड ब्रेक व्हॅन आणि १ जनरेटर व्हॅन असे एकूण २० डबे राहणार आहेत.
नागपूरच्या प्रवाशांसाठी पुण्यासाठी आणखी एक गाडी मिळाणार आहे.पुणे- रिवा दरम्यान नागपूर मार्गे नवीन एक्सप्रेस ट्रेन ३ ऑगस्टपासून धावणार असल्याने महाराष्ट्र व मध्य प्रदेशातील प्रवाशांना दिलासा मिळाला आहे.पुणे व रिवा दरम्यान नवीन एक्सप्रेस सुरू करण्याची मागणी अनेक वर्षांपासून होती. अखेर नवीन ट्रेन ३ ऑगस्टपासून धावणार असल्याने या विशेष ट्रेनचा लाभनागपूरच्या प्रवाशांना होणार आहे. दोन्ही राज्यांतील प्रवाशांना पर्यटन, शिक्षण व तीर्थयात्रेसाठी सहज प्रवासाची संधी मिळणार असून पुणे व रिवाचे लोकसभा सदस्यांनी केंद्रीय रेल्वे मंत्री अश्विनी वैष्णव यांनी पाठपुरावा केला होता.
सांस्कृतिक व शैक्षणिक दुवा जुळणार पुणे व रिवा दोन्ही शहरे केवळ ऐतिहासिकच नव्हे, तर शैक्षणिक आणि धार्मिकदृष्ट्याही महत्त्वाची आहेत. रेल्वे प्रशासनाने ही गाडी सुरू करताना विशेष दृष्टीकोन स्वीकारला आहे. पुणे हे एज्युकेशन हब आणि तीर्थक्षेत्रांसाठी प्रसिद्ध असून रिवा हे मध्यप्रदेशातील उभरते पर्यटन केंद्र मानले जाते. त्यामुळे या गाडीचा मार्ग केवळ प्रवासापुरता मर्यादित न राहता यातून सांस्कृतिक आणि शैक्षणिक दुवाही जोडला जाणार आहे.