PHOTOS : विदर्भास पुन्हा एकदा पावसाचा तडाखा

दोन दिवसांच्या विश्रांतीनंतर विदर्भात पून्हा एकदा मुसळधार पावसाला सुरुवात झाली आहे. प्रामुख्याने वर्धा जिल्ह्यातील काही तालुके पूराच्या तडाख्यात सापडले असून अनेक मार्ग बंद झाले आहेत. नागपूरसह विदर्भातील वर्धा, चंद्रपूर, यवतमाळ, अमरावती जिल्ह्यात शुक्रवारी रात्रीपासून पावसाने जोर धरला आहे. मागील संपूर्ण आठवडा तसेच या आठवड्यात देखील मंगळवारपर्यंत विदर्भ पूरमय झाला होता. गेले दोन दिवस पावसाने उसंत घेतल्याने हळूहळू पाणी ओसरण्यास सुरुवात झाली होती. मात्र, पाऊस पुन्हा परतल्याने नदीपरिसरातील नागरिकांना धडकी भरली आहे. वर्धा जिल्हा मुसळधार पावसामुळे दुसऱ्यांदा प्रभावित झाला आहे. शाळा पूर्ण पणे पाण्याने वेढल्या गेली आहे. समुद्रपूर वाशी मार्ग बंद पडला आहे. प्रशासन व स्थानिक नागरिक मदत व बचावकार्य करत आहे. वाघाडी मार्गावर पाणी आल्याने हा मार्ग वाहतुकीसाठी बंद झाला आहे. चंद्रपूर जिल्ह्यातही इरई धरणातून पाण्याचा विसर्ग सुरू झाला आहे. परिसरातील गावांना सतर्कतेचा इशारा देण्यात आला आहे