IPL Auction 2024 Highlights (December 19): आयपीएल २०२४ साठी खेळाडूंचा लिलाव दुबईत होत आहे. या लिलावात सर्व १० संघांची एकूण पर्स रक्कम २६२.९५ कोटी रुपये होती. या पर्समधून ७२ खेळाडू खरेदी करण्यात आले. आतापर्यंतच्या आयपीएल इतिहास मिचेल स्टार्क हा सर्वात महागडा खेळाडू ठरला आहे. त्याला कोलकाता नाईट रायडर्सने २४.७५ कोटी रुपयांना विकत घेतले. त्याचवेळी पॅट कमिन्सला सनरायझर्स हैदराबादने २०.५० कोटी रुपयांना विकत घेतले.
IPL Auction 2024 Highlights in Marathi: आयपीएल २०२४ साठी खेळाडूंचा लिलाव दुबईत होत आहे. या लिलावात सर्व १० संघांची एकूण पर्स रक्कम २६२.९५ कोटी रुपये होती. या पर्समधून ७२ खेळाडू खरेदी करण्यात आले.
श्रीलंकेच्या फिरकीपटूची मूळ किंमत दीड कोटी रुपये होती आणि हैदराबादने त्याचा आपल्या संघात समावेश केला. हसरंगावर इतर कोणत्याही संघाने बोली लावली नाही.
https://twitter.com/only__Cricket_/status/1737026768555401634
दुसरा सेट कॅप्ड अष्टपैलूंचा आहे. या संचामध्ये अशा खेळाडूंचा समावेश आहे ज्यांनी आपल्या देशासाठी किमान एक सामना खेळला आहे आणि ते बॉल आणि बॅट दोन्हीसह चमत्कार करण्यात पटाईत आहेत.
पहिल्या सेटमध्ये एकूण तीन खेळाडू विकले गेले. पॉवेलला राजस्थानने तर ब्रूकला दिल्लीने विकत घेतले. हैदराबादने ट्रॅव्हिस हेडला जोडले. पॉवेल हा आतापर्यंतचा सर्वात महागडा खेळाडू आहे. या सेटमध्ये चार खेळाडूंवर बोली लागली नाही, मात्र भविष्यात हे खेळाडू पुन्हा लिलावात येतील आणि त्यांच्यावर बोली लावता येईल.
स्टीव्ह स्मिथ पहिल्या फेरीत विकला गेला नाही. स्मिथने त्याची मूळ किंमत २ कोटी रुपये ठेवली होती. स्मिथ पहिल्या फेरीत विकला गेला नसला तरी. त्यावर नंतर बोली लावली जाऊ शकते.
मनीष पांडे आणि करुण नायर यांना खरेदीदार मिळाला नाही.
भारतीय खेळाडू करुण नायर अनसोल्ड राहिला. त्याची मूळ किंमत 50 लाख रुपये होती. मनीष पांडेही न विकला गेला. त्याची मूळ किंमत 50 लाख रुपये होती. आता पुढच्या सेटच्या आधी एक छोटा ब्रेक घेण्यात आला आहे.
चेन्नई आणि हैदराबादने ट्रॅव्हिस हेडवर बोला लावून धरली होती. अखेर सनरायझर्स हैदराबादने त्याला ६.८ कोटी रुपयांना विकत घेतले. हेडने वर्ल्ड कप फायनलमध्ये शतक झळकावून ऑस्ट्रेलियाला चॅम्पियन बनवले होते.
हॅरी ब्रूकला दिल्ली कॅपिटल्सने 4 कोटींना विकत घेतले. ब्रुकची मूळ किंमत 2 कोटी रुपये होती. राजस्थान रॉयल्सलाही ब्रुकला विकत घ्यायचे होते. ते शेवटपर्यंत बोली लावत राहिले. मात्र 3.80 कोटी रुपयांनंतर किंमत वाढवण्यात आली नाही.
दक्षिण आफ्रिकेचा फलंदाज रिले रुसो न विकला गेला. त्याची मूळ किंमत २ कोटी रुपये होती. आता इंग्लंडचा फलंदाज हॅरी ब्रूकवर बोली लावली जात आहे. ब्रुकची मूळ किंमत 2 कोटी रुपये आहे.
आयपीएल लिलावाची पहिली बोली वेस्ट इंडिजचा खेळाडू रोव्हमन पॉवेलवर लावण्यात आली होती. राजस्थान रॉयल्सने त्याला मूळ किमतीपेक्षा 7 पट अधिक किंमतीत खरेदी केले. राजस्थानने पॉवेलला 7.40 कोटी रुपयांना खरेदी केले. त्याची मूळ किंमत एक कोटी रुपये होती.
आयपीएल 2024 चा लिलाव सुरु झाला आहे. आयपीएलचे अध्यक्ष अरुण धुमाळ दुबईतील कोका कोला एरिना येथे सर्व 10 संघांना संबोधित करत आहेत.
प्रथम सेट कॅप्ड बॅटर्स
70 खेळाडूंचा 10 वेगवेगळ्या सेटमध्ये लिलाव होणार आहे. पहिला सेट कर्णधार फलंदाजांचा असेल. म्हणजेच ज्या फलंदाजांनी आपल्या देशासाठी किमान एक सामना खेळला आहे.
https://twitter.com/cricloversarvsh/status/1737016318099173649
आयपीएल २०२४ चा लिलाव लवकरच सुरु होणार आहे. सीएसकेचा कर्णधार महेंद्रसिंग धोनीही दुबईला पोहोचला आहे. ऋषभ पंत दिल्ली कॅपिटल्स संघाच्या टेबलवर दिसणार आहे.
https://twitter.com/Politiflicsport/status/1737016299065413796
ऋषभ पंत आणि गौतम गंभीर लिलावापूर्वी दिसले. गंभीरसोबत पंतही दुबईला पोहोचला आहे. हे दोघेही लखनौ सुपर जायंट्सचे चेअरपर्सन संजीव गोयंका यांच्यासोबत दिसले. लखनऊ सुपर जायंट्सने इंस्टाग्रामवर एक फोटोही शेअर केला आहे.
आयपीएल २०२४चा लिलाव थोड्याच वेळात सुरू होणार आहे. त्याच्या पहिल्या सेटमध्ये हॅरी ब्रूक, ट्रॅव्हिस हेड, करुण नायर, मनीष पांडे, रोव्हमन पॉवेल, रिले रुसो आणि स्टीव्ह स्मिथ आहेत. ब्रुक, हेड, स्मिथ आणि रुसो यांची मूळ किंमत दोन कोटी रुपये आहे.
https://twitter.com/RahulkumarDeka/status/1737013572251840525
दुबईतील कोका कोला एरिना येथे खेळाडूंच्या लिलावाची तयारी पूर्ण झाली आहे. सर्व फ्रँचायझींचे प्रतिनिधी लिलावाच्या ठिकाणी पोहोचले असून लवकरच लिलाव सुरू होणार आहे.
दरवर्षी आयपीएल लिलावात काही युवा खेळाडूंचे नशीब चमकते आणि ते श्रीमंत होतात. यंदाही हेच होणार हे नक्की. यावेळी अर्शिन कुलकर्णी आणि उर्विल पटेल या खेळाडूंचे नशीब चमकू शकते. शुभम दुबे, मुशीर खान, समीर रिझवी, कुमार कुशाग्रा हे खेळाडू करोडपती होऊ शकतात.
यंदाच्या खेळाडू लिलावात सर्वाधिक बोलीसाठी ऑस्ट्रेलियाचा डावखुरा वेगवान गोलंदाज मिचेल स्टार्क, ऑस्ट्रेलियाचा कर्णधार पॅट कमिन्स आणि न्यूझीलंडचा अष्टपैलू रचिन रवींद्र हे तीन प्रमुख दावेदार आहेत.
विश्लेषण : स्टार्क, रचिन की अन्य कोणी… ‘आयपीएल’ लिलावात कोण ठरणार सर्वांत महागडा खेळाडू? कोणत्या संघाकडे किती रक्कम शिल्लक?
आयपीएलच्या कोणत्याही संघात भारतीय यष्टीरक्षक महत्त्वाची भूमिका बजावतो. तीन फ्रँचायझी आहेत ज्यांना भारतीय यष्टीरक्षकाची नितांत गरज आहे, जाणून घ्या.
आयपीएल २०२४साठी खेळाडूंचा लिलाव दुबईत होत आहे. या लिलावात सर्व १० संघांची एकूण २६२.९५ कोटी रुपये आहेत आणि या पर्समधून जास्तीत जास्त ७७ खेळाडू खरेदी करता येतील. गुजरातमध्ये सर्वाधिक ३८.१५ कोटी रुपये आणि लखनऊमध्ये सर्वात कमी १३.१५ कोटी रुपये आहेत.
IPL 2024 Auction : लिलावापूर्वी कोणत्या संघाकडे किती रक्कम आणि जागा शिल्लक? पाहा संपूर्ण यादी
या लिलावात प्रत्येक संघाचे मालक सहभागी होतील. यामध्ये हैदराबादची काव्या मारन, पंजाबी प्रीती झिंटा आणि कोलकाताची सुहाना खान यांचा समावेश आहे. या सेलिब्रिटींच्या आगमनाने लिलावात ग्लॅमरचीही भर पडेल.
IPL 2024 Auction: काव्या मारन ते जुही चावलाच्या मुलीपर्यंत, लिलावात प्रत्येक फ्रँचायझीची कोणती व्यक्ती हजर राहणार? जाणून घ्या
आयपीएल लिलाव भारतीय वेळेनुसार दुपारी १.०० वाजता सुरू होईल. हे स्टार स्पोर्ट्स नेटवर्कवर टीव्हीवर पाहता येईल. त्याच वेळी, जिओ सिनेमा अ‍ॅपवर मोबाइलवर त्याचे लाईव्ह स्ट्रीमिंग पाहता येईल.
IPL 2024 Auction: आयपीएल २०२४ लिलाव प्रथमच भारताबाहेर; तुम्ही ते थेट विनामूल्य पाहू शकता केव्हा, कधी आणि कुठे? जाणून घ्या
या लिलावात चेन्नई अंबाती रायुडू आणि बेन स्टोक्सला पर्याय शोधण्याचा प्रयत्न करणार आहे. त्याचबरोबर गुजरातला हार्दिक पंड्याच्या जागी एका उत्कृष्ट अष्टपैलू खेळाडूची गरज आहे. या लिलावापूर्वी प्रत्येक संघाची स्थिती काय आहे. त्यांच्याकडे किती खेळाडू रिकामे आहेत आणि त्यांच्या पर्समध्ये किती पैसे आहेत?
IPL 2024 Auction: आयपीएल लिलावात सर्वात महाग कोण विकले जाईल अन् कोण अनसोल्ड राहणार? माजी SRH प्रशिक्षकाने वर्तवला अंदाज
भारतीय क्रिकेट नियामक मंडळाने (BCCI) मल्लिका सागरची इंडियन प्रीमियर लीग २०२४च्या खेळाडूंच्या लिलावासाठी लिलावकर्ता म्हणून नियुक्ती केली आहे. आयपीएल २०२४चा लिलाव १९ डिसेंबर रोजी दुबईतील कोकाकोला एरिना येथे होणार आहे. यंदाच्या महिला प्रीमियर लीगच्या लिलावात मलिष्का सागरचाही मोठा वाटा होता. यापूर्वी बीसीसीआय आयपीएल लिलावासाठी चारू शर्मा, रिचर्ड मॅडले किंवा ह्यू अ‍ॅडम्स हे लिलावकर्त्याची भूमिका बजावत होते.
IPL 2024: कोण आहे मल्लिका सागर? आयपीएल लिलावात साकारणार लिलावकर्त्याची भूमिका, जाणून घ्या
भारतीय संघाचा स्टार यष्टीरक्षक फलंदाज आणि दिल्ली कॅपिटल्सचा कर्णधार ऋषभ पंत यावेळी लिलावात एका वेगळ्या भूमिकेत दिसणार आहे. यावेळी पंतचे सहकारी लिलावाचा भाग आहेत आणि अनेक फ्रँचायझी त्यांच्यावर दाव लावतील. लिलावात ऋषभ पंत स्वतः दिल्ली कॅपिटल्सच्या टेबलावर बसून खेळाडूंवर बोली लावणार आहे. या भूमिकेत दिसणारा तो सर्वात तरुण भारतीय क्रिकेटपटू असणार आहे. सहसा खेळाडू निवृत्तीनंतर या भूमिकेत दिसतात.
इंडियन प्रीमियर लीगच्या २०२४ हंगामासाठी मंगळवारी दुबईतील कोका-कोला एरिना येथे लिलाव होणार आहे. या कालावधीत एकूण ३३३ खेळाडूंचा लिलाव होणार आहे, तर संघांना ७७ स्लॉट आहेत, त्यापैकी ३० विदेशी खेळाडूंसाठी राखीव आहेत. २३ खेळाडूंनी २ कोटी रुपयांच्या ब्रॅकेटमध्ये स्वतःची नोंदणी केली आहे, तर १३ खेळाडूंनी १.५ कोटी रुपयांच्या स्लॉटमध्ये राहणे पसंत केले आहे. ३३३ खेळाडूंपैकी २१४ भारतीय आणि ११९ विदेशी खेळाडू आहेत, ज्यात दोन सहयोगी देशांचा समावेश आहे. कॅप्ड खेळाडूंची एकूण संख्या ११६ आहे, तर अनकॅप्ड खेळाडूंची संख्या २१५ आहे.