Maharashtra News Updates, 27 October 2025 : आगामी महापालिका निवडणूकीच्या पार्श्वभूमीवर राजकीय वातावरण तापण्यास सुरूवात झाली आहे. सत्ताधारी आणि विरोधक यांच्यात रस्सीखेंच पाहायला मिळत आहे. तसेच फलटणच्या जिल्हा उपरुग्णालयात काम करणाऱ्या एका डॉक्टर तरुणीने तीन दिवसांपूर्वी आत्महत्या केली होती. या प्रकरणात देखील आरोप-प्रत्यारोप होताना दिसत आहेत. याबरोबरच मागील आठवडाभरापासून विदर्भ, मराठवाड्याच्या काही भागांसह उत्तर महाराष्ट्र, कोकणात मुसळधार पाऊस कोसळत आहे. पुढील दोन ते तीन दिवस राज्यातील अनेक भागांत वादळी वाऱ्यासह पावसाची शक्यता आहे. या आणि इतरही राजकीय आणि गुन्हेगारी संबंधीत घडामोडींचा आढावा आपण घेणार आहोत.
Maharashtra Weather Today Live Updates : राज्यातील सर्व महत्त्वाच्या घडामोडी वाचा एका क्लिकवर
शहापूरच्या कन्येची इस्त्रोमध्ये झेप; परिवहन मंत्री, परिवहन विभागाकडून सन्मान
बालभारतीकडून पुस्तकांसाठी निकृष्ट दर्जाच्या कागदाचा वापर; जनहित याचिकेद्वारे आरोप, तातडीच्या सुनावणीस न्यायालयाचा नकार
शिक्षक म्हणून करिअर घडविण्याची इच्छा? मग, ही संधी तुमच्यासाठीच…
मुंबईत भाजपा कार्यालयाचे भूमिपूजन; रोहित पवारांनी मागितले स्पष्टीकरण
“राज्यात जमीन घोटाळे जोमात असताना आज मुंबईत भूमिपूजन होत असलेल्या भाजपा कार्यालयाच्या जागेबाबत देखील वेगवेगळ्या चर्चा सुरु आहेत. सदरील जागा महाराष्ट्र हौसिंग फायनान्स कॉर्पोरेशन ची ९९ वर्ष लीजवर घेतलेली जागा असून इमारत धोकादायक आहे असे दाखवून ती ताब्यात घेऊन पाडण्यात आली आणि त्या ठिकाणी भाजपा कार्यालयाचे भूमिपूजन होत असल्याची चर्चा आहे. एकीकडे पुण्यातील जैन बोर्डिंग प्रकरणात मोठ्या प्रमाणात रोष असताना भाजपा कार्यालयाच्या जागेबाबतच चर्चा सुरु असतील तर जनतेत चुकीचा संदेश जाऊ शकतो, त्यामुळे भाजपा नेत्यांनी यावर खुलासा करणे योग्य राहील, ” असे रोहित पवार म्हणाले आहेत.
राज्यात जमीन घोटाळे जोमात असताना आज मुंबईत भूमिपूजन होत असलेल्या भाजपा कार्यालयाच्या जागेबाबत देखील वेगवेगळ्या चर्चा सुरु आहेत. सदरील जागा महाराष्ट्र हौसिंग फायनान्स कॉर्पोरेशन ची ९९ वर्ष लीजवर घेतलेली जागा असून इमारत धोकादायक आहे असे दाखवून ती ताब्यात घेऊन पाडण्यात आली आणि त्या… pic.twitter.com/iGDlJE5CuZ
— Rohit Pawar (@RRPSpeaks) October 27, 2025
चंद्रपूर : कापसी कालवा नुतनीकरणात १० कोटींचे नुकसान; कंत्राटदाराच्या फायद्यासाठी अधिकाऱ्यांनी चक्क…
CIDCO: सिडकोच्या स्वप्नपूर्ती घरातील नागरिकांची स्वप्न पाण्यात….! ऐन दिवाळीत नागरिकांचे पाण्यावाचून हाल
जळगाव : पालकमंत्री गुलाबराव पाटील यांच्या स्वप्नातील रिंग रोड खड्ड्यात…!
‘‘सध्या मराठीकडे दुर्लक्ष’’ भाजपच्याच खासदार असे का म्हणाल्या ?
ठाण्यात शरद पवार गटाच्या जिल्हाध्यक्षांचे खुले आव्हान, म्हणाले, “आम्हाला सोडून गेलेल्यांचे पानिपत केल्याशिवाय…’’
कुसुमाग्रज प्रतिष्ठानचा कारभार एकचालकानुवर्ती…? विश्वस्त मंडळाच्या सभांवर सल्लागारांचा अंकुश
‘FTII’च्या प्रवेश प्रक्रियेत गोंधळ ? विद्यार्थ्यांनी केली मोठी मागणी
Panvel-Karjat Railway: पनवेल- कर्जत रेल्वे मार्ग केव्हा होणार सुरु, किती काम पूर्ण वाचा
लोंढे टोळीतील अकराव्या संशयिताला अटक – सातपूर गोळीबार प्रकरण
धंगेकर यांची भूमिका भाजपविरोधात नाही; उपमुख्यमंत्री एकनाथ शिंदे यांची स्पष्टोक्ती
Pune Noise Pollution: दिवाळीत फटाक्यांचा आवाज जास्तच! गेल्या वर्षीच्या तुलनेत ध्वनिप्रदूषणात मोठी वाढ
Pune Air Pollution : दिवाळीत वायुप्रदूषण कमी की जास्त?
भाजपाचे नेते आणि केंद्रीय गृहमंत्री अमित शाह आज मुंबईतील भाजपा कार्यालयाचे भूमिपूजन करणार आहेत. या पार्श्वभूमीवर संजय राऊत यांनी मोठा दावा केला आहे. अमित शाह मुंबईला येत आहेत ते भारतीय जनता पक्षाच्या नवीन कार्यालयाचे भूमिपूजन करण्यासाठी येत आहेत. समुद्रासमोर मरिन लाईन्सला भव्य आलीशान कार्यालय उभारण्याचे त्यांनी ठरवलं आहे. हजारो स्क्वेअर फूटचे ते कार्यालय आहे. प्रश्न इतका आहे की मरिन लाईन्सला अद्याप मराठी भाषा भवन होऊ शकलं नाही. भूमिपूजन होईन देखील मराठी भवन अडकून पडलं आहे. पण आज गृहमंत्री एका पंचतारांकित कार्यालयाचे भूमिपूजन करण्यासाठी येत आहेत. त्यांचे स्वागत आहे, असे राऊत म्हणाले.
मी अमित शाहांना किती वेगाने काम केलं जात आहे याबद्दल पत्र लिहिलं आहे. राफेलच्या वेगाने फाईल हलतेय आणि काही तासांमध्ये सर्व अडथळे दूर करून ती महापालिकेची जागा भारतीय जनता पक्षाला देण्यात आली. साडेतीन वर्ष मुंबई महापालिकेत प्रशासन आहे. त्या प्रशासकाच्या माध्यमातून हा संपूर्ण व्यवहार करून घेतला. महापालिकेत नागरी सुविधांच्या फायली हालत नाहीत. मराठवाड्यातील शेतकऱ्यांच्या मदतीची फाईल हललेली नाही. पण भारतीय जनता पक्षाच्या पंचतारांकित हेडक्वार्टरची फाईल ज्या राफेलच्या वेगाने हलली ते रहस्य त्या जमिनीखाली दडलेलं आहे. त्याचं भूमिपूजन अमित शाह करत आहेत.
संजय राऊत पुढे म्हणाले की, अमित शाह जेव्हा कुदळ मारतील तेव्हा ते रहस्य बाहेर येईल. मी फक्त देशाचे गृहमंत्री अमित शाह यांना कळवल आहे की तुम्ही जी कुदळ मारत आहात त्याचं सहस्य समजून घ्या. आपण ज्या जमिनीवर भूमिपूजनाची कुदळ मारताय त्या जमिनीखाली महाराष्ट्रातील भाजपा नेत्यांनी पुरलेलं कोणतं रहस्य आहे याचा अभ्यास त्यांनी करावा अशी माझी मागणी आहे असे संजय राऊत म्हणाले.
प्रिय श्री अमित शाहाजी
— Sanjay Raut (@rautsanjay61) October 27, 2025
जय महाराष्ट्र,
आज आपण ज्या भा ज पा कार्यालयाचे भूमीपूजन करणार आहात त्या जमिनीखाली काय रहस्य आहे याची माहिती सादर करीत आहे.
@AmitShah
@Dev_Fadnavis
@anjali_damania
@AUThackeray pic.twitter.com/hFzyDayCSp