Navi Mumbai International Airport Inauguration Highlights: पंतप्रधान मोदींनी दिबा पाटील यांचा केला उल्लेख; म्हणाले, “त्यांचे काम…”

Atul Patil on Navi Mumbai International Airport Inauguration नवी मुंबई आंतरराष्ट्रीय विमानतळाच्या उद्धाटनासाठी पंतप्रधान नरेंद्र मोदी आज नवी मुंबईत येत आहेत. या विमानतळाला लोकनेते दि.बा.पाटील यांचे नाव मिळावे यासाठी गेली अनेक वर्ष ठाणे, रायगड, पालघर जिल्ह्यातील भूमीपुत्र आणि प्रकल्पग्रस्तांचे आंदोलन सुरु आहे. वाचा सविस्तर वृत्त

नवी मुंबई विमानतळाला ठाणे, रायगड, पालघर पट्ट्यातील भूमिपुत्रांचे नेते दिवंगत दि. बा. पाटील यांचे नाव देण्यात यावे यासाठी मोठे आंदोलन उभे राहिले होते. त्यामुळे या नावाचा प्रस्ताव मुख्यमंत्री देवेंद्र फडणवीस यांनी पंतप्रधान नरेंद्र मोदी यांच्याकडे पाठवला होता. केंद्र सरकारही नावाबाबत सकारात्मक असल्याचे सांगण्यात आले. मात्र अद्याप याची औपचारिक घोषणा झाली नव्हती.

मात्र आज विमानतळ उदघाटनापूर्वी विमानतळ परिसरात दि. बा. पाटील यांच्या नावाचे फलक आणि कमानी दिसून आली आहे. त्यामुळे दि. बा. पाटील यांचे नाव दिल्याची चर्चा आहे. मात्र औपचारिक घोषणा पंतप्रधान नरेंद्र मोदी यांनी उदघाटन केल्यानंतर होईल, असे सांगितले जाते.