MVA Manifesto : भाजपा पाठोपाठ महाविकास आघाडीचा जाहीरनामा प्रकाशित, केल्या ‘या’ मोठ्या घोषणा

महाविकास आघाडीतील प्रमुख नेत्यांनी आज महाराष्ट्र विधानसभा निवडणुकीसाठीचा जाहीरनामा प्रकाशित केला आहे. काँग्रेसचे अध्यक्ष आणि नेते मल्लिकार्जुन खरगे यांची प्रमुख उपस्थिती यावेळी पाहायला मिळाली. नुकताच भाजपानेही त्यांचा जाहीरनामा प्रकाशित केला आहे. महाविकास आघाडीच्या जाहीरनाम्यात काही मोठ्या घोषणा करण्यात आल्या त्याबद्दल जाणून घेऊया. महिलांसाठी शक्ती कायद्याची अंमलबजावणी, राज्यभरात महिलांना बस प्रवास मोफत, मासिक पाळीत महिलांना दोन दिवस सुट्टी, महालक्ष्मी योजनेअंतर्गत महिलांना महिन्याला ३००० रूपये देणार सुशिक्षित बेरोजगारांना महिन्याला ४००० रूपये भत्ता देणार, राज्य सरकारच्या अडीच लाख जागांची भरती करणार, एमपीएससीचे वेळापत्रक जाहीर करुन ४५ दिवसांत निकाल संजय गांधी निराधार योजनेतून २००० रुपये, शिवभोजन थाळी केंद्रांची संख्या वाढवणार, सुक्ष्म व लघू उद्योगांसाठी स्वतंत्र मंत्रालय ६ गॅस सिलेंडर प्रत्येक ५०० रुपयांत देणार, ३०० युनिट वापरणाऱ्यांचे १०० युनिटचे बील माफ करणार, शेतकऱ्यांचे ३ लाखांपर्यंतचे कर्ज माफ करणार सरकारी कर्मचाऱ्यांना जुनी पेन्शन योजना, सरकारी रुग्णालयात मोफत औषध उपलब्ध करणार, २५ लाखांची आरोग्य विमा योजना लागू करणार त्यामुळे आता महायुती आणि महाविकास आघाडी या दोघांच्या जाहीरनाम्यातील कोणत्या गोष्टी मतदारांना भावणार आणि मतदार कोणाच्या पारड्यात आपले मत टाकणार हे येणाऱ्या २३ नोव्हेंबर रोजी निकालातून स्पष्ट होईल. (सर्व फोटो लोकसत्ता संग्रहित)हेही पाहा - BJP Manifesto : भाजपाच्या जाहीरनाम्यातील ‘या’ मुद्द्यांनी वेधलं लक्ष, केंद्रीय गृहमंत्री अमित शहांच्या उपस्थितीत प्रकाशन