Pahalgam Terror Attack Updates : पहलगाम हल्ल्यातील दहशतवाद्यांची माहिती देणाऱ्याला मिळणार २० लाख रुपयांचे बक्षीस

अनंतनाग पोलिसांनी बुधवारी पहलगाम हल्ल्यात सहभागी असलेल्या दहशतवाद्यांची माहिती देणाऱ्याला २० लाख रुपयांचे रोख बक्षीस जाहीर केले. या हल्ल्यात २६ जणांचा मृत्यू झाला होता, ज्यामध्ये बहुतेक पर्यटक होते.

पहलगाम दहशतवादी हल्ल्यानंतर केंद्र सरकारने मोठे निर्णय घेतले असून, भारताचे परराष्ट्र सचिव विक्रम मिस्री यांनी पत्रकार परिषदेत सांगितले की, “भारत आणि पाकिस्तानमधील सिंधू नदी पाणी करार स्थगित करण्यात आला आहे. अटारी बॉर्डर देखील बंद करण्यात आली आहे. यासोबतच पाकिस्तानी नागरिकांना ४८ तासांच्या आत भारत सोडण्याचे आदेश देण्यात आले आहेत.”

राष्ट्रीय स्वयंसेवक संघाचे नेते सुनील आंबेकर यांनी बुधवारी म्हटले आहे की, “पहलगाम दहशतवादी हल्ल्यासाठी जबाबदार असलेल्यांना कठोरात कठोर शिक्षा झाली पाहिजे. मला विश्वास आहे की केंद्र सरकार योग्य पावले उचलत आहे.”

जम्मू आणि काश्मीरमधील पहलगाम येथे झालेल्या दहशतवादी हल्ल्यानंतर, पंतप्रधान नरेंद्र मोदी यांच्या नवी दिल्ली येथील अधिकृत निवासस्थानी सुरक्षा विषयक कॅबिनेट समितीच्या (सीसीएस) उच्चस्तरीय बैठकीला सुरुवात झाली आहे.

सरकार आवश्यक ती सर्व पावले उचलेल असे आश्वासन देशवासीयांना देत संरक्षण मंत्री राजनाथ सिंह म्हटले की, “काल, पहलगाममध्ये, एका विशिष्ट धर्माला लक्ष्य करून, दहशतवाद्यांनी एक भ्याड कृत्य केले, ज्यामध्ये अनेक निष्पाप लोकांनी प्राण गमावले. आरोपींना लवकरच जोरदार आणि स्पष्ट उत्तर मिळेल, असे आश्वासन मी देशाला देऊ इच्छितो.”

Mohammad Hafeez: पहलगाम दहशतवादी हल्ल्यातील मृतांबाबत शोक व्यक्त करणारा हाफिज हा आतापर्यंतचा एकमेव पाकिस्तानी क्रिकेटपटू आहे. त्याच्या व्यतिरिक्त इतर कोणत्याही पाकिस्तानी खेळाडूने या हल्ल्याबाबत प्रतिक्रिया दिली नाही. …सविस्तर वाचा

आज केंद्रीय गृहमंत्री अमित शाह पहलगाम येथे पोहचले. घटनास्थळाची पाहणी केल्यानंतर त्यांनी दहशतवादी हल्ल्यात ज्यांचा मृत्यू झाला आहे त्यांच्या कुटुंबीयांची भेट घेतली व त्यांचं सांत्वन केलं. यावेळी अमित शाहांना पाहून मृतांच्या नातेवाईकांनी त्यांच्यासमोर टाहो फोडला. “आम्हाला न्याय हवाय” असं म्हणत असताना अनेकांना अश्रू अनावर झाले होते. त्यानंतर शाह म्हणाले, मृतांच्या कुटुंबीयांना झालेलं दुःख हे शब्दांत मांडता येणार नाही, मी शब्द देतो ज्यांनी निष्पाप जीव घेतले त्यांच्यापैकी एकालाही आम्ही सोडणार नाही.

Jammu and Kashmir Terror Attack Updates : जळगावच्या रेखा वाघुळदे, रेणुका भोगे, अनिता चौधरी या काही महिला गोळीबाराच्या दिवशी पहेलगाम येथेच होत्या. त्यांना लष्कराने वेळीच सुरक्षितस्थळी हलविल्याने कोणतीच इजा पोहोचली नाही. …वाचा सविस्तर

Jammu and Kashmir Terror Attack Updates : या भ्याड हल्ल्याला अनेकांनी अमानवी कृत्य संबोधलं आहे. हल्लेखोरांनी पर्यटकांना त्यांचं नाव विचारून त्यांच्यावर त्यांच्या नातेवाईकांसमोर गोळ्या झाडल्या. या कृत्यामुळे देशभरातून संताप व्यक्त केला जातोय. यावर आता एआयएमआयएमचे प्रमुख असदुद्दीन ओवैसी यांनीही प्रतिक्रिया दिली आहे. …सविस्तर बातमी

Jammu and Kashmir Terror Attack Updates : या तिन्ही दहशतवाद्यांची ओळख पटली असून आसिफ फुजी, सुलेमान शाह आणि अबू तल्हा अशी त्यांची नावे आहेत …सविस्तर वाचा

Jammu and Kashmir Terror Attack Updates : कटरा येथील बहुतेक हॉटेलमध्ये जागाच उपलब्ध नाहीत. त्यातच घोडेवाले आणि डोलीवाले संपात सहभागी झाले आहेत. …वाचा सविस्तर

गुप्तचर यंत्रणांच्या हवाल्याने सूत्रांनी दिलेल्या माहितीनुसार दी रेजिस्टन्ट फ्रंटच्या म्होरक्याने पहलगाम हल्ल्याचा कट रचला होता. पाकव्याप्त काश्मीरमधील दोन साथीदारांच्या मदतीने त्याने हा कट पूर्ण केला. या दी रेजिस्टन्ट फ्रंटच्या म्होरक्याचं नाव सैफुल्लाह कसुरी उर्फ खालीद उर्फ सैफुल्लाह साजिद जट्ट असं आहे.

Kashmir Terrorist Attack : संजय राऊत म्हणाले, पंतप्रधान नरेंद्र मोदी म्हणाले होते की नोटबंदीनंतर जम्मू-काश्मीरमधील दहशतवाद पूर्णपणे संपेल. मात्र त्याच्या उलट घडतंय. …वाचा सविस्तर

Jammu and Kashmir Terror Attack Updates : जम्मू-श्रीनगर राष्ट्रीय महामार्ग १ ए बंद करण्यात आल्यामुळे जम्मूच्या दिशेने जाणारी सर्वच वाहने मुघल रोडमार्गे रवाना होत होती. त्यामुळे वाहतूक कोंडी होऊन पर्यटकांना प्रचंड त्रास सहन करावा लागला. …वाचा सविस्तर

पहलगाममधील दहशतवादी हल्ल्याशी पाकिस्तानचा काहीही संबंध नसल्याचं स्पष्टीकरण पाकिस्तानने दिलं आहे. पाकिस्तानचे संरक्षण मंत्री ख्वाजा आसिफ यांनी भारतावरच पाकिस्तानात अशांतता पसरवल्याचा आरोप केला आहे.

WorldWide Reaction on Jammu and Kashmir Terror Attack Updates : या भ्याड हल्ल्याचा भारतीयांनी तीव्र निषेध केलेला असताना जगभरातूनही प्रतिक्रिया उमटू लागल्या आहेत. अनेक जागतिक नेत्यांनी या हल्ल्याचा निषेध नोंदवला असून याप्रकरणी भारतासोबत असल्याची प्रतिक्रिया व्यक्तकेली आहे. …अधिक वाचा

Jammu and Kashmir Terror Attack Updates : सत्ताधारी पीएमएल-एन पक्षाचे वरिष्ठ नेते आणि पंतप्रधान शेहबाज शरीफ यांचे जवळचे सहकारी आसिफ यांनी हल्ल्याची जबाबदारी फेटाळून लावताना या हल्ल्यासाठी भारतालाच जबाबदार धरलं आहे. …सविस्तर बातमी

संजय राऊत म्हणाले, अमित शाहांसाठी शेकडो सशस्त्र जवान श्रीनगरमध्ये होते, मात्र सामान्य जनतेच्या सुरक्षेसाठी एकही सुरक्षारक्षक नव्हता. हे सगळं का झालं? कारण मोदी सरकारने भारतीय सैन्यदलातील दोन लाख रिक्त पदे भरलेली नाहीत. संरक्षण विभागाच्या बजेटमध्ये त्यांनी कपात केली आहे. संरक्षण विभागासाठी वापरले जाणारे पैसे मोदी सरकारने लाडली बहन योजनेसारख्या लोकांना थेट पैसे देणाऱ्या योजनांवर वळवले आहेत. असं करून हे मोदी सरकार आपल्या सर्वांच्या सुरक्षेशी खेळतंय.

संजय राऊत म्हणाले, पहलगामध्ये दहशतवाद्यांनी हल्ला केला. या हल्ल्यात देशभरातील पर्यटकांना त्यांनी ठार मारलं आहे. यामध्ये महाराष्ट्रातील सहा जण होते. मोदी सरकारने काश्मीरवर स्वतःचं नियंत्रण ठेवण्यासाठी काश्मीरचं कलम ३७० हटवलं, जम्मू-काश्मीरला केंद्रशासित प्रदेश बनवलं. त्यामुळे काल पहलगाममध्ये जो दहशतवादी हल्ला झाला त्याची पूर्ण जबाबदारी ही केंद्र सरकारची आहे.

Jammu and Kashmir Terror Attack Updates : पहलगाम दहशतवादी हल्ल्यात मृत्यूमुखी पडलेल्या पर्यटकांमध्ये देशाच्या विविध भागातून आलेल्या व्यक्तींचा समावेश आहे. …सविस्तर बातमी

Jammu and Kashmir Terror Attack Updates : “उद्या नियोजित १० टूरपैकी सात टूर आधीच रद्द करण्यात आले आहेत,” असे हँगआउट हॉलिडेज काश्मीर चालवणारे ३६ वर्षीय फुरकान बशीर म्हणाले. …सविस्तर बातमी

पहलगाम दहशतवादी हल्ल्याचे जम्मू-काश्मीरमध्ये तीव्र पडसाद, अनेक भागांत जाळपोळ; शाळा, महाविद्यालये आणि रस्त्यावरची वाहतूक बंद

See more

VIDEO | Pahalgam Terror Attack: Locals burn tyres in Reasi, Jammu and Kashmir, to protest against the terror attack. Schools, colleges, and traffic remain shut across the region.

(Full video available on PTI Videos – https://t.co/n147TvrpG7) pic.twitter.com/rEL2dZBpbP

— Press Trust of India (@PTI_News) April 23, 2025

Jammu and Kashmir Terror Attack Updates: पहलगाममध्ये दहशतवादी हल्ला झाला तेव्हा नेमकं काय घडलं? …अधिक वाचा

जम्मू काश्मीरमधील पहलगाम येथील बैसरन टेकड्यांवरील घनदाट जंगलाने वेढलेल्या प्रशस्त मैदानात पर्यटक पर्यटनाचा आनंद लुटत असताना, अचानक दहशतवाद्यांनी या टेकड्यांवरील मैदानात पोलिसी वेशात मंगळवारी दुपारी प्रवेश केला. …अधिक वाचा

हल्ल्यानंतर पंतप्रधान नरेंद्र मोदींनी घेतली राष्ट्रीय सुरक्षा सल्लागार व परराष्ट्र मंत्र्यांची भेट, पहलगाम हल्ल्यासंदर्भात उच्चस्तरीय चर्चा; केंद्र सरकारकडून काय पावलं उचलली जाणार?

See more

STORY | PM Modi meets NSA, foreign minister following J-K terror attack

READ: https://t.co/qaTRktxPI6 pic.twitter.com/TXbAJ5LlIp

— Press Trust of India (@PTI_News) April 23, 2025

जम्मू काश्मीरमधील पहलगाम येथे झालेल्या दहशतवादी हल्ल्याचा महाराष्ट्र नवनिर्माण सेना तीव्र निषेध व्यक्त करत आहे. या घटनेत जे लोक मृत्यूमुखी पडले, त्यांना महाराष्ट्र नवनिर्माण सेनेची भावपूर्ण श्रद्धांजली… ही घटना अतिशय गंभीर आहे आणि या प्रसंगात सरकारच्या पाठीशी महाराष्ट्र नवनिर्माण सेना पूर्णपणे उभी राहील. केंद्र सरकारने या हल्लेखोरांचा आता असा बंदोबस्त करावा की या हल्लेखोरांच्या पुढच्या १० पिढ्यांच्या ते आठवून सुद्धा थरकाप उडायला हवा… १९७२ साली म्युनिक ऑलिम्पिकच्या वेळेस इस्रायली खेळाडूंवर पॅलेस्टिनी अतिरेक्यांनी हल्ला केला… यानंतर इस्रायलने या अतिरेक्यांना, या हल्ल्याच्या सूत्रधारांना अशा पद्धतीने मारलं होतं की पुढे दीर्घकाळ पॅलेस्टिनी लोकांच्या मनात दहशत बसली होती. भारताचे आणि इस्रायलचे संबंध उत्तम आहेत… केंद्र सरकार इस्रायल सरकारच्या पाऊलावर पाऊल टाकून या दहशतवाद्यांना आणि त्यांच्या मागच्या एकूण एक पाठीराख्याना कायमच संपवेल अशी अपेक्षा व्यक्त करतो. या हल्ल्याबद्दल वाचताना एक धक्कादायक गोष्ट समोर आली… एका प्रत्यक्षदर्शी महिलेने सांगितलं की हल्लेखोरांनी गोळ्या झाडताना समोरच्याच्या धर्म विचारला… ही तुमची मुजोरी ? मी अनेकदा माझ्या भाषणात म्हणतो तसं की या देशात आमच्या हिंदूंवर जर कोणी अंगावर याल तर आम्ही सगळे हिंदू म्हणून एकत्र येऊन तुमच्या अंगावर जाऊ… या हल्लेखोरांच्या मागचे सूत्रधार कुठेही लपले असू देत त्यांना आपली शक्ती काय आहे हे कळलंच पाहिजे… केंद्र सरकारने काश्मीरमधून ३७० कलम हटवलं. त्यानंतर सगळं जरा सुरळीत होत आहे आणि पर्यटकांचा ओघ वाढला आहे असं दिसत असताना, जर असा हल्ला झाला तर भविष्यात काश्मीरमध्ये जमीन विकत घेऊन, उद्योगधंदे कोण सुरु करेल ? त्यामुळे केंद्र सरकारने याचा विचार करून ठोस कृती आखावी…. हे सगळं करताना केंद्र सरकार कठोर होईल याबद्दल माझ्या मनात कुठलीच शंका नाहीये… आणि त्यांच्या मागे या देशातील सगळे राजकीय पक्ष उभे राहतील. सरकारने एकदाच काय तो दणका द्यावा, बाकीच्यांचं माहित नाही पण महाराष्ट्र नवनिर्माण सेना नक्की सरकारच्या सोबत असेल – राज ठाकरे, मनसे अध्यक्ष

See more

जम्मू काश्मीरमधील पहलगाम येथे झालेल्या दहशतवादी हल्ल्याचा महाराष्ट्र नवनिर्माण सेना तीव्र निषेध व्यक्त करत आहे. या घटनेत जे लोक मृत्यूमुखी पडले, त्यांना महाराष्ट्र नवनिर्माण सेनेची भावपूर्ण श्रद्धांजली…
ही घटना अतिशय गंभीर आहे आणि या प्रसंगात सरकारच्या पाठीशी महाराष्ट्र…

— Raj Thackeray (@RajThackeray) April 23, 2025

केंद्रीय गृहमंत्री अमित शाह, जम्मू-काश्मीरचे मुख्यमंत्री ओमर अब्दुल्लाह व जम्मू काश्मीर काँग्रेसचे अध्यक्ष तारीक कर्रा यांच्याशी पहलगाम दहशतवादी हल्ल्यासंदर्भात बोललो. तिथल्या परिस्थितीबाबत माहिती घेतली. या दहशतवादी हल्ल्यात मृत्यूमुखी पडलेल्या पर्यटकांच्या कुटुंबीयांना न्याय आणि त्यासाठी आपल्या सर्वांचा पूर्ण पाठिंबा मिळणं आवश्यक आहे.

See more

Spoke with HM Amit Shah, J&K CM Omar Abdullah, and J&K PCC President Tariq Karra about the horrific Pahalgam terror attack. Received an update on the situation.

The families of victims deserve justice and our fullest support.

— Rahul Gandhi (@RahulGandhi) April 23, 2025

उत्तर प्रदेश पोलीस हाय अलर्टवर, पोलीस महासंचालक प्रशांत कुमार यांचे उत्तर प्रदेश पोलिसांना आदेश, नेपाळला लागून असलेल्या सीमाभागातील जिल्ह्यांमध्ये मोठा पोलीस बंदोबस्त तैनात!

See more

Lucknow: DGP Prashant Kumar has issued a high alert to the UP police after Pahalgam terror attack. Strict vigilance is being maintained in areas adjoining Nepal's international border and bus-railway stations in all districts of UP. pic.twitter.com/lCHXrYOwLr

— Press Trust of India (@PTI_News) April 22, 2025

पहलगाममध्ये झालेल्या हल्ल्याच्या पार्श्वभूमीवर गुरुवारची सकाळ श्रीनगरमध्ये प्रचंड तणावपूर्ण वातावरणात सुरू झाली. बाजारपेठा ओस पडल्याचं दिसून येत असून अनेक सामाजिक संघटना व राजकीय पक्षांनी या हल्ल्याचा निषेध करण्यासाठी श्रीनगर बंदची हाक दिली आहे.

See more

VIDEO | Jammu and Kashmir: Shops remain closed as various social and political organisations have called for a shutdown in Srinagar in protest against the Pahalgam terror attack.#PahalgamTerroristAttack #PahalgamTerrorAttack

(Full video available on PTI Videos -… pic.twitter.com/ozQlOhwBuL

— Press Trust of India (@PTI_News) April 23, 2025

त्या दहशतवाद्यांना त्यांची जागा दाखवण्यासाठी सगळ्या जगानं एकत्र यायला हवं. प्रत्येक व्यक्ती या हल्ल्याचा निषेध करेल. पण आता फक्त निषेध करणं पुरेसं नाही. काहीतरी ठोस पाऊल उचलण्याची गरज आहे. सगळ्यांनी एकत्र येऊन या सगळ्या दहशतवादी मानसिकतेला खतपाणी घालणाऱ्यांना धडा शिकवायला हवा. जिथे कुठे अशा गोष्टींचं प्रशिक्षण दिलं जातं तिथे कारवाई करायला हवी. निरपराध लोकांना दहशतवाद्यांच्या या अमानवी कृत्यातून लक्ष्य करण्यात आलं आहे. आम्ही हल्ल्यात मृत्यूमुखी पडलेल्या भारतीयांच्या कुटुंबीयांच्या दु:खात सहभागी आहोत – श्री श्री रवी शंकर, आध्यात्मिक गुरू

See more

VIDEO | Odisha: Here’s what spiritual leader Sri Sri Ravi Shankar said on the Pahalgam terror attack

“The whole world should come together to show terrorists their rightful place. Every spiritual person will condemn this, but condemnation alone is not enough — action is needed.… pic.twitter.com/aq0uPIT0sk

— Press Trust of India (@PTI_News) April 23, 2025