Maharashtra News Highlights: शिवसेनेच्या मंत्री, आमदारांचे एक महिन्याचे वेतन अतिवृष्टीग्रस्तांसाठी; उपमुख्यमंत्री एकनाथ शिंदे यांची घोषणा

Marathwada Rain News Highlights: मराठवाड्यासह सोलापूर, अहिल्यानगर, जळगाव आणि नाशिक जिल्ह्यात अतिवृष्टीमुळे पूरपरिस्थिती निर्माण झाली आहे. सर्वाधिक फटका मराठवाड्यातील जिल्ह्यांना बसला आहे. सरकारने शेतकऱ्यांच्या मदतीसाठी २,२१५ कोटींची मदत जाहीर केली आहे. तसेच प्रचलित निकषांमध्ये शिथिलता आणून शेतकऱ्यांना मदत दिली जाईल, अशी घोषणा मुख्यमंत्री देवेंद्र फडणवीस यांनी मंगळवारी केली.

नुकसान किती झाले याची पाहणी करणे आणि शेतकऱ्यांना दिलासा देण्यासाठी आज (बुधवारी) मुख्यमंत्री, उपमुख्यमंत्री आणि इतर मंत्री विविध जिल्ह्यांचा दौरा करणार आहेत.