Maharashtra Politics Updates : राज्यात मागील काही दिवसांपासून मराठा आणि ओबीसी आरक्षणाच्या मुद्यांवरून आरोप प्रत्यारोप सुरू आहेत. कुणबी नोंद असलेल्या मराठा समाजाला कुणबी जात प्रमाणपत्र देण्याबाबत राज्य सरकारने घेतलेल्या निर्णयावर ओबीसी नेते नाराजी व्यक्त करत आहेत. या निर्णयाविरोधात रिट याचिका दाखल करण्यात आल्याचं छगन भुजबळ यांनी म्हटलं आहे. तसेच छगन भुजबळ यांनी शरद पवार यांच्यावरही गंभीर आरोप केले आहेत. अंतरवाली सराटीतील हल्ल्यामागे पवारांच्या आमदाराचा हात होता, असा आरोप भुजबळांनी केला आहे. त्यावर आता अनेकांच्या प्रतिक्रिया येत आहेत. तसेच राहुल गांधींनी मतचोरीच्या केलेल्या आरोपांवर मुख्यमंत्री देवेंद्र फडणवीस यांनी टीका केली आहे.
दरम्यान, लाडकी बहीण योजनेतील लाभार्थी महिलांना आता सरकारने ई केवायसी करणे बंधनकारक केले आहे. ई केवायसी केल्यानंतरच या महिलांच्या खात्यात पुढील हप्ता जमा होणार आहे. त्यामुळे आता लाडकी बहीण योजनेतील लाभार्थी महिलांना ई केवायसी करावी लागणार आहे. दरम्यान, मीनाताई ठाकरे यांच्या पुतळ्यावर जो रंग फेकण्यात आला त्या प्रकरणाचे पडसाद उमटत आहेत. तसेच राज्यभरात अनेक ठिकाणी मोठ्या प्रमाणात मुसळधार पाऊस कोसळत आहे. दरम्यान, राज्यातील राजकीय व इतर सर्व घडामोडींचा आढावा लाईव्ह ब्लॉगच्या माध्यमातून घेऊयात.
Live Updates
Maharashtra News Update : राज्यातील राजकीय व इतर सर्व घडामोडींचा आढावा लाईव्ह ब्लॉगच्या माध्यमातून घेऊयात.
साताऱ्यातील गरवारे युवा विकास केंद्रातर्फे कौशल्यविकास उपक्रम; ग्रामीण युवकांना रोजगारसंधी
सीएनसी मशिन ऑपरेटर कोर्स अंतर्गत प्रशिक्षण घेतलेल्या २० उमेदवारांपैकी तब्बल १३ जणांची नामांकित कंपन्यांमध्ये यशस्वी निवड झाली असून, यामुळे तालुक्यातील तरुणाईसाठी रोजगाराचे नवीन दार खुले झाले आहे. …सविस्तर वाचा
पश्चिम नदी वळविण्याच्या पाणी आणण्यासाठी मिश्र वित्तीय तरतुदीची चाचपणी
केवळ गोदावरीच नाही तर विदर्भात वैनगंगा-नळगंगा प्रकल्पासाठी ८० हजार कोटींचा निधीही याच पद्धतीने उभा करण्याचा प्रयत्न सुरू असल्याची माहिती जलसंपदा मंत्री राधाकृष्ण विखे पाटील यांनी दिली. …सविस्तर बातमी
सांगलीच्या जत भागात पावसाचा धुमाकूळ; शेकडो एकरावरील पिके पाण्याखाली
पश्चिम घाटातील कोयना, चांदोलीसह नऊ धरणे तुडुंब भरली आहेत. धरणे शंभर टक्के भरल्याने कोयनेतून २१००, तर चांदोलीतून ५ हजार ६३० क्युसेक विसर्ग शुक्रवारपासून करण्यात येत आहे. …सविस्तर बातमी
पनवेल महापालिकेत टक्केवारी? भाजपा आमदाराच्या आरोपामुळे खळबळ…
महापालिकेतील अधिका-यांच्या टक्केवारीच्या कारभाराला सत्ताधारी भाजपनेच लाल सिग्नल दिल्याने पारदर्शक कारभार करा, अन्यथा अधिका-यांना परत पाठवू असा इशारा या पत्रातून भाजप आमदारांनी दिला आहे. …वाचा सविस्तर
कर्नाटकातून आलेल्या हत्तींमुळे महाराष्ट्र आणि गोव्यात दहशत; ओंकार हत्तीला पकडण्याचा वन विभागाने घेतला निर्णय
गेल्या २३ वर्षांपासून महाराष्ट्रातील दोडामार्ग, सावंतवाडी, आणि कोल्हापूर जिल्ह्यातील चंदगड तालुक्यात हे हत्ती धुमाकूळ घालत आहेत. …सविस्तर बातमी
पिंपरी- चिंचवड: वृद्ध महिला प्रवाशांना लुटणारी टोळी जेरबंद; १३ तोळे सोन्याचे दागिने
आरोपींकडून जवळपास तेरा तोळे सोन्याचे दागिने जप्त करण्यात आले आहे. ही घटना भुजबळ चौक वाकड बस स्थानक जवळ घडली होती. …सविस्तर बातमी
Video: नालासोपाऱ्यात इमारतीची सुरक्षा भिंत कोसळली; घटनेची दृश्य सीसीटीव्ही कॅमेरात कैद
नालासोपारा पूर्वेच्या चक्रधर नगर परिसर आहे. याच परिसरात पूजा पॅलेस इमारत आहे. त्या इमारतींच्या सभोवताली संरक्षक भिंत उभारण्यात आली आहे. बुधवारी अचानकपणे या इमारतीची संरक्षक भिंत कोसळली. …अधिक वाचा
सांगोल्यात ढगफुटीसदृश पाऊस; घरे, शेतात पाणी शिरले; मका, ज्वारी, डाळिंबाचे नुकसान
सोलापूर जिल्ह्यात अनेक ठिकाणी पावसाने दमदार हजेरी लावली. सांगोला तालुक्यात गुरुवारी रात्री १० वाजल्यापासून पावसाला सुरुवात झाली. पुढे पहाटे तीन वाजेपर्यंत मुसळधार पाऊस पडला. …अधिक वाचा
शिर्डीतील प्रसादालयात भाविकांना मराठमोळ्या साई आमटीचा प्रसाद
साईबाबा संस्थानच्या भोजनगृहात दररोज हजारो भाविक प्रसादाचा लाभ घेतात. रोजच्या प्रसादापेक्षा साईभक्तांना आता नवीन साई आमटीची चव घेता येणार आहे. पौष्टिकता आणि सात्त्विकता हीच तिची खासियत ठरणार आहे. …अधिक वाचा
वाहनचालकांवर आता अत्याधुनिक ‘इंटरसेप्टर वाहनांची’ नजर; स्पीडगन, ई-चलन ब्रेथ अ‍ॅनालायजर आणि इतर यंत्रणांचा समावेश
वसईच्या प्रादेशिक परिवहन विभागात दोन इंटरसेप्टर वाहने दाखल झाली आहेत.यात लेझर तंत्रज्ञानावर आधारित स्पीडगन, ई-चलन यंत्रणा, मद्यपींवर कारवाई करण्यासाठी ब्रेथ अ‍ॅनलायजर अशी अत्याधुनिक यंत्रणा समाविष्ट आहे. …सविस्तर बातमी
नवी मुंबई विमानतळाला दि.बा पाटील यांचेच नाव मिळाला हवे… अन्यथा…. भाजपा आमदार प्रशांत ठाकूर यांनी दिला हा इशारा
नवी मुंबई आंतरराष्ट्रीय विमानतळ उदघाटनासाठी काही दिवस शिल्लक राहीले असताना, अद्याप विमानतळाच्या नामकरणाची अधिकृतपणे घोषणा केंद्र सरकारने केली नाही. यामुळे अनेक राजकीय वाद पेटले आहेत. …सविस्तर वाचा
सोनसाखळीच्या लोभापायी वृध्देची हत्या; केशकर्तनालयात हत्या करून मृतदेह नाल्यात
मयत विठठल तांबे (७५) हे मिरा रोडच्या शांती धाम येथील गौरव गॅलेक्सी अपार्टमेंट मध्ये मुलासह रहात होते. मंगळवार पासून ते बेपत्ता होते. …अधिक वाचा
थेऊरमधील पूरस्थितीस जबाबदार ठरल्याप्रकरणी बांधकाम व्यावसायिकासह सहा जणांविरुद्ध गुन्हा
गुन्हा दाखल करण्यात आलेले दोन बांधकाम व्यावसायिक भाऊ आहेत. दोघे विमानतळ रस्त्यावरील साकोरेनगर भागात राहायला आहेत. …सविस्तर बातमी
कल्याण-डोंबिवलीत पाय ठेवू देणार नाही; संजय राऊतांविरोधात शिंदेंच्या शिवसेनेचे कार्यकर्ते आक्रमक
आनंद दिघे यांच्याबद्दल केलेल्या वक्तव्यानंतर संजय राऊतांच्या विरोधात कल्याण-डोंबिवली येथे एकनाथ शिंदेंच्या शिवसेनेच्या कार्यकर्त्यांनी आंदोलन केले. यावेळी कल्याण-डोंबिवलीत संजय राऊतांना पाय ठेऊ देणार नाही. अशा इशारा माजी नगरसेवक महेश गायकवाड यांचा दिला आहे.
चतुःशृंगी देवीच्या नवरात्रोत्सवाची तयारी अंतिम टप्प्यात
मंदिराच्या जिर्णोद्धाराचे काम सुरु असून, सभामंडपाचे ८० टक्के बांधकाम पूर्ण झाले आहे. हा नवीन सभामंडप पूर्वीच्या सभामंडपाच्या दुप्पट मोठा असून भाविकांना व्यवस्थित दर्शन घेता येईल. …सविस्तर बातमी
पालघर मध्ये हिट अँड रन केस; विरारच्या दुचाकी चालकाचा मृत्यू
टेंभोडे कडे जाणाऱ्या मार्गाच्या काही अंतर पुढे महेश रामचंद्र पाटील (५०, राहणारा नारंगी विरार) यांच्या दुचाकीला एका वाहनाने धडक दिल्याने ते या बायपास मार्गे च्या दुभाजकाला धडकले. …वाचा सविस्तर
मुंबई अहमदाबाद राष्ट्रीय महामार्गावरील वाहतूक कोंडीत रुग्णवाहिका अडकून चिमुकल्याचा मृत्यू
रियान हा आपल्या नातेवाईकांकडे आला होता. गुरुवारी दुपारी खेळता खेळता रियान चौथ्या मजल्यावरून पडला होता. त्यानंतर त्याला तातडीने पेल्हार येथील गॅलक्सि रुग्णालयात उपचार करण्यासाठी दाखल करण्यात आले होती. …सविस्तर वाचा
पत्नीकडून वेश्या व्यवसाय करून घेणारा पती ताब्यात
नवी मुंबई पोलीस दलाच्या अनैतिक मानवी वाहतूक प्रतिबंधक कक्षाच्या पोलिसांना संबंधित वेश्या व्यवसायाची माहिती मिळाल्यावर त्यांनी सापळा रचला. …सविस्तर बातमी
‘जीएसटी’ दर कपातीने मोदी सरकारला बघा किती नुकसान…
जीएसटी दर सुसूत्रीकरणामुळे सरकारला अल्पावधीसाठी वार्षिक ४८,००० कोटी रुपयांचे निव्वळ नुकसान होण्याचा अंदाज ‘क्रिसिल’च्या ताज्या अहवालाने वर्तविला आहे. …सविस्तर वाचा
नांदेड: किवळा तलावात बुडून दोघांचा मृत्यू
लोहा तालुक्‍यातल्या किवळा येथील भरलेला तलाव पाहण्यासाठी शे.बाबर शे. जफर (वय १५, रा.बळीरामपूर, नांदेड) व मो.रिहान म. युसूफ (वय १६, उमरकॉलनी, देगलूरनाका) हे काही मित्रांसोबत गुरुवारी सायंकाळी किवळा तलावाजवळ गेले होते. …वाचा सविस्तर
कारेगाव फाटा येथे शेतकर्‍याचा आत्महत्या करण्याचा प्रयत्न ! शासनाने जाहीर केलेल्या मदतीचा तीव्र निषेध
लोकप्रतिनिधींनी कोल्हापूरच्या धर्तीवर विशेष आर्थिक मदतीची मागणी केली होती; पण शासनाने ती धुडकावून लावत शेतकर्‍यांच्या तोंडाला पाने पुसले असल्याची संतप्त प्रतिक्रिया संदीपकुमार देशमुख बारडकर यांनी व्यक्त केली. …सविस्तर बातमी
सांगली-पेठ महामार्ग भूसंपादन; भरपाई न मिळाल्यास आंदोलन
येत्या १५ दिवसांत याबाबतचा सकारात्मक निर्णय झाला नाही तर आपल्या हद्दीत अतिक्रमण करून बांधण्यात आलेला रस्ता जेसीबीने उखडून काढण्यात येईल, असा इशारा शेतकरी संघटनेचे अध्यक्ष रघुनाथ पाटील यांनी गुरुवारी पत्रकार बैठकीत दिला. …सविस्तर वाचा
कोल्हापुरातील उद्योजकांना इंडोनेशियात निर्यातीची व्यापक संधी – एडी वार्डोयो; इंडोनेशिया – कोल्हापूर व्यापारी, औद्योगिक संबंध विषयक बैठक
भारत-इंडोनेशिया या दोन देशांतील व्यापारी, औद्योगिक आणि सांस्कृतिक संबंध अधिक दृढ करण्यासाठी तसेच कोल्हापुरातील गुंतवणुकीच्या संधींविषयी चर्चा करण्यासाठी येथे उद्योजकांसाठी आयोजित करण्यात आलेल्या चर्चेत ते बोलत होते. …अधिक वाचा
Navi Mumbai Airport: नवी मुंबई विमानतळाच्या नामकरणापूर्वी दि.बां.च्या नावावर पडदा
नवी मुंबई आंतरराष्ट्रीय विमानतळावर पोहचण्यासाठी पनवेल आणि नवी मुंबई महापालिकेने अनेक ठिकाणी दिशादर्शक फलक उभारले आहेत. या फलकांवर नवी मुंबई आंतरराष्ट्रीय विमानतळ असा उल्लेख होता. …सविस्तर वाचा
ड्रग्समुळे केवळ शरीरच नव्हे, तर देशाची राष्ट्रीय घडीही उद्ध्वस्त होत आहे – समीर वानखेडे
नवी मुंबई येथे ड्रग फ्री फाऊंडेशनतर्फे जनजागृतीपर कार्यक्रम राबविण्यात आला होता. या कार्यक्रमात प्रमुख पाहूणे म्हणून माजी एनसीबी अधिकारी समीर वानखेडे हे उपस्थित होते. यावेळी त्यांनी उपस्थितांशी संवाद साधला. …अधिक वाचा
हेवी डिपॉझिट देत घर घेताय ? सावधगिरी बाळगा…. एकच सदनिका अनेकांना देतो सांगत पाच जणांची ३६ लाखांची फावणूक
नवी मुंबईत एका व्यक्तीने स्वतःची एक सदनिका पाच वेगवेगळ्या जणांना देतो सांगत त्यांच्या कडून ३६ लाख रुपये घेतले मात्र शेवटी एकालाही सदनिका भाड्याने दिली नाही. …सविस्तर बातमी
Vasai Factory Fire: वसईत कारखान्याला भीषण आग
वसई पूर्वेच्या तुंगारेश्वर फाटा परिसरातील गिरीराज कॉम्प्लेक्स येथील चौथ्या मजल्यावर पुठ्ठा कारखाना आहे. शुक्रवारी सकाळी अचानकपणे या कारखान्याला आग लागली होती. …सविस्तर बातमी
नांदेडच्या १६ मंडळांमध्ये १५० टक्क्यांपेक्षा अधिक पाऊस
नांदेडच्या १६ तालुक्यांमध्ये आजवर अपेक्षित पावसापेक्षा कितीतरी अधिक पाऊस झाला आहे. ९३ महसूल मंडळांपैकी १६ मंडळांमध्ये १५० टक्क्यांपेक्षा अधिक पाऊस झाला. …वाचा सविस्तर
Supriya Sule : छगन भुजबळांच्या ‘त्या’ आरोपांना सुप्रिया सुळेंचं प्रत्युत्तर; म्हणाल्या, “बैठक कुठे झाली? किती वाजता झाली? पुरावे…”
‘अंतरवली सराटीत वर्षभरापूर्वी पोलिसांवर करण्यात आलेल्या दगडफेकीत शरद पवार यांच्या पक्षातील एका आमदाराचा हात होता’, असा गंभीर आरोप छगन भुजबळ यांनी केला. …सविस्तर वाचा
‘वनवासा’वर खा.चव्हाण यांची सारवासारव !
माझ्या वक्तव्यामध्ये शंकरराव चव्हाण यांना कशासाठी ओढता, असा सवाल त्यांनी टीका करणार्‍यांना विचारला. …सविस्तर वाचा
लाडकी बहीण योजनेतील महिलांना ई केवायसी करणे बंधनकारक. ई केवायसी केल्यानंतरच महिलांच्या खात्यात पुढील हप्ता जमा होणार आहे. (फोटो-संग्रहित छायाचित्र)