Manoj Jarange Patil Maratha Reservation LIVE: मनोज जरांगे यांना अशक्तपणा आणि कमी रक्तदाबाचा त्रास

Manoj Jarange Patil Maratha Reservation Protest Updates : मुंबई उच्च न्यायालयाच्या अंतरिम आदेशांचे उल्लंघन केल्याने १ सप्टेंबर रोजी आंदोलनाबाबत मागितलेली परवानगी नाकारण्यात येत आहे, असे या नोटीसमध्ये म्हटले आहे. …वाचा सविस्तर

बुधवारपासून सुमारे चार हजार कार्यकर्ते रस्ते मार्गे तसेच रेल्वेने पुरेशा शिदोरीसह मुंबईत धडक देणार आहेत. …वाचा सविस्तर

मराठा समाजाचे नेते मनोज जरांगे यांनी मराठा समाजाला ओबीसी कोट्यातून आरक्षणाची मागणी करीत बेमुदत उपोषण आंदोलन सुरू केले आहे. …अधिक वाचा

सोमवारी दुपारी सीएसएमटी रेल्वे स्थानकात आंदोलकांनी जोरदार घोषणाबाजी करण्यास सुरुवात केली. तसेच, आंदोलक रेल्वे रुळावर उतरले होते. काही आंदोलकांनी लोकलच्या मोटरमन केबिनमध्ये घुसून, ‘एक मराठा, लाख मराठा’चे फलक नाचवले. …अधिक वाचा

Manoj Jarange Patil Maratha Reservation Protest Updates मराठा आंदोलनाबाबत अॅड. गुणरत्ने सदावर्ते यांनी उच्च न्यायालयात दाखल केलेल्या याचिकेवर सोमवारी सुनावणी झाली. न्यायालयाने आंदोलनाबाबत काही आदेश दिले होते. त्या पार्श्वभूमीवर जरांगे यांनी प्रसार माध्यमांशी संवाद साधला. …वाचा सविस्तर

मराठा आरक्षणासाठी मनोज जरांगे शुक्रवारपासून आझाद मैदानावर आंदोलनाला बसले आहेत. त्यातच रविवारपासून त्यांनी पाणीही सोडले आहे. त्यामुळे सोमवारी दुपारी १ वाजता डॉक्टरांच्या तुकडीने जरांगे यांची तपासणी केली. त्यावेळी त्यांची प्रकृती उत्तम असली तर त्यांचा रक्तदाब कमी झाला असून अशक्तपणाचा त्रास जाणवत आहे.

सविस्तर वाचा

मनोज जरांगे यांच्या आंदोलनाविरोधात आज मुंबई उच्च न्यायालयात याचिका दाखल करण्यात आली होती. …वाचा सविस्तर

मराठा आरक्षणासाठी मनोज जरांगे शुक्रवारपासून आझाद मैदानावर आंदोलनाला बसले आहेत. त्यातच रविवारपासून त्यांनी पाणीही सोडले आहे. त्यांची प्रकृती उत्तम असली तर त्यांचा रक्तदाब कमी झाला असून अशक्तपणाचा त्रास जाणवत आहे. …सविस्तर वाचा

मराठा समाजाला आरक्षण मिळावे, या मागणीसाठी मनोज जरांगे-पाटील हे गेल्या चार दिवसांपासून मुंबईतील आझाद मैदानावर आमरण उपोषण करीत आहेत. …वाचा सविस्तर

बीएमसीने मराठा आंदोलनस्थळी सहकार्य करण्याचे आवाहन केले आहे. आझाद मैदान आणि आसपासच्या परिसरात पिण्याचे पाणी, स्वच्छता आणि इतर नागरी सेवा पुरवण्यासाठी एक हजाराहून अधिक कर्मचारी तैनात करण्यात आले आहेत. स्वच्छता ट्रक, पाण्याचे टँकर आणि रुग्णवाहिका मुक्तपणे फिरू शकतील यासाठी आंदोलकांनी सहकार्य करण्याचे आवाहन केले आहे. डास आणि कीटकांची पैदास रोखण्यासाठी सहा पथके सतत धुरीकरण करत असल्याचेही महापालिकेने नमूद केले आहे.

आम्ही जरांगे यांना उद्या दुपारपर्यंत शहर आणि रस्ते रिकामे करण्याची संधी देतो, असे मुंबई उच्च न्यायालयाने म्हटले आहे.

मुंबईतील आझाद मैदानावर मराठा समाजाला आरक्षण मिळावे यासाठी आंदोलन करणारे मराठा आरक्षण कार्यकर्ते मनोज जरांगे यांना मुंबई उच्च न्यायालयाने सोमवारी फटकारले. जरांगे यांच्या नेतृत्वाखालील आंदोलन शांततेत नव्हते आणि त्यांनी परवानगी दिलेल्या सर्व अटींचे उल्लंघन केले होते, असे उच्च न्यायालयाने म्हटले आहे. याबाबत पीटीआयने वृत्त दिले आहे.

न्यायालयाने असे नमूद केले की, संपूर्ण शहर ठप्प झाले आहे आणि दक्षिण मुंबईतील प्रमुख ठिकाणे आंदोलकांनी वेढली आहेत. न्यायमूर्ती रवींद्र घुगे आणि गौतम अंखड यांच्या विशेष खंडपीठाने एमी फाउंडेशनने आरक्षण आंदोलनाविरुद्ध दाखल केलेल्या खटल्याची विशेष सुनावणी घेतली.

मुंबईतील सीएसएमटी स्थानकाच्या आतील भागात मराठा आंदोलक मोठ्या प्रमाणात जमले आहे. येते हे आंदोलक कब्बडी खेळत असल्याचे दिसत आहे. (एक्सप्रेस फोटो/शंखदीप बॅनर्जी)

मनोज जरांगे पाटील यांच्या नेतृत्वाखालील ‘मराठा आरक्षण’ आंदोलन शांततेत नव्हते, त्यांनी सर्व अटींचे उल्लंघन केले आहे, असे मुंबई उच्च न्यायालयाने म्हटले आहे.

मुंबई उच्च न्यायालयाने आज आदेश दिले की, आझाद मैदानावर ५ हजार आंदोलकांव्यतिरिक्त इतर कुठेही आंदोलन करू नये. याचबरोबर सामान्य मुंबईकरांना त्रास होईल उसे कोणतेही कृत्य करू नये.

मुंबईत हजारोंच्या संख्येने मराठा आंदोलक दाखल झाल्याने, मुंबई ठप्प झाल्याचे चित्र आहे. यावर मुंबई उच्च न्यायालयाने आदेश दिले आहेत की, मुंबईत येणाऱ्या आंदोलकांना थांबण्यात यावे.

मराठा आरक्षणाच्या मागणीसाठी उपोषणासाठी बसलेल्या मनोज जरांगे पाटील यांची तब्बेत बिघडली तर, त्यांना तत्काळ उपचार देण्यात यावे, असे मुंबई उच्च न्यायालयाने म्हटले आहे.

मुंबईतील मराठा आंदोलकांसाठी जेवण आणि पाणी आणण्यासाठी मुंबई उच्च न्यायालयाने तात्पूरती परवाणगी असल्याचे मुंबई उच्च न्यायालयाने म्हटले आहे. तसेच सर्वांना आंदोलनाचा अधिकार असल्याचेही न्यायालयाने स्पष्ट केले आहे.

मुंबईत ज्या ठिकाणी रस्ते आडवण्यात आले आहेत, त्याठिकाणाहून उद्या दुपारी ४ वाजेपर्यंत आंदोलकांना हटवण्याचे आदेश राज्य सरकारला मुंबई उच्च न्यायालयाने दिले आहेत. याचबरोबर आझाद मैदानाव्यतिरिक्त कुठेही आंदोलन होणार नाही, याची सरकारने खबरदारी घ्यावी असे, न्यायालयाने म्हटले आहे.

मनोज जरांगे पाटील यांना पाच हजार आंदोलकांसह एक दिवस आंदोलन करण्याची परवाणगी देण्यात आली होती. तरीही आंदोलन सुरू ठेवण्यात आले आहे. यामुळे न्यायालयाच्या आधीच्या आदेशाचे उल्लंघन झाल्याचे, न्यायालयाने म्हटले आहे.

मनोज जरांगे पाटील यांना पाठिंबा देण्यासाठी हजारो आंदोलक मुंबईत दाखल झाले आहेत. यातील अनेक आंदोलकांनी सीएसएमटी स्थानकावर आश्रय घेतला आहे. यावेळी मराठा आंदोलक व रेल्वे प्रवाशामध्ये बाचाबाची झाल्याची घटना समोर आली आहे. सीएसएमटीवरून ३:०२ वाजताच्या बेलापूरला जाणाऱ्या लोकल मध्ये ही घटना घडली.

मनोज जरांगे यांच्या आंदोलनाला पाठिंबा देण्यासाठी हजारो आंदोलक मुंबईत दाखल झाले आहे. दरम्यान हे आंदोलक गाड्या आणि रस्ते आडवत असल्याचे वृत्त आल्यानंतर मुंबई उच्च न्यायालयाने, मुंबईकरांना त्रास होईल असे काहीही करू नये असे म्हटले आहे.

मराठा आंदोलकांचे वकील पिंगळे यांनी उच्च न्यायालयाला माहिती दिली की, मनोज जरांगे पाटील यांनी आंदोलकांना रस्ते आडवायला सांगितले नाही.

मनोज जरांगे पाटील यांच्या आझाद मैदानावरील आंदोलनाविरोधा मुंबई उच्च न्यायालयात याचिका दाखल करण्यात आली आहे. त्यावर सध्या दोन्ही बाजूंनी युक्तीवाद सुरू आहे. दरम्यान, या प्रकरणी न्यायालयाने ते उद्याही सुनावणी घेणार असल्याचे स्पष्ट केले आहे.

मराठा आरक्षण कार्यकर्ते मनोज जरंगे पाटील यांनी राज्य सरकारला इशारा दिला की, “जर मुख्यमंत्री देवेंद्र फडणवीस यांनी मराठ्यांच्या मागण्या ऐकल्या नाहीत तर ५ कोटींहून अधिक लोक मुंबईत येतील.” यापूर्वी पाटील यांनी आंदोलन तीव्र करण्याची आणि आजपासून पाणी सोडण्याची घोषणा केली.

मराठा आरक्षणाच्या मुद्द्यावर बोलताना अमित ठाकरे म्हणाले की, “मी ज्या आंदोलनाचा साक्षीदार आहे ते आमचे मराठा बंधू आणि भगिनी फक्त एक-दोन दिवसांची तयारी करून येथे आले आहेत. त्यांचे अन्न, पाणी आणि औषधे संपली आहेत. मला वाटते की, ते कुठून जरी आले असले तरी ते आपले आहेत. ते मुंबईत आले आहेत, त्यांना एकटे वाटू नये. ही आमची भावना आहे. आम्ही आजपासून त्यांना मदत करायला सुरुवात केली आहे.”

मुंबईच्या जहाँगीर आर्ट गॅलरीत एकदा तरी आपल्या चित्रांचे प्रदर्शन लागावे हे प्रत्येक कलावंतांचे स्वप्न असते. त्यासाठी वर्षानुवर्ष त्यांना वाट पाहावी लागते. …अधिक वाचा

मनोज जरांगे यांनी २९ ऑगस्टपासून मुंबईतील आझाद मैदानावर उपोषण सुरू केले आहे. त्यांच्या उपोषणाला पाठींबा देण्यासाठी राज्यभरातून मराठा बांधव मुंबईत मोठ्या प्रमाणात दाखल झाले आहेत …सविस्तर वाचा

पक्षाचे प्रदेश सरचिटणीस दिनकर पाटील यांनी मुख्यमंत्री देवेंद्र फडणवीस, उपमुख्यमंत्री एकनाथ शिंदे व अजित पवार यांना पत्र पाठवून मराठा समाजाच्या मागण्या मान्य करण्याची मागणी केली आहे. …सविस्तर बातमी

मुंबईतील छत्रपती शिवाजी महाराज टर्मिनस (सीएसएमटी) येथे प्रवाशांना सोमवारी आझाद मैदानावरून मराठा आरक्षण निदर्शकांचा जमाव रेल्वे स्थानकावर आल्यामुळे विलंब आणि गैरसोयीचा सामना करावा लागला.

लोकल गाड्या १५ ते २० मिनिटे उशिराने धावत असल्या तरी, खरा त्रास सीएसएमटी येथे दिसून आला, जिथे लोकांना गर्दी असलेल्या गाड्यांमधून उतरण्यास तसेच स्टेशन सोडण्यास अडचणी येत होत्या, कारण आंदोलकांनी त्यांच्या प्लॅटफॉर्मवर आश्रय घेतला होता, असे मध्य रेल्वेच्या प्रवक्त्याने सांगितले. यामुळे अनेक खाजगी कार्यालयांनी त्यांच्या कर्मचाऱ्यांना घरून काम करण्याचा पर्याय दिला आहे.