Maharashtra Breaking News Updates : मराठा आंदोलकांवरील गुन्हे मागे घेतले जाणार की नाही? गृहविभागाचा महत्त्वाचा निर्णय

एकीकडे गणेशोत्सवाचा उत्साह शिगेला पोहचला असताना दुसरीकडे वसईतील वाद्य कारागिर वाद्यांना नवीन साज चढविण्यात मग्न झाले आहेत. …अधिक वाचा

दरवर्षी प्रसिध्द मंदिरांची हुबेहुब आरास साकारणाऱ्या वांद्रे पश्चिम सार्वजनिक गणेशोत्सव मंडळातर्फे यावर्षी पुण्यश्लोक अहिल्याबाई होळकर यांच्या त्रिशताब्दी जयंती उत्सवानिमित्त ५२ फूट उंचीचे हुबेहुब काशी विश्वनाथ मंदिर साकारले आहे. …सविस्तर बातमी

‘सिडको’च्या नकारात्मक भूमिकेमुळे ‘नैना’ प्रकल्पाची कामे थांबली असल्याचा आरोप स्थानिक लोकप्रतिनिधींनी केल्यामुळे महसूलमंत्र्यांनी कठोर भूमिका घेतली आहे. …सविस्तर वाचा

शीव पनवेल महामार्गावर दोन दिवसांपूर्वी कोपरा गावालगत माती आणि खडी यांच्यासाह्याने महामार्गावरील खड्डे बुजविण्याचे काम सार्वजनिक बांधकाम विभागाने हाती घेतल्याने प्रवाशांकडून आश्चर्य व्यक्त केले जात आहे. …वाचा सविस्तर

मराठा समाजाच्या आंदोलनाला पाठिंबा देण्यासाठी मुंबईसह उपनगरातून आणि रायगड जिल्ह्यातील विविध तालुक्यांमध्ये मराठा समाजातील तरूणांच्या बैठकांची सत्र सुरू झाली आहेत.  …वाचा सविस्तर

अंधेरीतील स्वामी समर्थ नगर ते विक्रोळी (ईईएच) दरम्यानच्या मेट्रो-६ प्रकल्पासाठी कांजूर गावात बांधण्यात येणाऱ्या खांबाकरिता ३४ झाडे तोडण्यास उच्च न्यायालयाने सोमवारी मुंबई महानगर प्रदेश विकास प्राधिकरणाला (एमएमआरडीए) परवानगी दिली. …सविस्तर वाचा

प्रदर्शन प्रमाणपत्र देण्याचे उच्च न्यायालयाचे सीबीएफसीला आदेश …सविस्तर बातमी

राज्याला २०४७ पर्यंत ‘विकसित महाराष्ट्र’ करण्यासाठी अल्पकालीन, मध्यमकालीन आणि दीर्घकालीन उद्दिष्टांचा समावेश असलेल्या ‘ संकल्पचित्रात ’ (व्हिजन डॉक्युमेंट) जनसामान्यांच्या संकल्पनांचे प्रतिबिंब असावे, असे निर्देश मुख्यमंत्री देवेंद्र फडणवीस यांनी सोमवारी येथे दिले. …सविस्तर वाचा

अटल सेतूला जोडणाऱ्या शिवडी – वरळी उन्नत रस्ता प्रकल्पाअंतर्गत प्रभादेवी येथील १२५ वर्ष जुना प्रभादेवी पूल पाडून त्याजागी नवीन दुहेरी पूल बांधण्यात येणार आहे. …सविस्तर बातमी

चित्रपट निर्मात्याची फसवणूक केली नसल्याचा प्रामाणिकपणा सिद्ध करण्यासाठी कन्नड अभिनेता ध्रुव सर्जा उर्फ ध्रुव कुमार याला मुंबई उच्च न्यायालयाने तीन कोटी रुपये महानिबंधकांकडे जमा करण्याचे आदेश दिले आहेत. …सविस्तर वाचा

प्रदूषण नियंत्रण महामंडळाकडून पवना नदी देशातील प्रदुषित नद्यांपैकी एक असल्याचे निरीक्षण नोंदविण्यात आले आहे. …सविस्तर बातमी

गणेशोत्सवाच्या काळात मनोज जरांगे पाटील यांनी मुंबईत आंदोलन करू नये, अशी इच्छा अनेक भाजपा नेत्यांनी व्यक्त केली आहे. पाठोपाठ, यासंदर्भात चर्चा करण्यासाठी मुख्यमंत्री देवेंद्र फडणवीस यांचे ओएसडी राजेंद्र साबळे यांनी मनोज जरांगे पाटील यांची आंतरवाली-सराटी येथे जाऊन भेट घेतली. या भेटीनंतर मनोज जरांगे यांनी प्रसारमाध्यमांशी बातचीत केली. या भेटीनंतरही मनोज जरांगे पाटील हे त्यांच्या आंदोलनावर ठाम आहेत. ते म्हणाले, “मी ओएसडींना म्हणाले, आम्हाला मोर्चासाठी एक रस्ता द्या, हजारो रस्ते आहेत. त्यापैकी एक आम्हाला द्या. मी कुठल्याही परिस्थितीत मोर्चावर ठाम आहे. आमच्या लेकराबाळांच्या आयुष्याचा प्रश्न आहे. चर्चा नाही, आरक्षण द्या अंमलबजावणी करा. मी उद्या सकाळी १० वाजता महाराष्ट्रातील मराठा समाज बरोर घेऊन शांततेत निघणार आहे.”

कोयना जलाशयाच्या पाणीसाठ्यामुळे बाधित झालेल्या गावांतील नागरिकांच्या दळणवळण व संपर्कासाठी १९७६-७७ पासून तापोळा (ता. महाबळेश्वर) परिसरात जलवाहतूक सुविधा उपलब्ध करण्यात आली होती. …वाचा सविस्तर

एमपीएससीतर्फे महाराष्ट्र गट-ब (अराजपत्रित) सेवा, संयुक्त (मुख्य) परीक्षा-२०२४ मुख्य उत्तर तालिका जाहीर करण्यात आलेली आहे. यामध्ये तब्बल १२ प्रश्न रद्द करण्यात आलेले आहेत. …अधिक वाचा

चिखली तालुक्यातील अंचरवाडी भरोसा मार्गावरील सावित्री नदीवर पुलच नसल्याने शेतकऱ्यांना जीवावरची कसरत करीत आणि जीव अक्षरशः धोक्यात टाकून आपल्या शेतात जाण्यासाठी नदीपात्रातून प्रवास करावा लागत आहे. …सविस्तर बातमी

भंडारा जिल्ह्याचे पालकमंत्री बदलल्याचा शासन आदेश सोमवारी रात्री राज्याचे उपसचिव दिलीप देशपांडे यांनी काढला आहे. आता भंडाऱ्याच्या पालकमंत्रीपदाची धुरा गृह राज्यमंत्री पंकज भोयर यांच्याकडे सोपविण्यात आली आहे. …अधिक वाचा

ठाणे महापालिकेच्या शिक्षण विभागाकडून देखील गणेशोत्सवाच्या काळात शाळेत परिक्षांचे नियोजन करु नये असे परिपत्रक २२ ऑगस्ट रोजी काढण्यात आले होते. …सविस्तर बातमी

गणेशोत्सवास अवघ्या काही तासांचा कालावधी शिल्लक आहे. यंदा उत्सवाला राज्य उत्सवाचा दर्जा मिळाल्याने गणेशभक्तांचा उत्साह शिगेला पोहचला आहे. …सविस्तर बातमी

सावित्रीबाई फुले पुणे विद्यापीठाचे क्रीडा संचालक डॉ. सुदाम शेळके यांच्या हस्ते हा पुरस्कार प्रदान करण्यात आला. …अधिक वाचा

गृहराज्यमंत्री पंकज भोयर हे आता भंडारा जिल्ह्याचे नवे पालकमंत्री असतील. तर संजय सावकारे यांच्याकडे बुलढाणा जिल्ह्याच्या सह पालकमंत्रीपदाची जबाबदारी देण्यात आली आहे. …सविस्तर वाचा

लोकमान्य टिळकांच्या आवाहनाला तळकोकणातून प्रतिसाद देत प्रतिष्ठापना केलेला पहिला सार्वजनिक गणपती सावंतवाडीतील ‘सालईवाड्याचा राजा’. …वाचा सविस्तर

कोराडी नाका ते नागपूर दरम्यानच्या मार्गावर शनिवारी २३ ऑगस्ट दुपारी रोजी दुपारी साडेतीनच्या सुमारास हा संतापजनक प्रकार घडला. …अधिक वाचा

वान नदीला पूर बुलढाणा,अकोला अमरावती तिन जिल्ह्याच्या सीमेवर असलेल्या भैरवगड हनुमान सागर या बृहत प्रकल्पत ७९ टक्के जलसाठा उपलब्ध झाला आहे. …सविस्तर बातमी

बांगलादेशनंतर भारतीय कांद्याचा सर्वात मोठा खरेदीदार असणाऱ्या श्रीलंकेने १० रुपये प्रति किलो असणारे आयात शुल्क आता ५० रुपयांपर्यंत वाढविले आहे.कांद्याची मागणी घटलेली असताना निर्यातीतील अस्थिरता स्थानिक बाजारावर परिणाम करीत आहे. …सविस्तर वाचा

पाणीपुरवठा योजनेबाबत मोठ्या तक्रारी आल्याने जीवन प्राधिकरण व जिल्हा परिषदेच्या ग्रामीण पाणीपुरवठा विभागाच्या अधिकाऱ्यांना त्यांनी धारेवर धरले. …अधिक वाचा

भाजपाचे प्रवक्ते केशव उपाध्ये म्हणाले, “उभ्या महाराष्ट्राचे आराध्य दैवत असलेल्या श्रीगणेशाचे आगमन उद्या होत आहे. महाराष्ट्रातील घराघरात हा गणेशोत्सव उत्साहात साजरा केला जातो. महाराष्ट्रातील घराघरात गौरी गणपतीच्या आगमनाने आनंदाचे मांगल्याचे वातावरण आहे. मराठा समाज हा उत्सव मोठ्या भाविकतेने साजरा करतो. नेमक्या अशाच वेळी आरक्षणाचे आंदोलन उभे करून जरांगे मोर्चाने मुंबईत येत आहेत. अवघ्या मुंबईच्या जनजीवनाची घडी विस्कळीत होऊ नये यासाठी त्यांनी मुंबईतील मोर्चा पुढे ढकलावा, हीच त्यांना विनंती आहे.”

उत्सवाचा आनंद संपूर्ण समाजाला विनाव्यत्यय घेता यावा यासाठी मुंबईची संपूर्ण सुरक्षा व्यवस्था डोळ्यात तेल घालून काळजी घेत असते. ही व्यवस्था विस्कळीत होऊ नये, यासाठी सगळ्यांचेच सहकार्य गरजेचे आहे, असं उपाध्ये यांनी म्हटलं आहे.

केशव उपाध्ये म्हणाले, “मराठा समाजाला आरक्षण दिले पाहिजे यासाठी देवेंद्रजींचे सरकार कटिबद्ध आहे व त्यासाठी प्रयत्नही सुरू आहेत. सरकार मराठा समाजाच्या मागण्यांसाठी प्रामाणिक व सकारात्मक आहे. देवेंद्रजीनी मुख्यमंत्री असताना मराठा समाजाच्या आरक्षणाचा श्रीगणेशा केला होता. सरकार मराठा समाजाच्या मागण्यांसाठी प्रामाणिक व सकारात्मक आहे. मराठा समाजातील तरुणांसाठी अनेक योजना सुरू झाल्या आहेत. उध्दव ठाकरे-शरद पवारांच्या सरकारच्या अपयशाने त्यात विघ्न आले व मराठा समाजाला मिळालेले आरक्षण गेले. पण देवेंद्रजी अडचणी दूर करीत मार्ग काढत आहेत. अशावेळी हातात हात घालून, समस्यांचा व अडचणींचा एकत्रितपणे सामना करून सामंजस्याने कोणताही प्रश्न सोडविता यावा यासाठी सरकारसमोर दंड थोपटून उभे राहण्यापेक्षा, सहकार्याचा हात समोर केला तर समाजाचे प्रश्नही सुटतीलच पण सामाजिक सौहार्दही वाढीस लागेल.”