Mumbai Breaking News LIVE Updates: महाराष्ट्र विधिमंडळाच्या अर्थसंकल्पीय अधिवेशनात विरोधकांकडून सत्ताधारी पक्षाला घेरण्याचा प्रयत्न चालू असल्याचं पाहायला मिळत आहे. धनंजय मुंडेंच्या राजीनाम्यानंतर विरोधकांनी अधिक आक्रमकपणे अधिवेशनात सरकारला घेरण्यास सुरुवात केली आहे. त्यापाठोपाठ आता सरकारमधील दुसरे मंत्री माणिकराव कोकाटे यांच्या राजीनाम्याचीही मागणी केली जात आहे.
Maharashtra News Update highlights Today, 06 March 2025 : विधिमंडळाच्या अर्थसंकल्पीय अधिवेशनातील सर्व महत्त्वाच्या बातम्या
पुरणपोळी जाणिवेची तरुणांचा अनोखा उपक्रम…
ठाणे : संघ विचाराने प्रेरित होऊन प्रताप व्यायाम शाळा सेवा संस्था आणि अविरत थोडं सोशल यांच्या वतीने ‘एक पुरणपोळी जाणिवेची २०२५’ या उपक्रमाचे आयोजन करण्यात आले आहे. होळीच्या दिवशी म्हणजे १३ मार्च रोजी संध्याकाळी ४ ते ८ यावेळेत पुरणपोळ्या संकलित केल्या जाणार आहेत.
बस वाहकाचा प्रामाणिकपणा; रोख व मूळ कागदपत्रे…
गोंदिया:- सध्याच्या काळात माणुसकी हरवत चालली व स्वार्थी पणाच्या समाजात प्रामाणिकपणा औषधाला मिळेनासा झाला आहे की काय ? आपले सख्खे अगदी जवळचे ही मतलबी झाले आहेत असे व्यवहारात बोलले जाते.
कर्मचाऱ्यांच्या घोषणांनी दुमदूमले सात बस आगार, एसटी कामगार संघटनेची निदर्शने
बुलढाणा : वर्षानुवर्षे रखडलेल्या विविध प्रलंबीत मागण्याकडे राज्य परिवहन महामंडळ प्रशासनाचे लक्ष वेधण्यासाठी महाराष्ट्र एसटी कामगार संघटना ( महाराष्ट्र स्टेट ट्रान्सपोर्ट कामगार संघटना ) च्या वतीने राज्यव्यापी आंदोलन करण्यात आले. संघटनेच्या वतीने बुधवारी, पाच मार्च रोजी पुकारण्यात आलेल्या या आंदोलनाला बुलढाणा जिल्ह्यात उत्साही प्रतिसाद मिळाला आहे .
‘एमएमआर’ क्षेत्रात झोपडपट्टी पुनर्वसन योजना प्रभावीपणे राबवा, प्रदेश कार्याध्यक्ष रवींद्र चव्हाण
कल्याण : मुंबई महानगर प्रदेश विकास प्राधिकरण क्षेत्र हद्दीत खासगी आणि सरकारी जमिनीवर झोपडपट्टी पुनर्वसन योजना प्रभावीपणे राबविण्यात यावी. प्रत्येक लाभार्थी घटकाला या योजनेचा लाभ मिळाला पाहिजे यादृष्टीने प्रयत्न करण्याच्या सूचना भाजपचे प्रदेश कार्याध्यक्ष रवींद्र चव्हाण यांनी बुधवारी झोपडपट्टी पुनर्वसन योजनेच्या मुंंबईतील अधिकाऱ्यांना दिले.
समलैंगिक संबंधासाठी वृद्धाकडून बळजबरी, तरुणाने चाकूने भोसकले अन्…
नागपूर : शासकीय नोकरीतून निवृत्त झालेल्या एका ६५ वर्षीय वृद्धाला समलैंगिक संबंध ठेवण्याची सवय होती. त्यासाठी त्याने घराच्या काही अंतरावर सुरु असलेल्या एका युवकाला घरी बोलावले. त्याला खाऊ-पिऊ घालून समलैंगिक संबंध ठेवण्यास सांगितले. मात्र, त्याने नकार दिला. वृद्धाने त्याच्यावर बळजबरी करण्याचा प्रयत्न केला असता त्या युवकाने त्याच्यावर चाकूने हल्ला करीत ठार केले.
सविस्तर वाचा
खासदार सुनेत्रा पवारांची पिंपरी- चिंचवड महानगरपालिकेला सरप्राईज भेट; खासदार झाल्यानंतर सुनेत्रा पवार पहिल्यांदाच..
पिंपरी- चिंचवड महानगरपालिकेमध्ये आज राज्याचे उपमुख्यमंत्री अजित पवार यांच्या पत्नी आणि खासदार सुनेत्रा पवार यांनी अचानक भेट दिली. प्रशासक तथा आयुक्त शेखर सिंह तल्यांच्यासोबत बैठक घेतली. यावेळी राष्ट्रवादी अजित पवार यांच्या पक्षाचे कार्यकर्ते, पदाधिकारी उपस्थित होते.
दिव्याला स्वतंत्र पोलीस ठाण्याची निर्मिती करा, ठाकरे गटाची ठाणे पोलीस आयुक्तांकडे मागणी
ठाणे : ठाणे महापालिकेच्या हद्दीत येत असलेल्या दिवा शहराची लोकसंख्या पाच लाखाच्या पुढे गेली असून येथील नागरिकांच्या सुरक्षेच्या दृष्टीकोनातून दिव्याला स्वतंत्र पोलीस ठाण्याची निर्मिती करण्यात यावी, अशी मागणी ठाकरे गटाने ठाणे पोलीस आयुक्तांकडे केली आहे.शिवसेना ( उद्धव बाळासाहेब ठाकरे ) पक्षाचे कल्याण जिल्हा प्रमुख दीपेश म्हात्रे यांच्या नेतृत्वाखाली दिवा शहर संघटक रोहिदास मुंडे यांनी ठाणे पोलीस आयुक्त आशुतोष डुंबरे यांची भेट घेऊन त्यांना निवेदन दिले.
डोंबिवलीतील नगरसेवकांच्या बेकायदा बांधकामाविरुध्द आझाद मैदानात बेमुदत उपोषण
कल्याण : डोंबिवली पश्चिमेतील एक माजी नगरसेवक आणि एका ज्येष्ठ माजी नगरसेवकाच्या मुलाने बनावट कागदपत्रांच्या आधारे जुनी डोंबिवली, ठाकुरवाडी भागात तीन ते चार बेकायदा इमारतींची उभारणी केली आहे. या बेकायदा इमारती उभारताना बनावट कागदपत्रे तयार करून या कागदपत्रांची सह दुय्यम निबंधक कार्यालयातून दस्त नोंदणी करण्यात आली आहे.
कुणी आमदार पत्र देतो अन् नगरविकास मंत्री बंदी आणतात, सर्वोच्च न्यायालयाचेही ऐकत नाही; हायकोर्टाने आता…
नागपूर : दुकानांच्या लिलावाबाबत चिखलदऱ्याचा एक आमदार पत्र पाठवतो आणि तत्कालीन नगरविकास विभागाचे मंत्री काहीही कारण न देता बंदी आणतात, अशाप्रकारचे मौखिक ताशेरे मुंबई उच्च न्यायालयाच्या नागपूर खंडपीठाने वणीमधील दुकानांच्या लिलाव प्रकरणात ओढले.
एकनाथ शिंदेंच्या नगरविकास मंत्रालयात चाललंय काय? आता नियोजन विभाग बंद करण्याची वेळ…
नागपूर : महाराष्ट्र प्रादेशिक नगररचना कायद्याच्या अंतर्गत खुल्या भूखंडाच्या आरक्षणाबाबत निर्णय घेणारा राज्याच्या नगरविकास मंत्रालयाचा नियोजन विभाग बंद करण्याची वेळ आली आहे, अशा शब्दात मुंबई उच्च न्यायालयाच्या नागपूर खंडपीठाने विभागाच्या निष्क्रियतेवर संताप व्यक्त केला.
कृषक भूखंडाच्या अकृषक रजिस्ट्रीने खळबळ; बांधकाम व्यावसायिक, अधिकारी व दलालांचा सहभाग
चंद्रपूर : महापालिकेने ना-हरकत प्रमाणपत्र देण्यास स्पष्ट नकार दिलेल्या कृषक भूखंडाची ‘रजिस्ट्री’ सहाय्यक दुय्यम निबंधक कार्यालयाने केल्याचा धक्कादायक प्रकार समोर आला आहे. भूखंड खरेदी विक्री करणारे दलाल व या कार्यालयातील अधिकाऱ्यांची या प्रकरणात सक्रिय भूमिका आहे.
सविस्तर वाचा
रणरणत्या उन्हात ‘अग्नी’परीक्षा! विदर्भातील विद्यार्थ्‍यांना चटके सहन करत…
अमरावती : राज्यातील सर्व माध्यमांच्या आणि सर्व व्यवस्थापनांच्या शाळांतील पहिली ते नववीच्या विद्यार्थ्यांसाठी घेतल्या जाणाऱ्या संकलित मूल्यमापन चाचणी-२ चे वेळापत्रक राज्य शैक्षणिक संशोधन आणि प्रशिक्षण परिषदेने (एससीईआरटी) जाहीर केले आहे. त्यानुसार ८ ते २५ एप्रिल या कालावधीत ही चाचणी होणार आहे.
राजकीय हेवेदावे विसरून सर्वपक्षीयांचा एल्गार, वाल्मीक कराडच्या फाशीसाठी बुलढाण्यातून थेट मुख्यमंत्र्यांना…
बुलढाणा: बीड जिल्ह्यातील मस्साजोग येथील सरपंच संतोष देशमुख यांच्या निर्घृण हत्येचा निषेध आणि या हत्येतील मुख्य आरोपी वाल्मीक कराड यांच्यासह सर्व आरोपींना फाशीची शिक्षा देण्यात यावी, या मागणीसाठी बुलढाणा येथे सर्वपक्षीयांचे वतीने निदर्शने करण्यात आले. यावेळी जोरदार घोषणाबाजी करून जिल्हाधिकाऱ्याच्या मार्फत मुख्यमंत्र्यांना वरील मागणीचे निवेदन देण्यात आले.
शिवभोजन योजनाच उपाशीपोटी ? उपमुख्यमंत्री शिंदे हा ‘ मानबिंदू ‘ जपतील अशी आस
वर्धा :करोना काळाची एक आठवण म्हणजे शिवभोजन योजना. लॉक डाउन काळात ती सूरू झाली. गरजू गरिबास त्या काळात कमी दरात जेवण उपलब्ध करून देण्याचा हेतू त्यामागे होता. मात्र त्यास मिळत असलेला प्रतिसाद पाहून योजना आजही सूरू आहे. पण आता आचके देत आहे.
ठाण्यातील दुकानाला लागली आग, दुकानातील साहित्यासह परिसरातील तीन दुचाकी जळल्या
ठाणे येथील माजीवडा भागातील सिद्धार्थनगर परिसरातील एका इमारतीजवळ गुरुवारी पहाटे आग लागली. या आगीत एका दुकानातील सीसीटीव्ही, संगणक, इतर साहित्य तसेच परिसरातील तीन दुचाकी जळून नुकसान झाले.
टोळक्याचा डॉक्टरच्या घरात धुडगूस
नाशिक : तुमच्या खात्यात टाकलेले २० लाख रुपये कुठे आहेत, ते आम्हाला परत द्या, असे दरडावत सहा जणांच्या टोळक्याने डॉक्टरच्या घरात धुडगूस घातला. शहरातील कॉलेज रोडवरील येवलेकर मळा भागात ही घटना घडली. यावेळी टोळक्याने कुटुंबियांना धक्काबुक्की करुन डॉक्टरच्या भावास मारहाण केली.
खळबळजनक! अवैध रेती, खनिज वाहतुकीत महसूल मंत्र्यांपासून गृहमत्रांपर्यंत ‘देणे-घेणे’ ; सत्ताधारी आमदाराकडून घरचा आहेर, जयंत पाटील यांनी…
भंडारा : मोहाडी तुमसर विधानसभा क्षेत्रात अवैधरित्या सुरु असलेले रेती, मॅगनीज व गौण खनिज वाहतुक त्वरित बंद करण्यात यावी असे पत्र या क्षेत्राचे आमदार राजू कारेमोरे यांनी मोहाडी तहसिलदार यांना पाठवले आहे.
डोंबिवलीत नोकरी लावण्याचे आमिष दाखवून आठ लाखाची फसवणूक
डोंबिवली : डोंबिवली पश्चिमेतील कोपर गावमध्ये राहणाऱ्या एका नागरिकाची आंबिवली मोहने येथील एका व्यक्ती आणि साथीदारांनी नोकरी लावण्याचे आमिष दाखवून आठ लाख ६७ हजार रूपयांची फसवणूक केली आहे. नोकरी न लावता घेतलेले पैसेही इसमाने परत न केल्याने अखेर डोंबिवलीतील नागरिकाने संबंधितांविरुध्द मानपाडा पोलीस ठाण्यात तक्रार केली आहे.
कंपनीत नोकरी देताना महिलेकडे शरीर सुखाची मागणी, एमआयडीसीतील कंपनी मालका विरुध्द गुन्हा
डोंबिवली : डोंबिवली एमआयडीसीतील सोनारपाडा भागात एका कंपनी मालकाने एका महिलेला आपल्या कंपनीत स्वीय साहाय्यक पदावर नेमणूक दिली. ही नेमणूक देताना कंपनी मालकाने महिलेला हे पद सांभाळत असताना आपणास माझ्या बरोबर शरीर संबंध ठेवावे लागतील, असे फोनवरून सांगितले.
डहाणू : गुजरात मधील समुद्रात मासेमारी बोटीवर काम करण्यासाठी गेलेल्या तलासरी तालुक्यातील झाई येथील चार खलाशी कामगारांचा बोट अपघातात दुर्दैवी मृत्यू झाला आहे.
खारेगावमध्ये उभे राहणार छोटेखानी नाट्यगृह
ठाणे : खारेगाव येथील नाट्यगृहाच्या आरक्षणाच्या जागेवर छोटेखानी नाट्यगृहासह इतर सुविधा क्रीडा संकुल याची आखणी करून त्याचा सविस्तर आराखडा करण्याचे निर्देश खासदार डॉ. श्रीकांत शिंदे यांनी पालिका प्रशासनाला बुधवारी बैठकीत दिले. छोटेखानी नाट्यगृहासह इतर सुविधा क्रीडा संकुल याची आखणी करून त्याचा सविस्तर आराखडा करण्याचे निर्देशही त्यांनी बैठकीत दिले.
सिंहस्थासाठी ३०० नवीन बस उपलब्ध करा, सीमा हिरे यांची परिवहन मंत्र्यांकडे मागणी
नाशिक : विभागात सात वर्षात सुमारे ३०० बस कालबाह्य झाल्या असून सध्या केवळ ७५० बसेस कार्यरत आहेत. यामुळे प्रवाशांची गैरसोय होत असून सिंहस्थात गंभीर स्थिती निर्माण होऊ शकते. याकडे लक्ष वेधत बसेसचा तुटवडा दूर करण्यासाठी नाशिकसाठी ३०० नवीन बस तातडीने उपलब्ध कराव्यात, अशी मागणी आमदार सीमा हिरे यांनी परिवहनमंत्री प्रताप सरनाईक यांच्याकडे केली.
ठाण्यात उभे राहणार कन्व्हेंक्शन सेंटर, कन्व्हेंक्शन सेंटरमध्ये २६० मीटर उंचीची प्रेक्षक गॅलरी
ठाणे : ठाणे महापालिका क्षेत्रात मोघरपाडा जवळ खाडी किनारी २६० मीटर उंचीची प्रेक्षक गॅलरी उभारणीचा निर्णय प्रशासनाने घेतला आहे. याशिवाय, कन्व्हेंक्शन सेंटर, शॉपिंग मॉल, कार्यालये आदीचा त्या क्षेत्रात विकास होणार आहे. प्रस्तावित प्रकल्प आर्थिकदृष्ट्या व्यवहार्य कसे होतील, यावर महापालिका मुख्यालयात महत्वाची बैठक पार पडली.
Suresh Dhas on Satish Bhosle: सुरेश धस म्हणतात, “सतीश भोसले मागे काय करतो मला कसं कळणार?”
सतीश भोसलेला मी ओळखतो. तो कधीकधी मला भेटायला येतो. पण मागे तो काय करतो हे मला कसं माहिती असणार? अशा लोकांवर १०० टक्के कारवाई झाली पाहिजे – सुरेश धस
लाडकी बहीण योजना : अपात्र बहिणींमुळे पात्र बहिणींची कोंडी; अनुदानाची प्रतिक्षाच…
अमरावती : अमरावती जिल्ह्यात मुख्यमंत्री लाडकी बहीण योजनेअंतर्गत लाभार्थी महिलांच्या पात्रतेची व्यापक तपासणी आता जवळपास पूर्ण झाली असून सुमारे १० हजार ३०० महिला अपात्र असल्याचे स्पष्ट झाले आहे. त्यांच्याकडील चारचाकी वाहनांची पडताळणी अंगणवाडी सेविका करीत आहेत. त्या दहा हजारावर महिला लाभार्थींची पडताळणी पूर्ण न झाल्याने जिल्ह्यातील ६ लाख लाभार्थी महिलांचा फेब्रुवारीचा लाभ थांबला आहे.
काय सांगता! महिनाभराआधीच उभारली जाते होळी, महाराष्ट्रातील ‘या’ ठिकाणचा इतिहास काय?
अमरावती : श्री अंबादेवी मंदिरासमोरील होळीला सुमारे दोनशे वर्षांचा सांस्कृतिक वारसा आहे. ती नवसाची होळी म्हणून प्रसिद्ध आहे. अंबामातेच्या दर्शनासाठी येणारे भाविक या होळीला मोठ्या भक्तिभावाने नारळाची ओटी बांधतात.
सोन्याच्या बदामापायी वडिलांनी केला मुलाचा दगडाने ठेचून खून
सोलापूर : नातवाचा सोन्याचा बदाम घेतल्यानंतर परत न दिल्याच्या कारणावरून झालेल्या भांडणात वडिलांनी तरुण मुलाचा दगडाने ठेचून खून केल्याची घटना बार्शी तालुक्यातील कोरफळे येथे घडली. याप्रकरणी बार्शी तालुका पोलीस ठाण्यात गुन्हा दाखल झाला असून, संशयित हल्लेखोर वृद्धाला अटक करण्यात आली आहे.
शिक्षण संस्थांमध्ये लोकशाही पध्दतीने कारभार व्हावा, कृती समितीची मागणी
मालेगाव : अनेक लोकांच्या त्यागातून उभ्या राहिलेल्या महात्मा गांधी विद्यामंदिर आणि आदिवासी सेवा समिती या दोन्ही शिक्षण संस्था विशिष्ट कुटुंबाच्या दावणीला बांधल्या गेल्याचा आरोप करत सभासद संख्या वाढवून या संस्थांमधील कारभार लोकशाही पद्धतीने सुरू व्हावा, म्हणून शासन स्तरावरून योग्य ती कार्यवाही केली जावी, अशी मागणी संस्था बचाव कृती समितीतर्फे करण्यात आली आहे.
Anjali Damania Ultmatum to Devendra Fadnavis: अंजली दमानियांचा देवेंद्र फडणवीसांना अल्टिमेटम
सुरेश धसांचा मारहाण करणारा कार्यकर्ता उद्या वाल्मिक कराड होणार आहे. सतीष भोसले कोण आहे? आजच्या आज त्याच्यावर गुन्हा दाखल व्हायला हवा. सतीश भोसले सुरेश धसांना बॉस म्हणतो. अंगावर भरगच्च सोनं घालून कसला धाक दाखवायचा आहे? देवेंद्र फडणवीसांना असा महाराष्ट्र नको असेल, तर त्यांनी अधिवेशनात या सतीश भोसलेवर निवेदन करायला हवं. नाहीतर मी अधिवेशनाच्या बाहेर येऊन आंदोलनाला बसेन. देवेंद्र फडणवीस जोपर्यंत निवेदन करणार नाहीत, तोपर्यंत मी तिथे बसून राहीन. आजचा दिवस मी वाट पाहीन, उद्यापासून मी अधिवेशनाबाहेर ठिय्या देऊन बसणार आहे. आता हे सगळे धंदे बास झाले. महाराष्ट्रात आता अशी दहशत नको – अंजली दमानिया
भय्याजी जोशींनी महाराष्ट्रात येऊन मराठी भाषेचा अपमान करण्याची गरज नाही. मी म्हणतो ते इतर प्रांतात जाऊन त्या भाषेविषयी असं बोलू शकतात का? माझं आव्हान आहे, चेन्नई, कलकत्ता, बंगळुरूत जा आणि तिथे त्या त्या प्रांताची भाषा चालणार नाही असं बोलून दाखवा. फक्त महाराष्ट्रात हिंमत कशी होते? कारण इथे लाचार आणि मिंध्यांचं सरकार आहे – संजय राऊत</p>
संदर्भ – भय्याजी जोशींनी मुंबईतील मराठी भाषेसंदर्भात केलेलं विधान चर्चेत आलं आहे. ” मुंबईची कुठलीही एक भाषा नाही, मुंबईच्या अनेक भाषा आहेत. वेगवेगळ्या भागात वेगवेगळी भाषा असते. जशी घाटकोपर परिसराची भाषा गुजराती आहे. त्याचप्रमाणे तुम्हाला गिरगावात हिंदी बोलणारे कमी सापडतील. तिथे तुम्हाला मराठी भाषा बोलणारे लोक दिसतील. मुंबईत येणाऱ्या व्यक्तीने मराठी शिकलं पाहिजे असं काही नाही”, असं भय्याजी जोशी म्हणाल्यावरून वाद निर्माण झाला आहे.
मुख्यमंत्री देवेंद्र फडणवीस, धनंजय मुंडे, (फोटो-संग्रहित छायाचित्र)