Raj Thackeray-Uddhav Thackeray Vijayi Rally Highlights: ‘चौथ्या फोटोतील राजकीय मनोमिलन किती दिवस टिकणार?’, शिंदेंच्या शिवसेनेची खोचक टीका

मराठी म्हणून तुम्ही लोक एकत्र आल्यानंतर तुम्हाला जातीमध्ये विभागले जाईल, असे राज ठाकरे यांनी म्हटले. मीरा रोड येथे मारहाण झाली, तो गुजराती होता, हे कुणालाही माहीत नव्हतं. बाचाबाचीत एका व्यक्तीला मारलं, तो गुजराती होता म्हणून मारलेलं नाही. अजून आम्ही काहीच केलेले नाही.

आमची मुलं इंग्रजी शाळेत शिकत आहेत, असा युक्तिवाद सत्ताधारी करत आहेत. त्यांच्या या दाव्याला काही अर्थ नाही. कारण बाळासाहेब ठाकरे आणि माझे वडील श्रीकांत ठाकरे इंग्रजी शाळेत शिकले, पण त्यांच्या मराठी अभिमानाद्दल कुणाला संशय आहे का? तसेच लालकृष्ण आडवाणी मिशनरी हायस्कूलमध्ये शिकले. त्यांच्या हिंदुत्वाबद्दल कुणाला शंका आहे का? असे राज ठाकरे यांनी म्हटले.

मुंबईला महाराष्ट्रापासून वेगळी करण्यासाठी आधी भाषेला हात घातला. यांनी चाचपडून पाहिले. पण विरोध झाल्यानंतर मागे हटले. परत मराठी भाषेला हात लावून दाखवा असे आव्हान राज ठाकरे यांनी दिले.

हिंदीची सक्ती कशाला करता? असे विचारताना राज ठाकरे म्हणाले की, हिंदी बोलणारे राज्य मागास आहेत आणि हिंदी न बोलणारे राज्य प्रगत आहेत. मग आम्ही हिंदी शिकून असा काय विकास होणार आहे?

हिंदी सक्तीबाबत बोलताना राज ठाकरे म्हणाले कुणालाही न विचारता हिंदी सक्ती कशासाठी? तुमच्याकडे सत्ता आहे म्हणून का? तुमची सत्ता विधानभवनात. इथं रस्त्यावर आमची सत्ता आहे, असे राज ठाकरे यांनी सुनावलं.

राज ठाकरे म्हणाले की, आम्हा दोघा भावांना एकत्र आणणं बाळासाहेबांना जमलं नाही ते देवेंद्र फडणवीस यांनी करून दाखवलं, असं म्हणत राज ठाकरे यांनी आपल्या भाषणाची जोरदार सुरुवात केली.

Eknath Shinde Jai Gujarat slogan : संजय राऊत म्हणाले, “गुजरातमधील बडोदा येथे गायकवाड घराण्याचं राज्य होतं. परंतु, मोदी-शाह तिथे जाऊन ‘जय महाराष्ट्र’ म्हणत नाहीत.” …सविस्तर वाचा

वरळी येथील विजयी सभेला इतर पक्षाचेही काही नेते उपस्थित राहिले आहेत. राष्ट्रवादी काँग्रेस (शरद पवार) पक्षाच्या सुप्रिया सुळे, रासपचे महादेव जानकर, माजी खासदार भालचंद्र मुणगेकर असे अनेक नेते यावेळी उपस्थित आहेत.

ठाकरे बंधूंच्या सभेसाठी राज्याच्या कानाकोपऱ्यातून दोन्ही नेत्यांना माननारे समर्थक आले आहेत. एका गुजराती व्यक्तीनंही या सभेला हजेरी लावली असून “मी कट्टर हिंदू आहे, मी गुजराती आहे”, असा फलक हातात दाखवत मराठी भाषेचा सन्मान ठेवावाच लागणार, असे म्हटले आहे.

ठाकरे बंधूंच्या विजयी मेळाव्यासाठी प्रसिद्ध दहीहंडी पथक ‘जय जवान’ पथक वरळी डोम येथे मानवी मनोरा रचून या विजयी सभेला सलामी देत आहे.

See more

वरळी डोम येथे ठाकरे बंधूंच्या एकत्रित विजयी सभेसाठी कार्यकर्ते सकाळपासूनच येऊ लागले आहेत. यावेळी एका ज्येष्ठ कार्यकर्त्याने सांगितले की, १९ वर्ष लागले पण अखरे ठाकरे बंधू एकत्र आले आहेत. आता त्यांनी भाजपाला धडा शिकवावा, अशाही भावना कार्यकर्त्यांनी व्यक्त केल्या.

उपमुख्यमंत्री एकनाथ शिंदे यांनी पुण्यातील कार्यक्रमात केंद्रीय गृहमंत्री अमित शाहांसाठी शेर ऐकवून दाखवला होता. याबाबत शिवसनेचे (ठाकरे) नेते संजय राऊत यांना प्रश्न विचारला असता ते म्हणाले की, सत्तेसाठी शिंदे शेर-शायरीच काय तर मुजराही करतील.

मराठीचा अपमान कुणी करत असेल तर त्याच्या कानाखाली पडेलच, असे विधान संदीप देशपांडे यांनी केले आहे. वरळी येथील सभेची जोरदार तयारी सुरू असल्याचेही त्यांनी सांगितले.

Ramdas Athawale on Language Row : केंद्रीय राज्यमंत्री व रिपब्लिकन पार्टी ऑफ इंडियाचे (आठवले गट) प्रमुख रामदास आठवले यांनी राज्यातील आक्रमक आंदोलनांवर नाराजी व्यक्त केली आहे. …अधिक वाचा

Eknath Shinde : एकनाथ शिंदेंवर होत असलेल्या टीकेबाबत शिवसेनेने (शिंदे) म्हटलं आहे की “गुजराती बांधवांचे कौतुक करणाऱ्यालाही विरोध करणाऱ्या, या विघ्नसंतोषी आणि स्वार्थी राजकारणाचा धिक्कार करावा तितका थोडाच आहे.” …अधिक वाचा

व्यावसायिक सुशील केडियानं सोशल मीडियावर पोस्ट करत मराठी बोलण्यास स्पष्ट नकार दिला होता. त्यानंतर आता उपमुख्यमंत्री अजित पवार यांनी यावर आपली भूमिका व्यक्त केली आहे. वाचा सविस्तर बातमी