Maharashtra Political New Live Updates, 18 November 2025 : स्थानिक स्वराज्य संस्थांच्या निवडणुकांच्या पार्श्वभूमीवर राज्याच्या राजकारणात मोठी उलथापालथ होत आहे. काही ठिकाणी महायुती व महाविकास आघाडी फुटली आहे तर काही ठिकाणी कट्टर शत्रू एकत्र आल्याचं चित्र पहायला मिळत आहे. अशातच नाशिक-मालेगावमध्ये भाजपाने शिवसेनेला (उबाठा) धक्का दिला आहे. नाशिकमधील शिवसेनेचे (उबाठा) उपनेते अद्वैत हिरे यांनी भारतीय जनता पार्टीत प्रवेश केला आहे.
दुसऱ्या बाजूला पुण्यातील मुंढवा येथील जमीन गैरव्यवहारप्रकरणी उपमुख्यमंत्री अजित पवार यांचे पुत्र पार्थ पवार यांच्या अमेडिया कंपनीला स्वतःचं म्हणणं मांडण्यासाठी २४ नोव्हेंबरपर्यंत मुदत देण्यात आली आहे. ४२ कोटी रुपयांच्या नोटिशीवर कंपनीने १४ दिवसांची मुदत मागितली होती.
मुंबई, ठाणे, नवी मुंबईत सीएनजीचा पुरवठा अद्याप पूर्ववत झालेला नाही. काही सीएनजी पंपांवर वाहनांच्या लांबच लांब रांगा पाहायला मिळत आहेत. सीएनजी पुरवठा करणाऱ्या गेल पाईपलाईच्या दुरुस्तीचं काम आजही चालू राहणार आहे.
Latest Maharashtra News Live Updates : राज्यासह देशभरातील महत्त्वाच्या बातम्या वाचा एकाच क्लिकवर.
‘सात’ अंकासाठी ७’७७’७७७ रुपये मोजणारा हौशी कोण ?… चर्चेला उधाण
ठाण्यात आधीच पाणी टंचाई, त्यात अधिकाऱ्यांच्या कृपेने पाणीचोरी ; शरद पवार गटाच्या आरोपाने खळबळ
आधी खड्ड्यांवरुन फटकारे, मग सत्कारासाठी हार तुरे…व्हायरल चित्रफितीमुळे उपमुख्यमंत्र्यांच्या भूमिकेवर प्रश्नचिन्ह
पुणे शहरातील कोणता भाग सर्वांत थंड? तापमान कधीपासून वाढणार?
पुणे महापालिकेच्या शाळांमध्ये शिक्षकांची किती पदे रिक्त… माहिती अधिकारातून स्थिती उघडकीस…
६ नगरपालिका, २ नगरपंचायतीसाठी तब्बल १ हजार ६७८ जणांची उमेदवारी
गुंठेवारीतील घरे नियमितीकरणाला अल्प प्रतिसाद; मुदतवाढीनंतरही अवघे दोनशे प्रस्ताव
शिवसेना-मनसेत जागावाटपाचा कळीचा मुद्दा
कोरेगाव भीमा अभिवादन सोहळ्यातील सहा कोटी द्यावे… ‘बार्टी’ला पत्र
समरजित घाटगेंनी राष्ट्रवादीची घोर फसवणूक केली; जिल्हाध्यक्ष व्ही. बी. पाटील यांचा आरोप
रायगडमध्ये पुन्हा एकदा सोयीस्कर आघाड्या
राजन साळवींच्या मुलाला उमेदवारी नाकारली; भावनिक पोस्ट करत म्हणाले, “नेतृत्व सोडत आहे”
रत्नागिरी नगरपरिषद निवडणुकीसंदर्भात शिवसेनेने (शिंदे) घेतलेल्या एका निर्णयामुळे स्थानिक राजकारण तापलं आहे. शिवसेनेचे (उबाठा) साथ सोडून एकनाथ शिंदे यांच्या शिवसेनेत (Shiv Sena) गेलेले माजी आमदार तथा नगराध्यक्ष राजन साळवी यांचे पुत्र अथर्व साळवी हे प्रभाग क्रमांक १५ मधून निवगपरिषदेची निवडणूक लढवू इच्छित होते. मात्र, त्यांना उमेदवारी नाकारण्यात आली आहे. यामुळे राजन साळवींना मोठा धक्का बसला आहे. अशात. अथर्व साळवी यांनी एक भावनिक पत्र लिहून समाजमाध्यमांवर शेअर केलं आहे.
अथर्व साळवी यांनी म्हटलं आहे की “मी अथर्व राजन साळवी रत्नागिरी नगरपरिषद निवडणूक २०२५ मध्ये प्रभाग १५ मधून आपल्यासाठी लढण्याची माझी मनापासून इच्छा होती. परंतु महायुतीच्या निर्णयामुळे मला या निवडणुकीतून बाजूला व्हावं लागत आहे… आणि हे सांगताना मन खरंच जड झालं आहे. गेल्या काही दिवसांत माझ्या पाठीशी उभं राहिलेल्या सर्व ज्येष्ठांचे हात, मित्रपरिवाराची साथ, खांद्यावरची थाप देणं – हे सगळं विसरणं माझ्यासाठी शक्यच नाही. तुमचं प्रेम, तुमचा विश्वास… हे माझं खरं बळ आहे.”
“नेतृत्व सोडत आहे पण लोकांची सेवा, तुमच्यासाठी धडपड आणि तुमच्या कामांसाठी धावपळ कधीच सोडणार नाही. निवडणूक नाही… पण जबाबदारी तशीच आहे, आणि ती मी मनापासून निभावणार आहे. आपल्या प्रभागाचा विकास – ही माझी वचनबद्धता आहे. पद असो वा नसो… माझा मार्ग तुम्हालाच सोबत घेऊन जाणार. माझ्यावर विश्वास ठेवणाऱ्या प्रत्येक नागरिकाला सांगू इच्छितो – २४ तास, दिवस असो वा रात्र… कुठलीही अडचण आली तरी मी तुमच्यासाठी उभा आहे. राजकारण बदलू शकतं… पदं येतात-जातात… पण नातं ? ते मात्र कायम राहतं – तुमचं आणि माझं.”
डोंबिवलीत एकनाथ शिंदे यांचा पहिला मोहरा भाजपाच्या गळाला……
नक्षलवाद्यांचा सर्वोच्च कमांडर माडवी हिडमा पत्नीसह चकमकीत ठार; सुरक्षा दलांना मोठे यश
सांगलीतही बिबट्याचा वावर, नागरिकांमध्ये धास्ती
दिल्लीतील स्फोटावरून स्वामी गोविंददेव गिरी यांचा पंतप्रधान मोदींना सल्ला…
वरळी येथील हिट अँड रन प्रकरण: आरोपी मिहीर शहाच्या जामीन अर्जावरील निर्णय राखीव
भाजप, शिवसेनेच्या कुरघोडीने अजित पवार एकाकी
पुणे जिल्ह्यात महायुतीत फूट, आघाडीत बिघाडी… जाणून घ्या प्रत्येक नगरपरिषद आणि नगरपंचायतीच्या निवडणुकांच्या लढती
नगराध्यक्षपदासाठी “मामुली” मतांवर भिस्त; गणिताची आकडेमोड सुरू
विक्रोळी – माटुंगादरम्यान रेल्वे रुळाला तडा, लोकलचे वेळापत्रक विस्कळीत, प्रवाशांना मनस्ताप
ओबीसी मधून निवडणूक लढण्यापूर्वी १०० वेळा विचार करा; न्यायालयात धाव घेणारे याचिकाकर्ते विकास गवळी असे का म्हणतात?
महाराजांचा पुतळा पुन्हा बंदिस्त; ‘गनिमिकाव्याने स्मारक खुले करू’ – मनसेचा इशारा
उमेदवारी नाकारल्याने मानसिक धक्का, शिंदेसेनेच्या महिला प्रमुख बेपत्ता…
Thane CNG Shortage : सीएनजी तुटवड्यामुळे सलग तिसऱ्या दिवशी हाल, बसगाड्यांच्या थांबावर रांगा, अनेकांची पायपीट
नागपूर ‘आरटीओ’त चाललंय तरी काय? अधिकाऱ्याला अडकवण्यासाठी कटकारस्थान; परिवहन अधिकाऱ्यांची नीतिमत्ता रसातळाला….
मध्य रेल्वेची वाहतूक विस्कळीत
मध्य रेल्वेच्या विक्रोळी व कांजूरमार्ग रेल्वे स्थानांदरम्यान रेल्वे रुळाला तडे गेले आहेत. त्यामुळे वाहतूक विस्कळीत झाली असून २० ते २५ मिनिटे उशिराने गाड्या धावत आहेत.
अमित ठाकरे म्हणाले, “एकच सांगतो, तो कपडा आम्ही पुन्हा काढून फेकू. कारण महाराजांच्या दर्शनाचा हक्क प्रत्येकाला आहे. महाराजांचा अपमान आम्ही एका क्षणासाठीही सहन करणार नाही. छत्रपती शिवाजी महाराज हे आपल्या महाराष्ट्राचं आराध्य दैवत आहेत. त्यांच्या सन्मानासाठी जे काही सहन करावं लागेल, ते सगळं आम्ही आनंदाने सहन करू.”
माझ्या राजकीय आयुष्यातील पहिली केस ही छत्रपती शिवाजी महाराजांसाठी आहे…
— Amit Thackeray (@amitrthackeray) November 17, 2025
याचा मला अभिमान आहे!!!
काल माझ्या सहकाऱ्यांसह विधिवत आरती करून महाराजांच्या पुतळ्याचे लोकार्पण केले गेले. पण महाराजांच्या पुतळ्यासह सभोवतालच्या मंडपाला आज पुन्हा घाणेरड्या कापडाने झाकून ठेवण्यात आलं आहे. pic.twitter.com/07pRCMDuRW