Raj Thackeray-Uddhav Thackeray Vijayi Rally Highlights: ‘चौथ्या फोटोतील राजकीय मनोमिलन किती दिवस टिकणार?’, शिंदेंच्या शिवसेनेची खोचक टीका

माजी खासदार आणि शिवसेनेचे (शिंदे) नेते संजय निरुपम यांनी एक्सवर एक फोटो शेअर करत ठाकरे बंधूंच्या युतीवर प्रश्न निर्माण केले आहे. यासाठी त्यांनी लालू यादव – नितीश कुमार, अखिलेश यादव – मायावती आणि राहूल गांधी – केजरीवाल यांच्या युतीच्या वेळेसचा फोटो दाखवला आहे. या युत्या फार काळ टिकू शकल्या नाहीत. त्यामुळे त्यांनी चौथा फोटो राज आणि उद्धव ठाकरेंचा दाखवून हे राजकीय मनोमिलन किती दिवस टिकणार? असा प्रश्न उपस्थित केला.

See more

सोशल मीडिया पर ये तस्वीरें दिख गईं तो सोचा आपको भी दिखा दूँ।
राजनीतिक प्रतिद्वंद्वियों के मनोमिलन का हश्र क्या हुआ है, तीन तस्वीरें ज़ोर-जोर से कुछ कह रही हैं।
चौथी तस्वीर के हश्र का इंतज़ार कीजिए।#जयमहाराष्ट्र pic.twitter.com/Fwh6x4uUtS

— Sanjay Nirupam (@sanjaynirupam) July 5, 2025

ठाकरे बंधू २००५ ला एकमेकांपासून वेगळे झाले होते. १८ वर्षांनंतर त्यांना समजले आहे की, दोघांच्या भांडणात तिसऱ्याचा फायदा होत आहे. आपल्याला सत्तेत येऊन मराठी माणसाचे हित साधायचे असेल तर आपल्याला एकत्र येण्याची आवश्यकता आहे, असे त्यांना वाटले असेल. भाजपा असो किंवा एकनाथ शिंदेंची शिवसेना असो यांना या युतीचा नक्कीच फटका बसेल, अशी प्रतिक्रिया एमआयएम पक्षाचे नेते, माजी खासदार इम्तियाज जलील म्हणाले.

मनसेचे पालघरमधील कार्यकर्ते तुलसी जोशी हे आपल्या सहकाऱ्यांसह थेट महाराष्ट्रद्रोही यमाला घेऊन पोहोचले आणि सर्वांच्या नजरा त्यांच्या चमूकडे वळल्या. …अधिक वाचा

महाराष्ट्र नवनिर्माण सेनेच्या (मनसे) कार्यकर्त्यांनी शनिवारी गुंतवणूक विश्लेषक सुशील केडिया यांच्या कार्यालयाची तोडफोड केली. …अधिक वाचा

त्यांनी उद्धव ठाकरे यांची भेट घेतानाचा एक व्हिडीओ एक्स या समाजमाध्यमावर पोस्ट करत या लढ्यात आपण सगळे मराठी लेकरं म्हणून रिंगणात उतरु असे म्हटले आहे. …अधिक वाचा

मुंबई येथील वरळी भागातील एनएससीआय डोम येथे शिवसेना (ठाकरे) आणि मनसेचा हिंदी सक्ती आदेश रद्दच्या निर्णयाचा विजयी मेळावा पार पडला. …सविस्तर बातमी

उद्धव ठाकरे आणि राज ठाकरे यांची एकत्रित सभा पार पडल्यानंतर आता दोन्ही पक्षाच्या सोशल मीडिया हँडलवर ठाकरे ब्रँड आणि मराठी आवाज आणि महाराष्ट्राची ताकद अशा आशयाच्या पोस्ट करण्यात आल्या आहेत.

See more

ठाकरे ब्रँड! pic.twitter.com/XKgBCo6Obg

— ShivSena – शिवसेना Uddhav Balasaheb Thackeray (@ShivSenaUBT_) July 5, 2025

Old Comments Thackery vs Thackeray: राज ठाकरे आणि उद्धव ठाकरे यांचं मनोमिलन झालं आहे. एकत्र आलो आहोत, एकत्र राहू, असे उद्धव ठाकरे म्हणाले आहेत. राज ठाकरेंनीही मराठीसाठी एकत्र आल्याचे म्हटले. मात्र गेल्या काही वर्षांत दोन्ही पक्षांच्या नेत्यांनी एकमेकांवर येथेच्छ टीका केली होती. त्यातील लक्षवेधी ठरलेली विधानं वाचा

राज ठाकरे आणि उद्धव ठाकरेंनी आयोजित केलेल्या विजयी मेळाव्यात मराठी कलाकार का सहभागी होत नाहीत, यावर अभिनेत्री तेजस्विनी पंडितने प्रतिक्रिया दिली आहे. …अधिक वाचा

‘महाराष्ट्रात फक्त, जय महाराष्ट्र’ असे या बॅनरवर म्हटले आहे. त्यावर एकनाथ शिंदे यांचे छायाचित्र आहे. …सविस्तर बातमी

मुंबईतील वरळी येथे हिंदी भाषा सक्ती आदेश रद्द निर्णयाचा विजयी मेळावा पार पडताच एकनाथ शिंदेच्या ट्विटर अकाऊंट वर एका भावावर स्तुती सुमने, तर दुसऱ्यावर जहरी टीका केल्याचे दिसून आले. …सविस्तर बातमी

मनसेचे ठाणे जिल्हा अध्यक्ष अविनाश जाधव यांनी विजयी मेळाव्याच्या व्यासपीठावरील राज ठाकरे आणि उद्धव ठाकरे यांचा एकत्रित छायाचित्र आणि ‘गणपती बाप्पा मोरया’ अशी सुचक पोस्ट फेसबुकवर केली आहे. …वाचा सविस्तर

ठाकरे बंधूंच्या विजयी सभेनंतर आता शिवसेनेच्या (शिंदे) सोशल मीडियावरून या सभेवर टीका होत आहे. मात्र एका बाजूला राज ठाकरेंचं कौतुक आणि दुसऱ्या बाजूला उद्धव ठाकरेंना लक्ष्य केल्याचं दिसत आहे. सर्व प्रवक्तेही फक्त उद्धव ठाकरेंनाच लक्ष्य करताना दिसत आहेत.

एक प्रबोधक, दुसरा प्रक्षोभक

एक उजवा, दुसरा डावा,

एक धाकला असून थोरला

दुसरा थोरला असून धाकला

एक मराठी प्रेमी, दुसरा खुर्चीप्रेमी

एकाच्या मुखी आसूड, दुसऱ्याच्या तोंडी सूड!

एक मराठीचा पुरस्कर्ता, दुसरा तिरस्कर्ता

एक प्रगल्भ, दुसरा वेडापिसा

एकाचा मराठीचा वसा दुसरा भरतोय खिसा

एकाचा स्वतंत्र सवतासुभा

दुसरा नुसताच आयतोबा!

See more

एक प्रबोधक, दुसरा प्रक्षोभक
एक उजवा, दुसरा डावा
एक धाकला असून थोरला
दुसरा थोरला असून धाकला
एक मराठी प्रेमी, दुसरा खुर्चीप्रेमी
एकाच्या मुखी आसूड, दुसऱ्याच्या तोंडी सूड!
एक मराठीचा पुरस्कर्ता, दुसरा तिरस्कर्ता
एक प्रगल्भ, दुसरा वेडापिसा
एकाचा मराठीचा वसा
दुसऱा भरतोय खिसा
एकाचा…

— Shivsena – शिवसेना (@Shivsenaofc) July 5, 2025

Raj Thackeray at Victory Rally : राज ठाकरे म्हणाले, “हिंदी भाषेच्या सक्तीबाबतचाा निर्णय सरकारने मागे घेतला असला तरी पुढच्या काळात हे सत्ताधारी आपल्याला जाती-जातीत विभागण्याचा प्रयत्न करतील.” …अधिक वाचा

उद्धव ठाकरे यांनी उपमुख्यमंत्री एकनाथ शिंदे यांच्यावर नाव न घेता जोरदार टीका केली आहे. …वाचा सविस्तर

Uddhav Thackeray Victory Rally : शिवसेना (ठाकरे) व मनसेने आयोजित केलेल्या विजयी मेळाव्याला संबोधित करताना उद्धव ठाकरे यांनी राज ठाकरे यांच्याबरोबर युतीचे संकेत दिले आहेत. …सविस्तर वाचा

मराठी कधीही बोलणार नाही, अशी भूमिका घेऊन वाद निर्माण करणाऱ्या व्यावसायिक सुशील केडियानं अखेर माफी मागितली आहे. मनसे कार्यकर्त्यांनी आज केडियाचे ऑफिस फोडल्यानंतर सुशील केडियाने एक्सवर पोस्ट करत माफी मागितली. राज ठाकरे यांना टॅग करत त्यांनी इंग्रजीमधून प्रतिक्रिया दिली आणि मराठी भाषेबद्दल जे बोललो ते शब्द मागे घेतो, असे केडिया म्हणाले.

See more

I request @RajThackeray Ji to consider my humble submission. pic.twitter.com/i8zGszgNtW

— Sushil Kedia (@sushilkedia) July 5, 2025

उद्धव ठाकरे यांनी आज राज ठाकेरंना सन्माननीय म्हटले. पण जेव्हा राज ठाकरेंना खरा सन्मान करण्याची गरज होती, तेव्हा तो त्यांनी केला नाही. आज केवळ सत्ता मिळविण्यासाठी उद्धव ठाकरे राज ठाकरेंबरोबर एकत्र येण्यास तयार झाले आहेत, त्यांचा हा सन्मान पुतनामावशीचे प्रेम आहे, अशी टीका भाजपा नेते प्रवीण दरेकर यांनी केली आहे.

मुख्यमंत्री देवेंद्र फडणवीस यांनी गुंडागर्दी करणाऱ्यांना धडा शिकवू असे म्हटले होते. याला उत्तर देताना संजय राऊत म्हणाले की, आम्ही ५० वर्ष गुंडागर्दी केली म्हणूनच फडणवीस हे मुख्यमंत्री होऊ शकले.

भाजपाला कधीही मुंबई गिळंकृत करता येणार नाही, असे विधान संजय राऊत यांनी म्हटले. अदाणी, शाहा असे कितीही लोक एकत्र आले तरी त्यांना मुंबई मिळणार नाही. आज ठाकरे पॉवर एकत्र आली आहे, त्यांनी मुंबईचा नाद सोडावा, असेही ते म्हणाले.

संयुक्त महाराष्ट्र चळवळीत ज्या प्रकारे मराठी माणसाची एकजूट झाली होती, त्याप्रकारची एकजूट आता मराठी माणसांनी करावी. अगदी भाजपामधील मराठी माणसानेही एकत्र यावे, असे आवाहन उद्धव ठाकरे यांनी केले.

ब्राह्मण-ब्राह्मणेत्तर, मराठा-मराठेतर, घाटी-कोकणी हा सर्व वाद बाजूला ठेवून एकत्र या, असे आवाहन बाळासाहेब ठाकरे यांनी केले होते. तेच आज पुन्हा करतो, असे उद्धव ठाकरे म्हणाले.

एक गद्दार काल जय गुजरात बोलला. त्या पुष्पा चित्रपटातला दाढीवाला झुकेगा नही साला म्हणाला. पण हा दाढीवाला उठेगा नही साला म्हणतो. काहीही झालं तरी उठेगा नही, असं म्हणतो, अशा शब्दात उद्धव ठाकरेंनी उपमुख्यमंत्री एकनाथ शिंदेंवर टीका केली.

कुणाच्याही लग्नात भाजपावाल्यांना बोलावू नका. येतील जेवण करतील आणि नवरा-बायकोत भांडण लावून जातील. नाहीतर नवरीला पळवून नेतील. भाजपाचे हेच उद्योग आहेत. भाजपाचे स्वतःचे काहीही नाही, अशी टीका उद्धव ठाकरे यांनी केली.

भाजपाकडून फोडा आणि राज्य करा, अशी निती वापरली जाते. महाराष्ट्रातही बटेंगे तो कटेंगी ही नीती वापरून समाजा-समाजाला वेगळे केले. मराठी माणूस एकमेकांमध्ये भांडत राहिला. आपण त्यांच्या पालख्या वाहिल्या. आपण फक्त पालखीचे भोई होणार की मायमराठीला पालखीत बसवणार? असे उद्धव ठाकरे म्हणाले.

संकट आल्यानंतर मराठी माणूस एकत्र येतो. पण संकट गेल्यानंतर मराठी माणूस एकमेकांत भांडतो. आता हा नतद्रष्टपणा आपण करायाचा नाही, असे उद्धव ठाकरे म्हणाले.

भाजपाकडून एक विधान, एक प्रधान.. असे सांगितले जायचे. नंतर एक देश, एक इलेक्शन ही टूम काढली. आता त्यांच्याकडून ‘हिंदी, हिंदू, हिंदूस्तान’ अशी घोषणा दिली जात आहे. हिंदू, हिंदूस्तान आम्हाला मान्य आहे. पण हिंदी आम्ही माननार नाही, असे उद्धव ठाकरे यांनी म्हटले.

आम्ही हिंदुत्व सोडलं, अशी टीका केली जाते. पण आम्ही मराठी बोलणारे हिंदू आहोत. आमच्याएवढा धर्माभिमानी, कडवट हिंदू दुसरा कुणी नाही. १९९२ च्या दंगलीत हा कडवटपणा आम्ही दाखवून दिला होता.

आम्ही एकत्र आलो आहोत, एकत्र राहण्यासाठी. आमच्या दोघांमधील अंतरपाट अनाजी पंतानी दूर केला, असे विधान उद्धव ठाकरे यांनी भाषणाच्या सुरुवातीला केले.

पुढे काय होईल, ते होईल. मराठीसाठी झालेली ही एकजूट अशीच राहावी, असे आवाहन राज ठाकरे यांनी केले.

जो चूक करेल, त्याला कानाखाली वाजवाच. पण उठसूठ कुणालाही मारण्याची गरज नाही. जर कुणाला मारलं तर त्याचे व्हिडीओ काढू नका, असेही आवाहन राज ठाकरे यांनी केले.