Manoj Jarange Patil Maratha Reservation LIVE: मनोज जरांगे यांना अशक्तपणा आणि कमी रक्तदाबाचा त्रास

आरक्षणाच्या मुद्द्यावरून मराठा कार्यकर्त्यांनी केलेल्या निदर्शनांमुळे मध्य आणि हार्बर मार्गावरील सर्व गाड्या २०-२५ मिनिटे उशिराने धावत आहेत. सोमवारी सकाळी गाड्या १० मिनिटे उशिराने धावत होत्या. कोणत्याही गाड्या रद्द करण्यात आलेल्या नाहीत.

मराठा समाजाला इतर मागासवर्गीय प्रवर्गातून आरक्षण मिळावे, या मागणीसाठी मनोज जरांगे पाटील यांचे मुंबईत आंदोलन सुरू असतानाच प्रहार जनशक्ती पक्षाचे अध्यक्ष बच्चू कडू यांनी कर्जमाफी आंदोलनासाठी पूर्वतयारी चालवली आहे. …सविस्तर बातमी

स्वारगेट भागातील लक्ष्मीनारायण चित्रपटगृहाजवळ महाविद्यालयीन तरुणाचा मोबाइल संच चोरट्यांनी हिसकावून नेल्याची घटना घडली. याबाबत तरुणाने स्वारगेट पोलीस ठाण्यात फिर्याद दिली आहे. …सविस्तर वाचा

मनोज जरांगे पाटील यांच्या आझाद मैदानावर सुरू असलेल्या आंदोलनाविरोधात मुंबई उच्च न्यायालयात याचिका दाखल करण्यात आली होती. या याचिकेवर आता न्यायालयात सुनावणी सुरू असून, मराठा आंदोलक मुंबईत प्रवाशांच्या गाड्या आणि वाहतूक रोखत असल्याची माहिती महाधिवक्त्यांनी दिली आहे.

मनोज जरांगे पाटील मराठा समाजाला आरक्षण मिळावे यासाठी आझाद मैदानावर उपोषणास बसले आहेत. दरम्यान, मनोज जरांगे पाटील यांच्या तपासणीसाठी आझाद मैदानात डॉक्टरांचं पथक दाखल झाले आहे. याला संवाद साधून मनोज जरांगे पाटील यांनी प्रतिसाद दिला आहे. सध्या मनोज जरांगे पाटील यांची वैद्यकीय तपासणी सुरू आहे.

मुंबईतील आझाद मैदानावर मनोज जरांगे पाटील उपोषणाला बसले आहेत. आज त्यांच्या उपोषणाचा चौथा दिवस आहे. यावेळी आझाद मैदानात मनोज जरांगे पाटील यांची राष्ट्रवादी काँग्रेस (शरदचंद्र पवार) पक्षाचे प्रदेशाध्यक्ष शशिकांत शिंदे यांनी भेट घेतली.

या वर्षी मनोज मदन बांदिवडेकर आणि त्यांच्या कुटुंबीयांनी सावंतवाडी रेल्वे स्थानकावर गेल्या दहा वर्षांपासून प्रलंबित असलेल्या टर्मिनसच्या कामाची व्यथा आपल्या सजावटीतून प्रभावीपणे मांडली आहे. …वाचा सविस्तर

दरवर्षीप्रमाणे यंदाही अमरावतीतील गणेशोत्‍सवाच्‍या माध्‍यमातून नागरिकांना विविध तीर्थस्‍थळांचे दर्शन घेण्‍याची संधी प्राप्‍त झाली असून शहरातील सार्वज‍निक गणेशोत्सव मंडळांनी साकारलेले ऐतिहासिक मंदिराचे देखावे तसेच भव्य प्रवेशद्वार लक्षवेधी ठरत आहे. …सविस्तर बातमी

आयरे टावरीपाडा येथील समर्थ कॉम्पलेक्स बेकायदा इमारत ६५ महारेरा बेकायदा इमारत प्रकरणाच्या यादीत आहे. …सविस्तर वाचा

उल्हासनगर पोलीस ठाण्यात गुन्हा दाखल करण्यात आला आहे. हा डिजीटल अरेस्टचा प्रकार असून याप्रकरणी गुन्हाही दाखल करण्यात आला आहे. …अधिक वाचा

मनोज जरांगे पाटील आग्रही आहेत की, राज्य सरकारने मराठवाड्यातील सर्व मराठ्यांना कुणबी म्हणून घोषित करण्याचा सरकारी आदेश जारी करावा. त्यांच्या मागण्यांमध्ये हैदराबाद आणि सातारा राजपत्रात सूचीबद्ध असलेल्या सर्व मराठ्यांना ओबीसी कोट्याचा लाभ घेण्यासाठी कुणबी प्रमाणपत्रे देण्यात यावीत.

मुंबईत सुरू असलेल्या मनोज जरांगे पाटील यांच्या आंदोलनामुळे, मुंबई वाहतूक पोलिसांनी सोमवारी दक्षिण मुंबईकडे जाताना प्रवाशांना सूचनांचे पालन करण्यास सांगितले आहे. “सध्या सुरू असलेल्या आंदोलनामुळे दक्षिण मुंबईकडे जाताना वाहतूक मंदावण्याची आणि कधीकधी अडथळा येण्याची शक्यता आहे. गैरसोय टाळण्यासाठी वाहतूक चौकांवर दिलेल्या सूचनांचे पालन करा”, असे वाहतूक पोलिसांनी एक्सवरील एका पोस्टमध्ये म्हटले आहे.

मध्य रेल्वेच्या प्रवक्त्यांनी सर्व कार्यालयीन आणि प्रवाशांना थोडासा विलंब झाल्यामुळे “बफर टाइम लक्षात घेऊन” त्यांच्या प्रवासाचे नियोजन करण्याची विनंती केली आहे.

मराठा आरक्षण कार्यकर्ते मनोज जरंगे पाटील यांच्या बेमुदत उपोषणामुळे सोमवारी सलग चौथ्या दिवशी छत्रपती शिवाजी महाराज टर्मिनस स्थानकाबाहेर काही बस सेवा बंद ठेवण्यात आल्या, तर काही बस सेवा मोठ्या प्रमाणात विस्कळीत झाल्या आहेत. जरांगे पाटील यांचे समर्थक आज सकाळीही सीएसएमटी स्थानकाबाहेर मोठ्या संख्येने जमले होते.

अंतरवाली सराटीत आज ओबीसी आंदोलक आंदोलन करणार आहेत. मात्र, या आंदोलनाला पोलिसांनी परवानगी नाकारलेली आहे. तरीही आंदोलनाचा अधिकार असल्याचे म्हणत आक्रमक पवित्रा घेत ओबीसींचे बाबासाहेब बटुळे आणि बाबासाहेब दखने हे अंतरवाली सराटीच्या सोनिया नगरमध्ये आमरण उपोषण करणार आहेत. त्यामुळे आंदोलनस्थळी पोलिसांचा मोठा फौजफाटा तैनात करण्यात आला आहे.

Manoj Jarange Patil Maratha Reservation Protest Updates : मराठा आरक्षण आंदोलनाचे नेते मनोज जरांगे-पाटील यांनी २९ ऑगस्टपासून मुंबईत सुरू केलेल्या आंदोलनाविरोधात केलेल्या जनहित याचिकेवर सोमवारी दुपारी तातडीची सुनावणी होणार आहे. …सविस्तर बातमी

Maratha Reservation Protesters: दरम्यान, यावेळी काही आंदोलकांनी शेअर बाजाराचे मुख्यालया असलेल्या नॅशनल स्टॉक एक्सचेंजमध्येही ७ ते ८ आंदोलकांनी प्रवेश करण्याचा प्रयत्न केल्याचे वृत्त आहे. …सविस्तर बातमी

जिन्याचा रस्ता अडवून व्यवसाय करणाऱ्या फेरीवाल्यावर कल्याण डोंबिवली पालिकेच्या ग प्रभागाचे साहाय्यक आयुक्त भारत पवार यांनी रविवारी रात्री दहा वाजता मुसळधार पावसात कारवाई केली. …सविस्तर वाचा

नवी मुंबईतील कोपरखैरणे येथील शेलार कुटुंबीयांनी वाचनाची आवड आणि त्याच वाचनाचं आवडीतून हॅरी पॉटर कादंबरीतील दुनिया साकारली. …सविस्तर वाचा

मनोज जरांगे पाटील यांच्या उपोषणास पाठिंबा देण्यासाठी हजारो मराठा आंदोलक मुंबईत दाखल झाले आहेत. दरम्यान हे आंदोलक सीएसएमटी स्थानक परिसरात विटी-दांडू खेळत असल्याचे फोटो सोशल मीडियावर व्हायरल झाले आहेत.

Manoj Jarange Patil Maratha Reservation Protest Updates : आझाद मैदान या उपोषणस्थळी जरांगे पाटील हे समोसा खात असताना या चित्रफितीत दाखवण्यात आले आहे. …सविस्तर वाचा

BEST Bus Route Diversions :बेस्ट बस थांब्यावर बराच वेळ उभे राहून सुद्धा बस येत नसल्याने प्रवाशांना मनस्ताप सहन करावा लागत आहे. …अधिक वाचा

आज राज्याचे अन्न नागरी पुरवठा व ग्राहक संरक्षण मंत्री छगन भुजबळ यांच्या उपस्थितीत राज्यातील ओबीसी नेते आणि पदाधिकारी यांची बैठक आयोजित करण्यात आली आहे. या बैठकीत मनोज जरांगे पाटील ओबीसी प्रवर्गातून मागत असलेल्या आरक्षणाबाबत चर्चा होणार आहे. दरम्यान, या बैठकीनंतर पत्रकार परिषदेच्या माध्यमातून बैठकीतील चर्चेची माहिती देण्यात येणार आहे.

मराठा आरक्षण आणि मनोज जरांगे पाटील यांच्या आंदोलनावर तोडगा काढण्यासाठी आज मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार, राधाकृष्ण विखे पाटील यांच्या उपस्थितीत मुख्यमंत्र्यांचे अधिकृत निवासस्थान ‘वर्षा’ येथे बैठकीला सुरुवात झाली आहे.

मराठा आरक्षण मागणी साठी मनोज जरांगे पाटील यांच्या नेतृत्वाखाली मुंबईतील आझाद मैदान येथे आंदोलन सुरु आहे. …अधिक वाचा

आंदोलनामुळे तणावाचे वातावरण निर्माण झाले असून त्यातच सोमवार सकाळपासून पावसाचा जोर वाढला आहे. या सर्वांच्या पार्श्वभूमीवर अनेक नोकरदारांनी सोमवारी वर्क फ्रॉम होम (Work From Home) चा पर्याय निवडला. …अधिक वाचा

Manoj Jarange Patil Maratha Reservation Protest Updates : कुणी रस्त्यावर कबड्डी खेळली. तर कुणी पोलिसांचे रस्तेरोधक हटवत त्यावर बसून तो ओढत नेताना दिसले. …सविस्तर वाचा

मराठा आरक्षण मिळावे या मागणीसाठी मनोज जरांगे पाटील हे मुंबईतील आझाद मैदानात उपोषणाला बसले आहेत. त्यांना पाठींबा देण्यासाठी राज्याच्या विविध भागातून मराठा समाजाचे लोक तिथे मोठ्या संख्येने तिथे जमले आहेत. …सविस्तर वाचा

गणपती बाप्पा मोरया अशी घोषणा सर्वच गणेशभक्त देत असतात. मात्र यातील मोरया साधू आणि मुरबाडचा थेट संबंध होता. त्याचे पुरावे एका पुस्तकाच्या निमित्ताने प्रकाशझोतात आले आहेत. …सविस्तर बातमी

आझाद मैदानावर मनोज जरांगे – पाटील यांना भेटण्यासाठी आलेल्या राष्ट्रवादी काँग्रेस पक्षाच्या (शरद पवार) कार्याध्यक्षा सुप्रिया सुळे यांना आंदोलकांच्या रोषाचा सामना करावा लागला. …अधिक वाचा

ठाणे जिल्ह्यातील मुरबाड, शहापूर तालुक्यात श्रमिक मुक्ती संघटनेने आदिवासी बांधवांना शेतजमिनी मिळवून देण्यासाठी प्रयत्न केले होते. त्यामुळे आदिवासी बांधव त्यांच्या या जमिनींचे काय करतात याचीही पाहणी श्रमिक मुक्ती संघटनेच्या माध्यमातून त्रयस्त व्यक्तींकडून केली जाते. …अधिक वाचा