बिहार निवडणुकीत चर्चेत असलेली मैथिली ठाकूर किती कमावते, आमदार झाल्यानंतर किती पगार

बिहार निवडणूक २०२५ चा निकाल आज जाहीर होणार आहे. मतमोजणी सुरू असून सर्वांचे लक्ष अलीनगर मतदारसंघाकडे आहे. मैथिली ठाकूर ही अलीनगर मतदारसंघातून निवडणूक लढवत आहे. भाजपाने या वेळी या मतदारसंघात नवीन आणि तरुण उमेदवार उभे केले आहेत. मैथिली ठाकूरच्या समोर आरजेडीचे वरिष्ठ नेते बिनोद मिश्रा आहेत, त्यामुळे अलीनगरमध्ये निवडणुकीस मोठा स्पर्धात्मक लढा अपेक्षित आहे. मैथिली ठाकूर प्रसिद्ध गायिका असून तिला तिच्या भजन गाण्यांनी मोठी ओळख मिळाली आहे, हेच तीचे प्रमुख उत्पन्नाचे साधन आहे. अभिनय व गायकीच्या कामातून ती महिन्याला १०-१२ शो करते. एका शोची फी ७-८ लाख रुपये असल्यामुळे तिचे मासिक उत्पन्न ७०-८० लाख रुपये आहे. वार्षिक उत्पन्न ७-९ कोटींच्यादरम्यान आहे. निवडणूक आयोगाला दिलेल्या माहितीनुसार, तिचे वार्षिक उत्पन्न ३.०४ कोटी रुपये असून, तिची संपत्ती १.५० कोटी रुपये (दिल्ली, द्वारका मधील फ्लॅट) इतकी आहे. २०२३-२४ च्या आयटीआरमध्ये तिने २८,६७,३५० रुपये उत्पन्न दाखवले आहे. बिहारमध्ये आमदाराचा बेसिक पगार ५०,००० रुपये असून, क्षेत्रीय भत्ता ५५,०००, बैठक भत्ता ३,००० रुपये प्रतिदिन, PA भत्ता ४०,००० आणि स्टेशनरी भत्ता १५,००० रुपये मिळून मासिक कमाई १.४० लाख रुपये होते. मात्र, विधायक होण्याचे फायदे फक्त आर्थिक नसून, सामाजिक प्रतिष्ठा, राजकीय प्रभाव, सरकारी सुविधा, विशेष प्रवास व मेडिकल सुविधा, वाहन कर्ज, भविष्यातील राजकीय संधी अशा अनेक गोष्टींमध्येही मिळतात. गायकीत कमाई जास्त असली तरी विधायक म्हणून सत्ता व प्रभाव अनंत असतात. (सर्व फोटो सौजन्य : मैथिली ठाकूर/इन्स्टाग्राम)