महात्मा गांधी यांचे शिक्षण किती होते? पोरबंदर ते लंडन कसा झाला बापूंचा प्रवास..

मोहनदास करमचंद गांधी यांचा जन्म सध्याच्या गुजरातमधील पोरबंदर येथे २ ऑक्टोबर १८६९ रोजी झाला होता त्यांचे प्राथमिक शिक्षण त्यांच्या जन्मगावी पोरबंदर येथे झाले. देशाच्या स्वातंत्र्य लढ्यातील अग्रेसर नेते असले तरी महात्मा गांधी हे शाळेत मात्र सामान्य विद्यार्थी होते. त्यांना खेळातही फार रस नव्हता . महात्मा गांधींवरील एका अहवालात नमूद केले आहे की, “ते इंग्रजीत चांगले होते, गणितात चांगले होते पण भूगोलात फार हुशार नव्हते, त्यांची वर्तणूक अत्यंत शिस्तप्रिय होती पण अक्षर फार वाईट होते, त्यांचा स्वभाव काहीसा लाजाळू होता.”

आणखी वाचा

ओळख शिक्षण धोरणाची: सामाजिक बांधिलकीसाठी उपक्रम

Gandhi Jayanti 2023 : महात्मा गांधीजींनी महिलांना दिलेला ‘हा’ सल्ला; जाणून घ्या महिला सक्षमीकरणाबाबत त्यांचे विचार…

वित्तरंजन : धोरणकर्ते डॉ. मनमोहन सिंग

एमपीएससी मंत्र : गट ब अराजपत्रित सेवा मुख्य परीक्षा : संयुक्त पेपर – चालू घडामोडी

प्राथमिक शिक्षणनंतर वडिलांच्या नवीन नोकरीमुळे गांधीजी राजकोटला गेले. ११ व्या वर्षी, त्यांनी अल्फ्रेड हायस्कूल मध्ये प्रवेश घेतला. इथे त्यांनी इंग्रजीसह अनेक विषयांमध्ये प्राविण्य मिळवले. गांधीजींनी विविध विषयांमध्ये प्राविण्य मिळवूनही हस्ताक्षर मात्र कधीच सुधारले नाही, कारण ते सुरुवातीलाच धुळीवर लिहून शिकले होते. २०१७ मध्ये गांधींनी शिक्षण घेतलेल्या शाळेचे संग्रहालयात रूपांतर करण्यात आले.

वयाच्या १३ व्या वर्षी त्याचे लग्न झाले, ज्यामुळे त्यांच्या हायस्कूलच्या शिक्षणात एका वर्षाचा ब्रेक झाला होता मात्र पुढे अधिक मेहनत घेऊन त्यांनी झालेले नुकसान भरून काढले.

हे ही वाचा<< Gandhi Jayanti 2023 : मोहनदास गांधी ते राष्ट्रपिता…कसा होता महात्मा गांधींचा जीवनप्रवास?

उच्च माध्यमिक शिक्षण पूर्ण केल्यानंतर, त्यांना सामलदास कला महाविद्यालयात प्रवेश मिळाला, त्या काळात या प्रदेशात पदवी प्रदान करणारे ते एकमेव ठिकाण होते. काही काळानंतर त्यांनी कायद्याचा अभ्यास करण्याचे ठरवले. यासाठी कुटुंब मागे सोडण्याच्या त्यांच्या निर्णयावर टीका झाली होती मात्र तरीही त्यांनी १८८८ मध्ये युनिव्हर्सिटी कॉलेज लंडन (UCL) मध्ये प्रवेश घेतला आणि तीन वर्षांत त्यांनी कायद्याची पदवी पूर्ण केली.