पुण्यात महिला डॉक्टरची चौथ्या मजल्यावरून उडी मारुन आत्महत्या

पुण्यातील सुख सागरनगर येथील गजानन क्लिनिकच्या चौथ्या मजल्यावरून पडून एका महिला डॉक्टरचा मृत्यू झाला. डॉ. इंदू डोंगरे असे मृत महिलेचे नाव आहे. आजारपणाला कंटाळून महिलेने आत्महत्या केली असावी, असा प्राथिमिक अंदाज कोंढवा पोलिसांनी वर्तवला आहे. पोलिसांनी दिलेल्या माहितीनुसार, डॉ. इंदू डोंगरे आणि त्यांचे पती डॉ. शाम डोंगरे यांचे सुखसागरनगर येथे स्वत:चे गजानन क्लिनिक आहे. मागील काही दिवसांपासून इंदू मानसोपचारतज्ञाकडे उपचार घेत होत्या. या आजारपणाला कंटाळूनच त्यांनी आत्मत्या केली असावी, असा अंदाज पोलिसांनी वर्तवला आहे.