लव्ह इन लंडन; भारत-दक्षिण आफ्रिका सामन्यातील ‘त्या’ कपलची सोशल मीडियावर चर्चा

गोलंदाजी, क्षेत्ररक्षण आणि फलंदाजीतील जबरदस्त कामगिरीच्या जोरावर भारताने दक्षिण आफ्रिकेवर ८ विकेट्स राखून दणदणीत विजय मिळवला. ICC Champions trophy मध्ये दक्षिण आफ्रिकेला स्पर्धेतून बाहेरचा रस्ता दाखवत भारताने उपांत्य फेरी गाठली. तेव्हा टीम इंडियाचे सोशल मीडियावर कौतुक होतच आहे. पण यावेळीही या मॅचमध्ये एका जोडीची जबरदस्त चर्चा पाहायला मिळाली. एव्हाना सोशल मीडियावर काल रात्रीपासून तुम्ही या जोडीला पाहिलं असेलच. ही जोडी सोशल मीडियावरची नवी मीम बनली आहे. एक मुलगी जी बहुदा साऊथ आफ्रिकन टीमची चाहती असावी तिच्या बाजूला भारतीय क्रिकेट टीमचा चाहता बसला होता. मॅडम पिझ्झा खाण्यात व्यग्र होत्या. त्याचवेळी हा चाहता तिच्याकडे असा काही बघत होता की ते पाहून ‘क्रिएटिव्ह’ डोक्याच्या माणसांना जोक्स सुचले नाही तर नवलच.