२ हजारांच्या नोटेवरही ‘बेवफा’ सोनम

गेल्या काही महिन्यांपासून नेटीझन्सच्या विस्मरणात गेलेली ही सोनम गुप्ता २ हजारांच्या नोटेमुळे पुन्हा एकदा प्रसिद्धीस आली. प्रियकराला दगा दिलेल्या सोनमचा प्रियकर अजूनही शांत बसला नाही हे पाहून अनेकांनी डोक्यावर हात मारला आहे. त्या सोनमला अंदाजाही नसेल की आपल्या बेईमानीचे चर्चे अद्यापही सुरूच आहेत. खरे तर नव्या नोट्या आल्या तर त्यावर ‘कृपया करुन कोणी पेनाने लिहू नका’ असे संदेशही व्हॉट्स अॅपवर फिरत होते. कारण अशा नोटा मग बाद केल्या जातात त्यामुळे नोटांवर कोणतीही अक्षरे पेनाने लिहू नये अशी मोहिम संदेशाद्वारे राबवली जात आहे. असे असताना या नोटेमुळे अनेकांनी चीड व्यक्त केली आहे. अगदी १० रुपयांपासून ते २००० रुपयांपर्यंतच्या अनेक नोटांवर या सोनमच्या दग्याफटक्याचे दाखले दिले आहेत. आता तर इंटरनेटवर व्हायरल झालेल्या या सोनम गुप्ताला ‘नॅशनल बेवफाच’ घोषीत करा असे विनोद रंगत आहेत तर कोण सोनम गुप्ताने केल्या प्रेमभंगामुळे नोटा खराब होत आहेत त्यामुळे तिला हुडकून काढून शिक्षा द्या असे विनोदही करत आहे. पण काही असले तरी अशा प्रकारे नव्या नोटांवर संदेश लिहून त्यांचे मूल्य कमी करू नका असेही आवाहन करण्यात येत आहे.

https://twitter.com/iuagarwal/status/798051425766883328