पुढील देशांतर्गत हंगामात अर्जुन गोव्याकडून खेळणार?; मुंबईकडून ना हरकत प्रमाणपत्रासाठी अर्ज

नवी दिल्ली : माजी क्रिकेटपटू सचिन तेंडुलकरचा मुलगा अर्जुन पुढील देशांतर्गत क्रिकेट हंगामात गोव्याकडून खेळण्याची दाट शक्यता आहे. २२ वर्षीय डावखुरा वेगवान गोलंदाज अर्जुन २०२०-२१च्या क्रिकेट हंगामातील सय्यद मुश्ताक अली करंडक क्रिकेट स्पर्धेत मुंबईकडून हरयाणा आणि पुडिचेरी संघांविरुद्धच्या दोन सामन्यांत खेळला होता. अर्जुनने मुंबई क्रिकेट संघटनेकडून ना हरकत प्रमाणपत्रासाठी अर्ज दाखल केला असल्याची माहिती मिळत आहे.