navratri festival begins at vitthal rukmini temple in pandharpur zws 70 | Loksatta

पंढरपुरातील विठ्ठल-रुक्मिणी मंदिरात नवरात्रोत्सवास आरंभ ; नऊ दिवस रुक्मिणीमातेस विविध पोशाख

याच बरोबरीने मंदिर समितीच्या वतीने आजपासून विविध सांस्कृतिक कार्यक्रमांचे आयोजन करण्यात आले आहे.

पंढरपुरातील विठ्ठल-रुक्मिणी मंदिरात नवरात्रोत्सवास आरंभ ; नऊ दिवस रुक्मिणीमातेस विविध पोशाख
पंढरपुरातील विठ्ठल-रुक्मिणी मंदिरात नवरात्रोत्सवास आरंभ

पंढरपूर : येथील श्री विठ्ठल रुक्मिणी मंदिरात शारदीय नवरात्र उत्सवास प्रारंभ झाला. रुक्मिणीमातेला पुढील नऊ दिवस शिवकालीन, पेशवेकालीन अलंकार,खडा व बैठकीचे पोशाख करण्यात येणार आहेत. याच बरोबरीने नऊ दिवस विविध सांस्कृतिक कार्यक्रमांचे  आयोजन करण्यात आल्याची माहिती श्री विठ्ठल रुक्मिणी मंदिर समितीचे कार्यकारी अधिकारी, प्रांताधिकारी गजानन गुरव यांनी दिली आहे.

दरम्यान, पहिल्या माळेला शहरात पावसाने हजेरी लावली आहे.  करोनानंतर म्हणजेच दोन वर्षांनंतर कोणतेही निर्बंधाशिवाय नवरात्र उत्सवास प्रारंभ झाला आहे. येथील श्री विठ्ठल रुक्मिणी मंदिरात या शारदीय नवरात्र उत्साहानिमित्त रुक्मिणीमातेला शिवकालीन,पेशवेकालीन दागिने,अलंकाराने सजविण्यात येणार आहे. रुक्मिणीमातेला दररोज २५ ते ३२ विविध अलंकारांनी सजविण्यात येणार आहे. या मध्ये ठुशी, जवेची माळ,मोहरांची माळ, कंठी (मोत्याचा) तानवड( कर्णफुले) आदी अलंकाराने देवीला सजविण्यात येणार आहे. त्याच प्रमाणे खडा व बैठकीचे पोशाख करण्यात येणार आहेत. या मध्ये मारवाडी /वंजारी/लमाणी, तुळजाभवानी , सरस्वती, वनदेवी (फुलांचा पोशाख), कमला देवी (कमळात बसलेली), कोल्हापूरची महालक्ष्मी , दुर्गा देवी, पसरती बैठक आणि सोन्याची साडी असे पोशाख केले जाणार आहेत.

नवरात्र उत्सवाच्या पहिल्या दिवशी पुण्यातील भक्त राम जांभूळकर यांनी विविध आकर्षक फुलांनी श्री विठ्ठल आणि रुक्मिणी मातेचे मंदिर सजविले आहे. याच बरोबरीने मंदिर समितीच्या वतीने आजपासून विविध सांस्कृतिक कार्यक्रमांचे आयोजन करण्यात आले आहे. यामध्ये मंजुषा पाटील यांचे शास्त्रीय गायन, अपर्णा केळकर व संजय गरुड यांचे अभंगवाणी यासह आनंद माडगूळकर, डॉ. राधा मंगेशकर, मनीषा निश्चल व जितेंद्र अभ्यंकर यांचा ‘गदिमा बाबूजी आणि मंगेशकर’ असे विविध कार्यक्रमांचे आयोजन केले आहे. हे सर्व कार्यक्रम संत तुकाराम भवन येथे रोज सायंकाळी ७.३० ते १० पर्यंत होणार असल्याची माहिती मंदिर समितीचे व्यवस्थापक बालाजी पूदलवाड यांनी दिली आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
संकटग्रस्त यादीतील पानटिलवा मुंबईत दाखल ; वेळेपूर्वीच स्थलांतरित पक्ष्यांचे आगमन

संबंधित बातम्या

“आमच्याकडे एक ‘सुशी ताई’ आहेत ज्यांच्या…”, मनसे आमदार राजू पाटलांची सुषमा अंधारेंवर बोचरी टीका
VIDEO : “तू तुझ्या औकातीत राहा, मला…”, ओमराजे निंबाळकर आणि राणा जगजितसिंह पाटील यांच्यात भर बैठकीत खडाजंगी
“युती तोडून महाविकास आघाडीसोबत जाऊन त्यांनी जो आमच्या कपाळावर …”; संजय राऊतांना अब्दुल सत्तारांचं प्रत्युत्तर!
“आपल्याकडील इतिहास मराठ्यांनी किंवा ब्राह्मणांनी…”, राज ठाकरेंचं मोठं विधान
संजय गायकवाडांची राऊतांना शिवीगाळ, उद्धव ठाकरेंची एका शब्दात प्रतिक्रिया; म्हणाले…

व्हिडिओ

ताज्या बातम्या
राष्ट्रवादी काँग्रेसच्या आजी-माजी आमदारांचा छत्रपती संभाजीराजेंच्या समाधिस्थानी आत्मक्लेश
Delhi Riots 2020 : दिल्ली दंगल खटल्यात उमर खालिद आणि खालिद सैफीची निर्दोष मुक्तता
विश्लेषण : चीनने ‘शून्य कोविड धोरण’ शिथिल केल्यास काय होणार?
नाद कुणाचा करायचा! टायगर शार्कचा व्हिडीओ काढायला गेला अन् होत्याचं नव्हतं झालं, पाण्यातील थरारक Viral Video पाहाच
मधुमेहाच्या रुग्णांनी रोज ‘हे’ पदार्थ खाण्यास सुरुवात करा; रक्तातील साखरेची समस्या कायमची दूर होईल