निर्माती एकता कपूरवर अटकेची टांगती तलवार, वेब सीरिजमध्ये सैनिकांच्या भावना दुखावल्याचा आरोप | Loksatta

निर्माती एकता कपूरवर अटकेची टांगती तलवार, वेब सीरिजमध्ये सैनिकांच्या भावना दुखावल्याचा आरोप

सीरिजमध्ये भारतीय जवानांबद्दल व त्यांच्या पत्नीबद्दल आक्षेपार्ह गोष्टी दाखवण्यात आल्या होत्या.

निर्माती एकता कपूरवर अटकेची टांगती तलवार, वेब सीरिजमध्ये सैनिकांच्या भावना दुखावल्याचा आरोप

टेलिव्हिजन क्वीन एकता कपूर अडचणीत सापडली आहे. बेगुसराय कोर्टाने एकता कपूर आणि तिच्या आईविरोधात अटक वॉरंट जारी केले आहे. एकता कपूरच्या वेब सीरिज थ्री एक्सच्या दुसऱ्या पर्वामध्ये दाखवण्यात आलेल्या दृश्यांबाबत आक्षेप घेण्यात आला होता. एकता कपूर आणि शोभा कपूर यांच्यावर सैनिकांचा अपमान केल्याचा आरोप करत गेल्या वर्षी बिहारच्या बेगुसराय न्यायालयात गुन्हा दाखल करण्यात आला होता.

या वेब सीरिजमध्ये अनेक आक्षेपार्ह दृश्ये दाखवण्यात आली होती. त्यामध्ये सैनिकांच्या पत्नींशी संबंधित आक्षेपार्ह दृश्यही होते. वेब सीरिजमधील एका दृश्यात, जेव्हा भारतीय जवान ड्युटीवर असतो, तेव्हा त्याची पत्नी लष्करी गणवेश घालून मित्रांबरोबर आक्षेपार्ह स्थितीत दाखवण्यात आली होती. याप्रकरणी गेल्या वर्षी एकता कपूर आणि तिची आई शोभा कपूर यांच्याविरुद्ध बिहारच्या बेगुसरायमध्ये गुन्हा दाखल करण्यात आला होता. या प्रकरणी बेगुसराय कोर्टाने एकता कपूर आणि तिची आई शोभा कपूर यांना समन्स बजावून कोर्टात हजर राहण्याचे आदेश दिले होते.

एबीपी लाईव्हने दिलेल्या वृत्तानुसार, बेगुसरायचे वकील हृषिकेश पाठक यांनी सांगितलं की, ही वेब सिरीज एकता कपूर आणि शोभा कपूर यांनी रिलीज केली होती. यामध्ये देशाचे रक्षण करणाऱ्या भारतीय जवानांबद्दल व त्यांच्या पत्नीबद्दल आक्षेपार्ह गोष्टी दाखवण्यात आल्या होत्या. एक्स-सर्व्हिसमेन सेलचे शंभू कुमार यांनी या वेब सीरिजच्या सीन्सबाबत बेगुसराय कोर्टात केस दाखल केली होती. हे प्रकरण राजीव कुमार यांच्या न्यायालयामार्फत विकास कुमार यांच्या न्यायालयात वर्ग करण्यात आले आणि तिथून हे अटक वॉरंट जारी करण्यात आले.

रिपोर्ट्सनुसार, एकता कपूरने या प्रकरणावर आपले स्पष्टीकरण देत सीरिजमधून सीन हटवल्याची माहिती दिली होती. शिवाय तिने माफीही मागितली होती. एकता कपूरची ही मालिका २०२० मध्ये रिलीज झाली होती.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
आमिर खानला रिमेकचा आधार, ‘लाल सिंग चड्ढा’नंतर आता ‘या’ परदेशी चित्रपटाचे बनवणार बॉलिवूड व्हर्जन

संबंधित बातम्या

बहुचर्चित ‘अवतार २’ केरळमध्ये होणार नाही रिलीज; चित्रपटगृहाच्या मालकांचा मोठा निर्णय, ‘हे’ आहे कारण
विश्लेषण : बिहारी ‘गब्बर’च्या मुसक्या आवळणारे ‘दबंग’ अधिकारी; ‘बिहार डायरीज’चे खऱ्या आयुष्यातील हिरो IPS अमित लोढा कोण?
“तो माझ्यापेक्षा वयाने…” ऋतुराज गायकवाडबरोबरच्या अफेअरच्या चर्चांवर सायली संजीवने केलेले उघडपणे भाष्य
नीना गुप्तांचा वर्कआउट बघून व्हाल थक्क; व्हिडीओ शेअर करत म्हणाल्या, “ही तर सुरवात…”
दिशा पटानीच्या बहिणीचा फोटो होतोय सोशल मीडियावर व्हायरल

व्हिडिओ

ताज्या बातम्या
विश्लेषण : बल्क ड्रग पार्क प्रकल्प अधांतरी?
पहिल्या टप्प्यातील प्रचार समाप्त, उद्या मतदान; ८९ जागांसाठी ७८८ उमेदवार रिंगणात
श्रद्धा वालकर हत्या प्रकरण : आफताबच्या ‘नार्को’ चाचणीस न्यायालयाची परवानगी; हल्ला झाल्याने बंदोबस्तात वाढ
पंजाबमध्ये पाकिस्तानचे ड्रोन पाडले; ‘बीएसएफ’च्या महिला पथकाची कामगिरी
चिनी विद्यापीठांतून विद्यार्थ्यांची परत पाठवणी; करोना प्रसार टाळण्यासाठी खबरदारी