वीज पडून राजुरा तालुक्यातील युवा शेतकरी ठार

ही घटना गुरुवारी दुपारी २.३० वाजता घडली. मानकू रामू कोडापे (३०) असे मृत व्यक्तीचे नाव असून त्याची पत्नी जंगूबाई कोडापे ही गंभीर जखमी झाली आहे. तालुक्यात दुपारी विजेच्या कडकडाटासह पावसाने हजेरी लावली. कोडापे दांपत्य शेतात काम करीत असताना अचानक त्यांच्यावर वीज कोसळली. त्यात युवा शेतकरी मानकू कोडापे यांचा जागीच मृत्यू झाला. त्यांची पत्नी गंभीर जखमी असून राजुरा येथील उपजिल्हा रुग्णालयात उपचार सुरू आहेत.