सुखी संसाराची ५० वर्षे; सिद्धार्थने पोस्ट केले सेलिब्रेशनचे फोटो

प्रेक्षकांचा लाडका सिध्दू म्हणजेच अभिनेता सिद्धार्थ जाधव त्याच्या अप्रतिम अभिनयासाठी आणि त्याच्या कमाल विनोदबुद्धीसाठी प्रसिद्ध आहे. कलाविश्वाप्रमाणेच अभिनेता सिद्धार्थ जाधव सोशल मीडियावर बऱ्यापैकी सक्रिय असतो.सिद्धार्थच्या आई-वडिलांच्या लग्नाचा ५० वा वाढदिवस नुकताच साजरा करण्यात आला. या सेलिब्रेशनचे काही फोटो सिद्धार्थने चाहत्यांसोबत शेअर केले आहेत.'सुखी संसाराची ५० वर्ष .. चि. रामचंद्र आणि चि.सौ.का. मंदाकिनी (तारा)... यांना लग्नाच्या ५० व्या वाढदिवसानिमित्त खुप खुप शुभेच्छा... २६ मे १९७१=२६ मे २०२१ - लवेश (दादा) ,पंकजाक्षी (पिंकी), सिद्धार्थ (सिध्दू)...' असं कॅप्शन देत सिद्धार्थनं हे फोटो शेअर केले आहेत.या फोटोंवर चाहत्यांकडून लाइक्स व कमेंट्सचा वर्षाव होत आहे. (सर्व फोटो सौजन्य : सिद्धार्थ जाधव / इन्स्टाग्राम)